ಆಶ್ರಯ ಕಾಲನಿಗೆ ಮೂಲಸೌಕರ್ಯ

ಯಾದಗಿರಿ: ಗಂಜ್​ ಸರ್ಕಲ್​ನ ದೊಡ್ಡಕೆರೆಯ ಕೆಳಭಾಗದ ವಾರ್ಡ್​ 11ರ ಆಶ್ರಯ ಕಾಲನಿ (ಅಶೋಕ ನಗರ)ಗೆ ಅಗತ್ಯ ಮೂಲಸೌಕರ್ಯ ಒದಗಿಸುವುದಾಗಿ ನಗರಸಭೆ ಪೌರಾಯುಕ್ತ ಉಮೇಶ ಚವ್ಹಾಣ್​ ಭರವಸೆ ನೀಡಿದ್ದಾರೆ.

ಶನಿವಾರ ಕಾಲನಿಗೆ ಭೇಟಿ ನೀಡಿ ಸ್ಥಿತಿಗತಿ ಪರಿಶೀಲಿಸಿದ ಅವರು, ಇಡೀ ಕಾಲನಿ ಸ್ವಚ್ಛಗೊಳಿಸಿ ವಿಷಜಂತುಗಳು ಬರದಂತೆ ನೋಡಿಕೊಳ್ಳಲಾಗುವುದು. ರಸ್ತೆ ಸಂಪರ್ಕ, ಶೌಚಗೃಹ, ಶುದ್ಧ ಕುಡಿಯುವ ನೀರಿನ ಟಕ ಆರಂಭಿಸುವುದಾಗಿ ಹೇಳಿದರು.

ನಿವಾಸಿಗಳ ಸುರಕ್ಷೆಗಾಗಿ ನಿತ್ಯವೂ ಪೊಲೀಸ್​ ಬಿಟ್​ ಹಾಕಲು ಎಸ್​ಪಿ ಹಾಗೂ ವಾರ್ಡ್​ಗೆ ಹೊಂದಿಕೊಂಡಿರುವ 80 ಅಡಿ ರಸ್ತೆ ಸುಧಾರಣೆಗಾಗಿ ಶಾಸಕರ ಗಮನಕ್ಕೆ ತರಲಾಗುವುದು. ಇಲ್ಲಿರುವ ಮಿಲ್​ಗಳಿಂದ ರಾಚುವ ಧೂಳು, ಹೊಗೆಯಿಂದ ನಿವಾಸಿಗಳ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತಿದೆ ಎಂದು ಸ್ಥಳದಲ್ಲಿದ್ದ ಉಮೇಶ ಮುದ್ನಾಳ್​ ಗಮನಕ್ಕೆ ತರುತ್ತಿದ್ದಂತೆ ಮಿಲ್​ಗಳ ದಾಖಲೆ ಪರಿಶೀಲಿಸಿ ಕ್ರಮ ಜರುಗಿಸುವ ಭರವಸೆಯನ್ನು ಚವ್ಹಾಣ್​ ನೀಡಿದರು.

ನಗರಸಭೆ ಕಿರಿಯ ಆರೋಗ್ಯ ನಿರೀಕಿ ಶರಣಮ್ಮ, ಡಾ.ಎಸ್​.ಎಸ್​. ನಾಯಕ, ನಿಜಾಮುದ್ದಿನ್​, ಭೀಮಾಶಂಕರ, ಪವನ್​, ಮಾರೆಪ್ಪ, ಬಸವರಾಜ, ಮಲ್ಲೆಶಿ, ರಾಜಪ್ಪ, ರಾಜು, ಜೋಗಿ, ಅರ್ಜುನ್​, ರಾಜು ಪೂಜಾರಿ, ಅಬ್ದುಲ್​ ಸಮದ್​, ರಾಜು ಪಾಟೀಲ್​, ಅರ್ಜುನ್​ ರಾಠೋಡ್​, ಬಸವರಾಜ ಕುಂಬಾರ ಇತರರಿದ್ದರು.

ಜಿಲ್ಲಾ ಕೇಂದ್ರದ ಈ ವಾರ್ಡ್​ ಹಲವಾರು ವರ್ಷಗಳಿಂದ ಕನಿಷ್ಠ ಮೂಲಸೌಲಭ್ಯಗಳಿಲ್ಲದೆ ಹಾಳಾರು ಕೊಂಪೆಯಾಗಿದ್ದನ್ನು ಮನಗಂಡು ಕೋಲಿ ಸಮಾಜದ ರಾಜ್ಯ ಕಾರ್ಯದರ್ಶಿ ಉಮೇಶ ಮುದ್ನಾಳ್​ ನಗರಸಭೆಗೆ ಮನವಿಪತ್ರ ಸಲ್ಲಿಸಿದ್ದಕ್ಕೆ ಪೌರಾಯುಕ್ತರ ಮೂಲಕ ಸ್ಪಂದನೆ ಸಿಕ್ಕಂತಾಗಿದೆ.