ಕಾಳಗಿ ಅಭಿವೃದ್ಧಿಗೆ ಎಂಎಲ್​ಸಿ ಗುತ್ತೇದಾರ್​ ಶ್ರಮ

ಕಾಳಗಿ: ಭರತನೂರ ರಸ್ತೆ ಮಾರ್ಗದಲ್ಲಿನ ನಂದೂರ ಶಿವಲಿಂಗೇಶ್ವರ ದೇವಸ್ಥಾನ ಹತ್ತಿರ ನಾಲಕ್ಕೆ ಅಡ್ಡಲಾಗಿ 5 ಕೋಟಿ ರೂ. ವೆಚ್ಚದಲ್ಲಿ ನಿಮಾರ್ಣವಾಗುತ್ತಿರುವ ಬ್ರಿಡ್ಜ್​ ಕಂ ಬ್ಯಾರೇಜ್​ ಕಾಮಗಾರಿಗೆ ಹಾರಕೂಡದ ಶ್ರೀ ಡಾ. ಚನ್ನವಿರ ಶಿವಾಚಾರ್ಯರು ಶುಕ್ರವಾರ ಚಾಲನೆ ನೀಡಿದರು. 

ಜಿಲ್ಲಾ ಪಂಚಾಯಿತಿ ಮಾಜಿ ಸದಸ್ಯ ರಾಜೇಶ ಗುತ್ತೇದಾರ್​ ಮಾತನಾಡಿ, ಎಂಎಲ್​ಸಿ ಜಗದೇವ ಗುತ್ತೇದಾರ್​ ಅವರ ಅನುದಾನದಡಿ ಎಸ್​ಬಿಐ ಬ್ಯಾಂಕ್​ ಹತ್ತಿರದ ಪರಿಶಿಷ್ಟ ಜಾತಿ ಬಡಾವಣೆಯಲ್ಲಿ 4 ಲಕ್ಷ ರೂ. ವೆಚ್ಚದಲ್ಲಿ ಸಿಸಿ ರಸ್ತೆ ನಿಮಾರ್ಣ, ಕಿಂಡಿ ತಾಂಡಾದಲ್ಲಿ ಕುಡಿಯುವ ನೀರು ಮತ್ತು ಪೈಪ್​ಲೈನ್​ ದುರಸ್ತಿಗಾಗಿ 5 ಲಕ್ಷ ರೂ ಹಾಗೂ ಸಿಸಿ ರಸ್ತೆ ನಿಮಾರ್ಣಕ್ಕಾಗಿ 4 ಲಕ್ಷ ರೂ. ವ್ಯಯಿಸಲಾಗಿದೆ. ಹಾರಕೂಡ ಶ್ರೀಗಳ ಆಶಯದಂತೆ ಸಣ್ಣ ನೀರಾವರಿ ಮತ್ತು ಅಂರ್ತಜಲ ಇಲಾಖೆ ಯೋಜನೆಯಲ್ಲಿ ನಾಲಾಕ್ಕೆ ಅಡ್ಡಲಾಗಿ ಬ್ಯಾರೆಜ್​ ನಿರ್ಮಿಸಲಾಗುತ್ತಿದೆ ಎಂದರು.

ಹೊನ್ನಕಿರಣಗಿಯ ಶ್ರೀ ಚಂದ್ರಗುಂಡ ಶಿವಾಚಾರ್ಯ, ಭರತನೂರಿನ ಶ್ರೀ ಚಿಕ್ಕಗುರುನಂಜೇಶ್ವರ ಸ್ವಾಮೀಜಿ, ಹಿರೇಮಠದ ಶ್ರೀ ನೀಲಕಂಠ ಮರಿದೇವರು, ಜಿಪಂ ಮಾಜಿ ಸದಸ್ಯ ರಾಮಲಿಂಗರೆಡ್ಡಿ ದೇಶಮುಖ, ಡಾ.ಶಿವಾನಂದ ಮಜ್ಜಿಗೆ, ರಾಘವೇಂದ್ರ ಗುತ್ತೇದಾರ್​, ಶಿವಶರಣಪ್ಪ ಕಮಲಾಪುರ, ವಿಶ್ವನಾಥ ವನಮಾಲಿ, ವೀರಣ್ಣ ಗಂಗಾಣಿ, ಶಿವಶರಣಪ್ಪ ಗುತ್ತೇದಾರ್​, ಶರಣಪ್ಪ ಬೆಲೂರ, ಗುರುರಾಜ ಮದ್ದೂರು, ಶರಣು ಮಜ್ಜಿಗೆ, ವೇದಪ್ರಕಾಶ ಮೊಟಗಿ, ಮಹೇಶ ಗುತ್ತೇದಾರ್​, ಗೌರಿಶಂಕರ ಗುತ್ತೇದಾರ್​, ದತ್ತು ಗುತ್ತೇದಾರ್​ ಇತರರಿದ್ದರು.