ಬಸವಕಲ್ಯಾಣ: ವಿದ್ಯಾರ್ಥಿಗಳಲ್ಲಿ ಶಿಕ್ಷಣದ ಜತೆಗೆ ಆದರ್ಶ ಮೌಲ್ಯ ಮತ್ತು ನಾಯಕತ್ವ ಗುಣಗಳನ್ನು ಬೆಳೆಸುವುದು ಅವಶ್ಯಕ ಎಂದು ಲೋಕೋಪಯೋಗಿ ಇಲಾಖೆಯ ಎಇಇ ರಮೇಶ ಪಾಟೀಲ್ ಹೇಳಿದರು. ಖಾನಾಪುರ ವಾಡಿ ಕ್ರಾಸ್ ಸಮೀಪ ನೂತನವಾಗಿ ಅರಂಭವಾಗಿರುವ ಮಾರುತಿ ಇಂಟರ್ನ್ಯಾಷನಲ್ ಸ್ಕೂಲ್ನಲ್ಲಿ ಶನಿವಾರ ವಿದ್ಯಾರ್ಥಿ ಪರಿಷತ್ ಚುನಾವಣೆಗಳ ನಿಮಿತ್ತ ಆಯೋಜಿಸಲಾಗಿದ್ದ ವಿಶೇಷ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಸಂಸ್ಥೆಯ ಅಧ್ಯಕ್ಷ ದತ್ತಾತ್ರೇಯ ಪರಶುರಾಮ ಈ ಭಾಗದಲ್ಲಿ ಗುಣಮಟ್ಟದ ಶಿಕ್ಷಣ ಕಲ್ಪಿಸುವ ಉದ್ದೇಶದಿಂದ ಈ ಶಾಲೆ ಆರಂಭಿಸಿದ್ದಾರೆ. ಶಿಕ್ಷಣಕ್ಕೆ ಪೂರಕವಾದ ಪರಿಸರ ಇಲ್ಲಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು. ಸ್ಕೂಲ್ ವ್ಯವಸ್ಥಾಪಕಿ ಗೀತಾ, ಆಕಾಶ, ಪ್ರಾಚಾರ್ಯ ಮಹೇಶ ಬಾಂಗರ, ಆಡಳಿತ ಅಧಿಕಾರಿ ಶೋಭಾದೇವಿ ಇದ್ದರು. ಚುನಾವಣೆಯಲ್ಲಿ ಹುಗೈದ, ಸಿದ್ದಾರ್ಥ, ನೇಹಾ, ಆರಾಧ್ಯ ಮತ್ತು ಸ್ನೇಹಾ ಅಭ್ಯರ್ಥಿಗಳಾಗಿದ್ದು, 21ರಂದು ಆಯ್ಕೆ ಪ್ರಕ್ರಿಯೆ ನಡೆಯಲಿದೆ.
