ಸೈಕಲ್​ ಉಜ್ವಲ ಭವಿಷ್ಯಕ್ಕೆ ರೆಕ್ಕೆಯಾಗಲಿ

ಯಾದಗಿರಿ: ಸೈಕಲ್​ಗಳು ವಿದ್ಯಾರ್ಥಿನಿಯರ ಉಜ್ವಲ ಭವಿಷ್ಯಕ್ಕೆ ರೆಕ್ಕೆಗಳಾಗಲಿ ಎಂದು ಜಿಲ್ಲಾ ಪಂಚಾಯಿತಿ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಲವೀಶ್​ ಓರ್ಡಿಯಾ ಆಶಯ ವ್ಯಕ್ತಪಡಿಸಿದರು.

ನಗರದಲ್ಲಿ ಇತ್ತೀಚೆಗೆ ಜಿಪಂ, ಎಸ್​ಬಿಐ, ಲೀಡ್​ ಬ್ಯಾಂಕ್​ ಸಹಯೋಗದಡಿ ಏರ್ಪಡಿಸಿದ್ದ ವಿಶೇಷ ಕಾರ್ಯಕ್ರಮದಲ್ಲಿ 8 ಮತ್ತು 9ನೇ ತರಗತಿಯ 50 ಅರ್ಹ ವಿದ್ಯಾರ್ಥಿನಿಯರಿಗೆ ಉಚಿತ ಸೈಕಲ್​ ವಿತರಿಸಿದ ಅವರು, ಪ್ರತಿದಿನ ಗಂಟೆಗಟ್ಟಲೇ ನಡೆದುಕೊಂಡುವ ಹೋಗುವ ಸಮಯವನ್ನು ಓದಿಗೆ ಮೀಸಲಿಡಬೇಕು ಎಂದು ಕಿವಿಮಾತು ಹೇಳಿದರು.

ಹಿರಿಯ ಸಿವಿಲ್​ ನ್ಯಾಯಾಧೀಶ ಮರಿಯಪ್ಪ ಮಾತನಾಡಿ, ಕಾನೂನು ಪ್ರೆ, ಸುರಕ್ಷತೆ ಹಾಗೂ ಉನ್ನತ ಸಾಮಾಜಿಕ ಮೌಲ್ಯಗಳನ್ನು ಬಿತ್ತುವ ವಿಶೇಷ ಪ್ರಮಾಣವಚನ ಬೋಧಿಸಿದರು.

ಮಾರ್ಗದರ್ಶಿ ಸಂಸ್ಥೆ ನಿರ್ದೇಶಕ ಆನಂದರಾಜ್​ ಪ್ರಾಸ್ತಾವಿಕ ಮಾತನಾಡಿ, ಹೆಣ್ಣು ಮಕ್ಕಳ ಶಿಕ್ಷಣ ಮತ್ತು ಸ್ವಾವಲಂಬನೆಗೆ ಈ ಯೋಜನೆ ಹೇಗೆ ಪೂರಕವಾಗಿದೆ ಎಂಬುದನ್ನು ತಿಳಿಸಿದರು.

ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಉಪನಿರ್ದೇಶಕ ತಿಪ್ಪಣ್ಣ ಶಿರಸಗಿ ಮಾತನಾಡಿದರು. ಎಸ್​ಬಿಐ ಮುಖ್ಯಸ್ಥೆ ಶಾಂತಿ ಭಾರತಿ ಮಾತನಾಡಿ, ಹೆಣ್ಣುಮಕ್ಕಳ ಪ್ರಗತಿಗಾಗಿ ನಮ್ಮ ತಂಡ ಸದಾ ನೆರವು ನೀಡಲಿದೆ ಎಂದು ಭರವಸೆ ನೀಡಿದರು. ಲೀಡ್​ ಬ್ಯಾಂಕ್​ ಜಿಲ್ಲಾ ವ್ಯವಸ್ಥಾಪಕ ಸುನಿಲ್​, ಸತ್ಯನಾರಾಯಣ ಇತರರಿದ್ದರು.

ಯಾದಗಿರಿ: ಮೊಹರಂ ಹಬ್ಬದ ನಿಮಿತ್ತ ಗುರುವಾರ ಬೆಳಗ್ಗೆ 6ರಿಂದ ಶುಕ್ರವಾರ ಬೆಳಗ್ಗೆ 6ರವರೆಗೆ ಜಿಲ್ಲೆಯ ಎಲ್ಲ ವೈನ್​ಶಾಪ್​, ಬಾರ್​ ಹಾಗೂ ಸಗಟು ಮತ್ತು ಚಿಲ್ಲರೆ ಮದ್ಯ ಮಾರಾಟ ನಿಷೇಧಿಸಿ ಜಿಲ್ಲಾ ದಂಡಾಧಿಕಾರಿ ರಾಹುಲ್​ ಪಾಂಡ್ವೆ ಆದೇಶಿಸಿದ್ದಾರೆ.