ಬಾಬಾಸಾಬ್​ ವಾರದ ಮೂರ್ತಿ ಸ್ಥಾಪಿಸಿ

ಬಸವಕಲ್ಯಾಣ: ಬಸವತತ್ವ ಪ್ರಚಾರ, ಶರಣ ಸ್ಮಾರಕಗಳ ಸಂರಕ್ಷಣೆ ಹಾಗೂ ಕಲ್ಯಾಣದ ಪ್ರಗತಿಗಾಗಿ ಜೀವನ ಮುಡಿಪಾಗಿಟ್ಟಿದ್ದ ಬಾಬಾಸಾಬ್​ ವಾರದ ಅವರ ಮೂರ್ತಿಯನ್ನು ನಗರದಲ್ಲಿ ಸ್ಥಾಪಿಸುವ ಅಗತ್ಯವಿದೆ ಎಂದು ಶ್ರೀ ಬಸವೇಶ್ವರ ನಂದಿಧ್ವಜ ಸೇವಾ ಸಮಿತಿ ಅಧ್ಯಕ್ಷ ಮಲ್ಲಯ್ಯ ಸ್ವಾಮಿ ಹಿರೇಮಠ ಹೇಳಿದರು.

ಶ್ರೀ ಬಸವೇಶ್ವರ ದೇವಸ್ಥಾನ ಪಂಚಕಮಿಟಿ ಮತ್ತು ವಿಶ್ವಸ್ಥ ಸಮಿತಿ ಸಹಯೋಗದಡಿ ಶ್ರೀ ಬಸವೇಶ್ವರ ನಂದಿಧ್ವಜ ಸೇವಾ ಸಮಿತಿಯಿಂದ ಶರಣ ನಾಗಿದೇವರ ಕಂಬಳಿ ಮಠದಲ್ಲಿ ಗುರುವಾರ ಸಂಜೆ ಏರ್ಪಡಿಸಿದ್ದ 23ನೇ ನಂದಿ ಧ್ವಜ ತರಬೇತಿ ಚಾಲನಾ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಬಸವೇಶ್ವರ ದೇವಸ್ಥಾನ ಪಂಚ ಕಮಿಟಿ ಸ್ಥಾಪಿಸಿ ಕಲ್ಯಾಣದಲ್ಲಿ ಜಾತ್ರಾ ಮಹೋತ್ಸವಕ್ಕೆ ವಾರದ ಚಾಲನೆ ನೀಡಿದ್ದರು. ರಥ ಮೈದಾನದ ಸ್ಥಳ ಖರೀದಿಸಿ ಕಮಿಟಿಗೆ ಸಮರ್ಪಿಸಿದ್ದರು. ಇಂಥ ಮಹಾದಾನಿಯ ಮೂರ್ತಿ ಸ್ಥಾಪನೆಯಾಗಲಿ ಎಂದು ಆಶಿಸಿದರು.

ಸಾನ್ನಿಧ್ಯ ವಹಿಸಿದ್ದ ಖೇಳಗಿ ಶ್ರೀ ಶಿವಲಿಂಗೇಶ್ವರ ವಿರಕ್ತ ಮಠದ ಶ್ರೀ ಶಿವಲಿಂಗ ಮಹಾಸ್ವಾಮೀಜಿ ಮಾತನಾಡಿ, ವಿಶ್ವಕ್ಕೆ ಪ್ರಜಾಪ್ರಭುತ್ವದ ಕಲ್ಪನೆ ನೀಡಿದ ಪವಿತ್ರ ನೆಲ ಕಲ್ಯಾಣ. ಶರಣರ ತತ್ವಗಳನ್ನು ಅರಿತು ಜೀವನದಲ್ಲಿ ಅಳವಡಿಸಿಕೊಳ್ಳುವುದರ ಜತೆಗೆ ಶರಣು ಶರಣಾರ್ಥಿ ಸಂಸತಿ ಬೆಳೆಸಿಕೊಳ್ಳಬೇಕು ಎಂದು ಸಲಹೆ ನೀಡಿದರು.

ಸಿಪಿಐ ಅಲಿಸಾಬ್​ ಮಾತನಾಡಿ, ಕಳಬೇಡ ಕೊಲಬೇಡ ಎಂಬ ಗುರು ಬಸವಣ್ಣನವರ ವಚನದಲ್ಲಿ ಆದರ್ಶ ಬದುಕಿನ ಸಪ್ತ ಸೂತ್ರ ಅಡಗಿವೆ. ಇದನ್ನು ಎಲ್ಲರೂ ಅರಿತು ಅಳವಡಿಸಿಕೊಂಡರೆ ನೆಮ್ಮದಿ ಬದುಕು ಮತ್ತು ಆರೋಗ್ಯಪೂರ್ಣ ಸಮಾಜ ನಿರ್ಮಾಣಗಲು ಸಾಧ್ಯ ಎಂದರು.

ಉದ್ಯಮಿ ಸುಭಾಷ ಹೊಳಕುಂದೆ, ವಾಣಿಜ್ಯ ತೆರಿಗೆ ಸಹಾಯಕ ನಿರ್ದೇಶಕ ಡಾ.ಮಹೇಶ ಪಾಟೀಲ್​, ಬಿಡಿವಿಸಿ ಅಧ್ಯಕ್ಷ ಶಶಿಕಾಂತ ದುರ್ಗೆ, ಪತ್ರಕರ್ತರ ಸಂದ ತಾಲೂಕು ಅಧ್ಯಕ್ಷ ಮಾರ್ಥಂಡ ಜೋಶಿ, ನಂದಿಧ್ವಜ ಸೇವಾ ಸಮಿತಿ ಸುಭಾಷ ಬಾವುಗೆ, ಗುರುಪಾದಯ್ಯ ಖರೊಣೆ, ಕಲ್ಲಯ್ಯ ಸ್ವಾಮಿ, ಸಾಗರ ಲಾಡೆ, ಸಚಿನ್​ ಹುಡಗೆ, ರಾಜಪ್ಪ ಶೀಲವಂತ ಉಪಸ್ಥಿತರಿದ್ದರು. ಸಂಗನಬಸವ ಸ್ವಾಮಿ ಸ್ವಾಗತಿಸಿ  ನಿರೂಪಣೆ ಮಾಡಿದರು.

ನಂದಿಧ್ವಜ ಸೆವಾ ಸಮಿತಿಯಿಂದ ಬಿಡಿಪಿಸಿ ನೂತನ ನಿರ್ದೇಶಕರಾದ ಅನೀಲಕುಮರ ರಗಟೆ, ಈರಣ್ಣ ಹಲಶೆಟ್ಟೆ, ಬಸವರಾಜ ತೊಂಡಾರೆ, ಬದ್ರಿನಾಥ ಪಾಟೀಲ್​, ಜಗನ್ನಾಥ ಖೂಬಾ, ಅಶೋಕ ನಾಗರಾಳೆ, ಮಲ್ಲಿಕಾರ್ಜುನ ಚಿರಡೆ, ಮಲ್ಲಿಕಾರ್ಜುನ ಕುರಕೋಟೆ, ಬಸವರಾಜ ಬಾಲಿಕಿಲೆ, ಸುನೀಲ ರಾಯವಾಡೆ ಹಾಗೂ ಪತ್ರಕರ್ತರಾದ ಉದಯಕುಮಾರ ಮುಳೆ, ಡಿ.ಕೆ. ಪ್ರಹ್ಲಾದ್​, ಕಲ್ಯಾಣರಾವ ಮದರಗಾಂವಕರ್​, ನಾಗಪ್ಪ ನಿಣ್ಣೆ, ಧನರಾಜ ರಾಜೋಳೆ ಮತ್ತು ಬಸವೇಸ್ವರ ದೇವಸ್ಥಾನ ಶಿಕ್ಷಣ ಸಂಸ್ಥೆ ಸಿಬ್ಬಂದಿಯನ್ನು ಸನ್ಮಾನಿಸಲಾಯಿತು.