ರಾಜ್ಯ

ಕೆ ಸೆಟ್: 8,383 ಮಂದಿ ಅರ್ಹತೆ

ಕೆ-ಸೆಟ್ ತಾತ್ಕಾಲಿಕ ಫಲಿತಾಂಶ
ಕೆ-ಸೆಟ್ ತಾತ್ಕಾಲಿಕ ಫಲಿತಾಂಶ
ಎನ್.ಎಲ್. ಶಿವಮಾದು
Published on: 

ಪ್ರಮುಖ ಮುಖ್ಯಾಂಶಗಳು

  • ಕೆ-ಸೆಟ್ ತಾತ್ಕಾಲಿಕ ಫಲಿತಾಂಶವನ್ನು ಕೆಇಎ ಬಿಡುಗಡೆ
  • ಯುಜಿಸಿ ಮಾರ್ಗಸೂಚಿ ಹಾಗೂ ರಾಜ್ಯದ ಮೀಸಲಾತಿ ನೀತಿ ಅನುಸಾರವಾಗಿ ಫಲಿತಾಂಶ
  • ಕಟ್-ಆಫ್ ನಿಯಮದ ಪ್ರಕಾರ ಇವುಗಳಿಗೆ 8,383 ಅಭ್ಯರ್ಥಿಗಳು ಅರ್ಹತೆ
ಬೆಂಗಳೂರು: ನ.2ರಂದು ನಡೆಸಲಾಗಿದ್ದ ಕರ್ನಾಟಕ ರಾಜ್ಯ ಸಹಾಯಕ ಪ್ರಾಧ್ಯಾಪಕರ ಅರ್ಹತಾ ಪರೀಕ್ಷೆಯ (ಕೆ-ಸೆಟ್) ತಾತ್ಕಾಲಿಕ ಫಲಿತಾಂಶವನ್ನು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು (ಕೆಇಎ) ಬಿಡುಗಡೆ ಮಾಡಿದೆ. ಯುಜಿಸಿ ಮಾರ್ಗಸೂಚಿ ಹಾಗೂ ರಾಜ್ಯದ ಮೀಸಲಾತಿ ನೀತಿ ಅನುಸಾರವಾಗಿ ಫಲಿತಾಂಶ ನೀಡಲಾಗಿದೆ ಎಂದು ಕೆಇಎ ತಿಳಿಸಿದೆ.
ಎಲ್ಲ ವಿಷಯಗಳನ್ನು ಸೇರಿ 7,263 ಸ್ಲಾಟ್‌ಗಳನ್ನು ಲಭ್ಯವಿದ್ದು, ಕಟ್-ಆಫ್ ನಿಯಮದ ಪ್ರಕಾರ ಇವುಗಳಿಗೆ 8,383 ಅಭ್ಯರ್ಥಿಗಳು ಅರ್ಹತೆ ಪಡೆದಿದ್ದಾರೆ ಎಂದು ತಿಳಿಸಿದೆ. 
ರಾಜ್ಯದ 11 ಜಿಲ್ಲಾ ಕೇಂದ್ರಗಳಲ್ಲಿ 33 ವಿಷಯಗಳಿಗಾಗಿ ಒಟ್ಟು 1,34,826 ಅಭ್ಯರ್ಥಿಗಳು ಆ್ಲೈನ್‌ನಲ್ಲಿ ಪರೀಕ್ಷೆ ಬರೆದಿದ್ದರು. ಇವರಲ್ಲಿ 1,21,052 ಅಭ್ಯರ್ಥಿಗಳು ಪತ್ರಿಕೆ-1 ಹಾಗೂ ಪರೀಕ್ಷೆ-2 ಬರೆದಿದ್ದರು.
"

ಎಲ್ಲ ವಿಷಯಗಳನ್ನು ಸೇರಿ 7,263 ಸ್ಲಾಟ್‌ಗಳನ್ನು ಲಭ್ಯವಿದ್ದು, ಕಟ್-ಆಫ್ ನಿಯಮದ ಪ್ರಕಾರ ಇವುಗಳಿಗೆ 8,383 ಅಭ್ಯರ್ಥಿಗಳು ಅರ್ಹತೆ ಪಡೆದಿದ್ದಾರೆ ಎಂದು ತಿಳಿಸಿದೆ. ರಾಜ್ಯದ 11 ಜಿಲ್ಲಾ ಕೇಂದ್ರಗಳಲ್ಲಿ 33 ವಿಷಯಗಳಿಗಾಗಿ ಒಟ್ಟು 1,34,826 ಅಭ್ಯರ್ಥಿಗಳು ಆ್ಲೈನ್‌ನಲ್ಲಿ ಪರೀಕ್ಷೆ ಬರೆದಿದ್ದರು. ಇವರಲ್ಲಿ 1,21,052 ಅಭ್ಯರ್ಥಿಗಳು ಪತ್ರಿಕೆ-1 ಹಾಗೂ ಪರೀಕ್ಷೆ-2 ಬರೆದಿದ್ದರು.



ಒಂದು ವಿಷಯದಲ್ಲಿ ಹಾಜರಾದ ಒಟ್ಟು ಅಭ್ಯರ್ಥಿಗಳ ಪೈಕಿ ಶೇ.6 ಅಭ್ಯರ್ಥಿಗಳನ್ನು ಸಹಾಯಕ ಪ್ರಾಧ್ಯಾಪಕರ ಅರ್ಹತೆಗಾಗಿ ಪರಿಗಣಿಸಲಾಗುತ್ತದೆ. ಲಭ್ಯವಾದ ಸ್ಲಾಟ್‌ಗಳನ್ನು ವರ್ಗವಾರು ವಿಷಯವಾರು ವಿಂಗಡಿಸಿ ಎರಡೂ ಪತ್ರಿಕೆಗಳ ಒಟ್ಟು ಅಂಕಗಳನ್ನು ಆಧರಿಸಿ ಮೆರಿಟ್ ಪಟ್ಟಿ ತಯಾರಿಸಲಾಗುತ್ತದೆ.
ಸಾಮಾನ್ಯ ವರ್ಗದವರು ಶೇ.40 (300ಕ್ಕೆ 120) ಹಾಗೂ ಇತರರು ಕನಿಷ್ಠ ಶೇ.35 (300ಕ್ಕೆ 105) ಅಂಕಗಳನ್ನು ಗಳಿಸಿರಬೇಕು. ಅಂತೆಯೇ, ಆಯಾ ವಿಷಯಗಳಲ್ಲಿ ಲಭ್ಯವಿರುವ ಸ್ಥಾನಗಳು ಹಾಗೂ ಅರ್ಹತೆ ಪಡೆದವರ ಸಂಖ್ಯೆಯನ್ನು ನೀಡಿಲಾಗಿದ್ದು, ಅತ್ಯಧಿಕ ಅಂಕಗಳ ಮಾಹಿತಿಯನ್ನು ಕೆಇಎ ಒದಗಿಸಿದೆ.
ದಾಖಲೆ ಪರಿಶೀಲನೆ ಬಳಿಕ ಅರ್ಹತಾ ಪ್ರಮಾಣಪತ್ರಗಳನ್ನು ಶೀಘ್ರದಲ್ಲೇ ನೀಡಲಾಗುತ್ತದೆ ಎಂದು ಪ್ರಾಧಿಕಾರದ ಕಾರ್ಯನಿರ್ವಾಹಕ ನಿರ್ದೇಶಕ ಎಚ್. ಪ್ರಸನ್ನ ತಿಳಿಸಿದ್ದಾರೆ.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net