ಬದುಕಿನ ಉನ್ನತಿಯಲ್ಲಿ ಕಲಿಕೆ ಮಹತ್ವದ್ದು

ಕಲಬುರಗಿ: ಬದುಕಿನ ಆಮೂಲಾಗ್ರ ಬೆಳವಣಿಗೆಗೆ ಕಲಿಕೆ ಮಹತ್ವದ್ದಾಗಿದ್ದು, ಶಿಕ್ಷಕರಾದವರು ಅದನ್ನು ಜವಾಬ್ದಾರಿಯಿಂದ ನಿಭಾಯಿಸಬೇಕು ಎಂದು ಡೊಂಗರಗಾಂವ ಪ್ರೌಢಶಾಲೆ ಮುಖ್ಯಗುರು ಸುನಿತಾ ಬಿರಾದಾರ ಹೇಳಿದರು.

ಕಮಲಾಪುರ ತಾಲೂಕಿನ ಬಂಡನಕೇರಾ ತಾಂಡಾ ಸರ್ಕಾರಿ ಶಾಲೆಯಲ್ಲಿ ಏರ್ಪಡಿಸಿದ್ದ ಶಿಕ್ಷಕ ಡಾ.ಸೂರ್ಯಕಾಂತ ಪಾಟೀಲ್​ ಅವರ ವಯೋನಿವೃತ್ತಿ ಸಮಾರಂಭದಲ್ಲಿ ಮಾತನಾಡಿದ ಅವರು, ಪಾಟೀಲರು ಪತ್ರಕರ್ತ, ಸಾಹಿತಿ, ಶಿಕ ಹೀಗೆ ವಿಭಿನ್ನ ಕ್ಷೇತ್ರಗಳಲ್ಲಿ ಸಲ್ಲಿಸಿದ ಸೇವೆ ಅನನ್ಯವಾದುದು ಎಂದು ಕೊಂಡಾಡಿದರು.

ಪ್ರೌಢಶಾಲಾ ಶಿಕ್ಷಕರ ಸಂಘದ ಗೌರವಾಧ್ಯಕ್ಷ ನಬಿಸಾಬ್​ ಮೋಮಿನ್​ ಮಾತನಾಡಿ, ಬದುಕುವ ಕಲೆ ಮತ್ತು ಜ್ಞಾನದ ಅರಿವು ಮೂಡಿಸುವ ಶಿಕ್ಷಕರು ಕಠಿಣ ಪರಿಶ್ರಮದಿಂದಲೇ ಸಾಧಿಸಿ ತೋರಿಸಬೇಕೆಂದು ಅಭಿಪ್ರಾಯಪಟ್ಟರು.

ಸನ್ಮಾನ ಸ್ವೀಕರಿಸಿದ ಡಾ.ಸೂರ್ಯಕಾಂತ ಪಾಟೀಲ್​ ಮಾತನಾಡಿ, ಜಗತ್ತನ್ನೇ ಬದಲಾಯಿಸಬಹುದಾದ ಶಕ್ತಿಶಾಲಿ ಆಯುಧ ಶಿಕ್ಷಣ ಎಂಬುದನ್ನು ವೃತ್ತಿ ಜೀವನದಲ್ಲಿ ಮನಗಂಡಿದ್ದೇನೆ. ಅದರ ಪಾವಿತ್ರವನ್ನು ಬದುಕಿನಲ್ಲಿ ಅಳವಡಿಸಿಕೊಳ್ಳುವಲ್ಲಿ ಪ್ರಯತ್ನಿಸುತ್ತೇನೆ ಎಂದು ಹೇಳಿದರು.

ಮುಖ್ಯಗುರುಗಳಾದ ಭೀಮಾಶಂಕರ ರಾಜೇಶ್ವರ, ಮಹಾದೇವ ಪಾಟೀಲ್​, ಅಂಗದರಾವ ಪಾಟೀಲ್​ ಮಾತನಾಡಿದರು. ಮುಖಂಡ ಮಾರುತಿ ಜಾಧವ, ಎಸ್​ಡಿಎಂಸಿ ಅಧ್ಯ ಸತೀಶ ಜಾಧವ್​, ಶಿಕರಾದ ಸಂಜುಕುಮಾರ ಚವ್ಹಾಣ್​, ಮಹಾದೇವಿ ಬಿರಾದಾರ, ಡಾಕು ನಾಯಕ, ಹೇಮಾವತಿ ಮಠ, ಲೋಹಿತ್​ ಚವ್ಹಾಣ್​, ಮಧುಮತಿ ಪಾಟೀಲ್​, ನಾಗೇಂದ್ರಪ್ಪ ಕೋರಿ, ಶಿವಲಿಂಗಪ್ಪ ಬಿರಾದಾರ, ಪದ್ಮಾವತಿ ಹರಸೂರ, ರೋಹಿದಾಸ ಚವ್ಹಾಣ್​, ಫಕೀರಸಾಬ್​, ರಾಜೇಶ್ವರಿ ಪಾಟೀಲ್​, ಸುಭಾಷ ಇದ್ದರು.

ಅಮನ್​ ಜಾಧವ್​ ಪ್ರಾರ್ಥಿಸಿದರು. ಡಾ.ಸಂಕೇತ ಪಾಟೀಲ್​ ಸ್ವಾಗತಿಸಿದರು. ಈಶ್ವರ ಭೋಗನ್​ ನಿರೂಪಣೆ ಮಾಡಿದರು. ಪುಂಡಲೀಕ ವಂದಿಸಿದರು. ಡಾ.ಸೂರ್ಯಕಾಂತ ಪಾಟೀಲ್​ ದಂಪತಿಯನ್ನು ಗ್ರಾಮಸ್ಥರು, ವಿದ್ಯಾರ್ಥಿಗಳಲ್ಲದೆ ಡೊಂಗರಗಾಂವ ಕ್ಲಸ್ಟರ್​ ಶಿಕರು ಸನ್ಮಾನಿಸಿದರು.