ಅಷ್ಟಾಂಗಿಕ ಮಾರ್ಗದಿಂದ ಬದುಕು ಸುಂದರ

ಸೇಡಂ : ಪ್ರಸ್ತುತ ಕಾಲಟ್ಟದಲ್ಲಿ ನಮಗೆ ಬೇಕಿರುವುದು ಯುದ್ಧವಲ್ಲ, ಬುದ್ಧ. ಭಗವಾನ್​ ಬುದ್ಧ ಪ್ರತಿಪಾದಿಸಿದ್ದ ನಾಲ್ಕು ಆರ್ಯ ಸತ್ಯ ಮತ್ತು ಅಷ್ಟಾಂಗಿಕ ಮಾರ್ಗಗಳನ್ನು ಜೀವನದಲ್ಲಿ ಪ್ರತಿಪಾಲನೆ ಮಾಡಿದ್ದೇಯಾದರೆ ಬದುಕು ಸುಂದರ ಮತ್ತು ಸಾರ್ಥಕವಾಗಲಿದೆ ಎಂದು ಸಿಪಿಐ ಮಹಾದೇವ ದಿಡ್ಡಿಮನಿ ಹೇಳಿದರು.

ನಗರದ ಸರ್ಕಾರಿ ನೌಕರರ ಭವನದಲ್ಲಿ ಮಹಾಬೋಧಿ ಚಾರಿಟೇಬಲ್​ ಆ್ಯಂಡ್​ ವೆಲ್ಫೇರ್​ ಟ್ರಸ್ಟ್​ ಗುರುವಾರ ಆಯೋಜಿಸಿದ್ದ ಭಗವಾನ್​ ಬುದ್ಧ ಜಯಂತಿ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ವಿಶ್ವದ ಎರಡನೆಯ ಅತಿ ದೊಡ್ಡ ಧರ್ಮವಾಗಿ ಬೌದ್ಧ ಹೊರಹೊಮ್ಮಿದೆ ಎಂದರು.

ನಮ್ಮ ಸಮಾಜದಲ್ಲಿ ಇನ್ನೂ ಮೂಢನಂಬಿಕೆಯಂತಹ ಅನಿಷ್ಠ ಆಚರಣೆಗಳು ಚಾಲ್ತಿಯಲ್ಲಿವೆ. ನಾವೂ ಅತ್ತ ಸಂಪೂರ್ಣ ಹಿಂದೂಗಳಾಗದೆ, ಇತ್ತ ಬೌದ್ಧ ಧರ್ಮವೂ ಸ್ವೀಕಾರ ಮಾಡದೆ ಡೋಲಾಯಮಾನ ಸ್ಥಿತಿಯಲ್ಲಿದ್ದೇವೆ. ಹೀಗಾಗಿ ಎಲ್ಲ ಗೊಂದಲಗಳಿಂದ ಹೊರಬಂದು ವೈಜ್ಞಾನಿಕ ನೆಲೆಗಟ್ಟಿನ ಬೌದ್ಧ ಧರ್ಮ ಅನುಸರಿಸುವವರಾಗಬೇಕು ಎಂದು ಸಲಹೆ ನೀಡಿದರು.

ಡಾ.ಗೌತಮ ಕಟ್ಟಿಮನಿ ಮಾತನಾಡಿ, ಬುದ್ಧ ಮತ್ತು ಡಾ.ಬಿ.ಆರ್​. ಅಂಬೇಡ್ಕರ್​ ತತ್ವಗಳ ಮೇಲೆ ನಾವು ನಡೆಯಬೇಕಿದೆ. ಬಾಬಾ ಸಾಹೇಬರು ಶಿಕ್ಷಣವೇ ನಮ್ಮ ಮೊದಲ ಅಸ್ತ್ರ ಎಂದು ಪ್ರತಿಪಾದನೆ ಮಾಡಿದ್ದರು. ಆದರೆ ನಾವು ಹೋರಾಟವನ್ನು ಅಸ್ತ್ರವನ್ನಾಗಿ ಮಾಡಿಕೊಂಡಿದ್ದೇವೆ. ಇದು ಬದಲಾಗಬೇಕು. ಶಿಕ್ಷಣಕ್ಕೆ ನಮ್ಮ ಮೊದಲ ಆದ್ಯತೆ ನೀಡಬೇಕು ಎಂದು ಕರೆ ನೀಡಿದರು.

ಆಣದೂರ ಬುದ್ಧ ವಿಹಾರದ ಶ್ರೀ ಭಂತೆ ವರಜ್ಯೋತಿ ಆಶೀರ್ವಚನ ನೀಡಿದರು. ಬುದ್ಧ ಉಪಾಸಕ ಸುರೇಶ ಕಣೇಕಲ್​ ಉಪನ್ಯಾಸ ನೀಡಿದರು. ಟ್ರಸ್ಟ್​ ಅಧ್ಯಕ್ಷ ಸುನೀಲಕುಮಾರ ಕೊಳ್ಳಿ ಅಧ್ಯಕ್ಷತೆ ವಹಿಸಿದ್ದರು.

ಛಲವಾದಿ ಸಮಾಜದ ತಾಲೂಕು ಅಧ್ಯಕ್ಷ ಶಿವಕುಮಾರ ತೊಟ್ನಳ್ಳಿ, ಸಮಾಜ ಕಲ್ಯಾಣ ಇಲಾಖೆಯ ವಿಜಯಕುಮಾರ ಫುಲಾರಿ, ಸಿಡಿಪಿಒ ಅನುರಾಧಾ ಪಾಟೀಲ್​, ಪತ್ರಕರ್ತರ ಸಂದ ತಾಲೂಕು ಅಧ್ಯಕ್ಷ ಶರಣು ಮಹಾಗಾಂವ, ಹಣಮಂತ ಸಾಗರ್​, ಬಸವರಾಜ ಸಾಗರ್​, ಗೋಪಾಲರಾವ ಸೇಡಂಕರ್​, ಶ್ರೀನಿವಾಸ ಸಂಗಾವಿ, ಸುನೀಲ್​ ಹಳ್ಳಿ, ಗೌತಮ ಹಳ್ಳಿ, ವಿಠ್ಠಲ್​ ಭರಮಕರ್​ ಇತರರಿದ್ದರು.

ಲಕ್ಷ$್ಮಣ ರಂಜೋಳ ಪ್ರಾರ್ಥಿಸಿದರು. ವಿಶ್ವರಾಜ ಮಾದ್ವಾರ ಸ್ವಾಗತಿಸಿದರು. ಮಾರುತಿ ಹುಳಗೋಳಕರ್​ ಪ್ರಾಸ್ತಾವಿಕ ಮಾತನಾಡಿದರು. ರೇವಣಸಿದ್ದಪ್ಪ ಸಿಂಧೆ ನಿರೂಪಣೆ ಮಾಡಿದರು. ರವೀಂದ್ರ ತೆಲ್ಕೂರ ವಂದಿಸಿದರು.