ಖರ್ಗೆ ಭಾಷಣದ ವೇದಿಕೆ ಶುದ್ಧೀಕರಣಕ್ಕೆ ಕಿಡಿ

ಹುಮನಾಬಾದ್​: ಎಐಸಿಸಿ ಅಧ್ಯಕ್ಷ ಹಾಗೂ ರಾಜ್ಯಸಭೆ ಪ್ರತಿಪಕ್ಷ ನಾಯಕ ಡಾ.ಮಲ್ಲಿಕಾರ್ಜುನ ಖರ್ಗೆ ಉತ್ತರಾಖಂಡದ ಹಲ್ದವಾನಿಯಲ್ಲಿ ಭಾಷಣ ಮಾಡಿದ ವೇದಿಕೆ ಶುದ್ಧೀಕರಣ ಮಾಡಿದ ಘಟನೆ ಖಂಡಿಸಿ ಪಟ್ಟಣದಲ್ಲಿ ಕಾಂಗ್ರೆಸ್​ನಿಂದ ಭಾನುವಾರ ಪ್ರತಿಭಟನೆ ನಡೆಸಲಾಯಿತು.

ಪಟ್ಟಣದ ಹಳೇ ತಹಸಿಲ್​ ಕಚೇರಿಯಿಂದ ಡಾ.ಅಂಬೇಡ್ಕರ್​ ವೃತ್ತದವರೆಗೆ ಮಾಜಿ ಸಚಿವ ರಾಜಶೇಖರ ಪಾಟೀಲ್​ ನೇತೃತ್ವದಲ್ಲಿ ಕಾಂಗ್ರೆಸ್​ ಮುಖಂಡರು ಹಾಗೂ ಕಾರ್ಯಕರ್ತರು ಪ್ರತಿಭಟನಾ ಮೆರವಣಿಗೆ ನಡೆಸಿ ಆಕ್ರೋಶ ವ್ಯಕ್ತಪಡಿಸಿದರು.

ನಂತರ ಮಾತನಾಡಿದ ಪ್ರಮುಖರು, ಅತ್ಯಂತ ಹಿರಿಯ ರಾಜಕೀಯ ನಾಯಕರು, ಅಲ್ಲದೆ ದೇಶದ ಪ್ರಮುಖ ಹುದ್ದೆಯಲ್ಲಿರುವ ಡಾ.ಮಲ್ಲಿಕಾರ್ಜುನ ಖರ್ಗೆ ಭಾಷಣ ಮಾಡಿದ ಸ್ಥಳವನ್ನು ಬಿಜೆಪಿ ಹಾಗೂ ಆರ್​ಎಸ್​ಎಸ್​ ಕುಮ್ಮಕ್ಕಿನಿಂದ ಶುದ್ಧೀಕರಣಗೊಳಿಸುವ ಮೂಲಕ ಅವಮಾನ ಮಾಡಿರುವುದು ಕೃತ್ಯ ಖಂಡನೀಯವಾಗಿದೆ. ಇದು ಇಡೀ ದೇಶಕ್ಕೆ ಮಾಡಿದ ಅವಮಾನವಾಗಿದೆ. ಘಟನೆಗೆ ಕಾರಣರಾದವರ ವಿರುದ್ಧ ಪ್ರಕರಣ ದಾಖಲಿಸಿ ಬಂಧಿಸುವಂತೆ ಒತ್ತಾಯಿಸಿದರು.

ರಾಜ್ಯಪಾಲರಿಗೆ ಬರೆದ ಮನವಿ ಪತ್ರವನ್ನು ಸ್ಥಳಕ್ಕೆ ಆಗಮಿಸಿದ ತಹಸೀಲ್ದಾರ್​ ಜಗದೀಶ್​ ಚೌರ ಅವರಿಗೆ ಸಲ್ಲಿಸಿದರು.

ಮಾಜಿ ಸಚಿವ ರಾಜಶೇಖರ ಪಾಟೀಲ್​, ಎಂಎಲ್​ಸಿ ಡಾ.ಚಂದ್ರಶೇಖರ ಪಾಟೀಲ್​, ಮಾಜಿ ಎಂಎಲ್​ಸಿ ಅರವಿಂದ ಅರಳಿ, ಪಕ್ಷದ ಮುಖಂಡರಾದ ಧನರಾಜ ತಾಳಂಪಳ್ಳಿ, ಲಕ್ಷ್ಮಣರಾವ ಬುಳ್ಳಾ, ರಮೇಶ ಡಾಕುಳಗಿ, ಶ್ರೀಮಂತ ಪಾಟೀಲ್​, ಮಲ್ಲಿಕಾರ್ಜುನ ಮಾಳಶಟ್ಟಿ, ಕಂಟೆಪ್ಪ ದಾನ, ಮಲ್ಲಿಕಾರ್ಜುನ ಮಹೇಂದ್ರಕರ್​, ದತ್ತಕುಮಾರ ಚಿದ್ರಿ, ಉಮೇಶ ಕುಲಕರ್ಣಿ, ಅಫ್ಸರ್​ಮಿಯಾ, ಓಂಕಾರ ತುಂಬಾ, ವಿಜಯಕುಮಾರ ನಾತೆ, ಉಮೇಶ ಜಮಗಿ, ಲಕ್ಷ್ಮೀ ಪುತ್ರ ಮಾಳಿಗೆ, ಸುರೇಶ ಘಾಂಗ್ರೆ, ಯಾಸಿನ್​ ಅಲಿ ಸೇರಿ ಕಾಂಗ್ರೆಸ್​ ಮುಖಂಡರು, ಕಾರ್ಯಕರ್ತರು ಪಾಲ್ಗೊಂಡಿದ್ದರು.

"

"