ವಿಶ್ವದ ಡಿಜಿಟಲ್ ತಂತ್ರಜ್ಞಾನದಲ್ಲಿ ಭಾರತಕ್ಕೆ ಅಗ್ರಸ್ಥಾನ

ನಗರದ ಬಸವೇಶ್ವರ ಇಂಜಿನಿಯರಿAಗ್ ಕಾಲೇಜಿನ ನೂತನ ಸಭಾಭವನದಲ್ಲಿ ಶನಿವಾರ ನಡೆದ ೨೦೨೪-೨೫ನೇ ಸಾಲಿನ ಪದವೀಧರರ ೧೬ನೇ ಪದವಿ ಪ್ರದಾನ ಸಮಾರಂಭದಲ್ಲಿ ಪದವಿ ಪ್ರದಾನ ಮಾಡಿ ಮಾತನಾಡಿದರು.

ಬೆಂಗಳೂರು ಐಐಐಟಿ ಸಂಸ್ಥೆಯ ಸಂಶೋಧನಾ ಉತ್ಪನ್ನಗಳಾದ ಎಂಓಎಸ್‌ಐಪಿ, ಓಪನ್‌ಜಿಟುಪಿ ಹಾಗೂ ಐಎನ್‌ಜಿಐ ಸೇರಿದಂತೆ ವಿವಿಧ ತಾಂತ್ರಿಕ ಕೊಡುಗೆಗಳು ವಿಶ್ವದ ೧೩೦ ಕೋಟಿಗೂ ಅಽಕ ಜನರು ಉತ್ತಮ ಜೀವನ ನಡೆಸಲು ನೆರವಾಗಿವೆ. ಇಂತಹ ಸಾಧನೆಗಳು ದೇಶಕ್ಕೆ ಹೆಮ್ಮೆಯ ವಿಷಯವಾಗಿವೆ. ಮಾನವನ ಸಾಮರ್ಥ್ಯವನ್ನು ಮರುಪರಿಶೀಲಿಸುವ ಕೃತಕ ಬುದ್ಧಿಮತ್ತೆ (ಎಐ) ಯುಗದಲ್ಲಿ ನಾವಿದ್ದೇವೆ. ಎಐ ತಂತ್ರಜ್ಞಾನವು ಪುನರಾವರ್ತನೆಯಾಗುವ ನಿತ್ಯ ಚಟುವಟಿಕೆಗಳನ್ನು ನಿರ್ವಹಿಸಲು ಹೆಚ್ಚು ಉಪಯುಕ್ತವಾಗಿದೆ. ಆದ್ದರಿಂದ ವೃತ್ತಿಪರರು ಎಐ ಬಗ್ಗೆ ಆತಂಕಗೊಳ್ಳದೆ, ಸೂಕ್ಷ÷್ಮ ಸಂವೇದನೆ, ಸಾಂದರ್ಭಿಕ ನಿರ್ಣಯ, ಸೂಪ್ತಪ್ರಜ್ಞೆ, ಮೂಲ ಸೃಜನಶೀಲತೆ ಹಾಗೂ ಸಂಸ್ಕಾರಯುತ ಮನಸ್ಸಿನ ಭಾವನೆಗಳೊಂದಿಗೆ ಎಐ ತಂತ್ರಜ್ಞಾನವನ್ನು ಜಾಣ್ಮೆಯಿಂದ ಸದುಪಯೋಗಪಡಿಸಿಕೊಳ್ಳಬೇಕು. ವೃತ್ತಿ ಪರತೆಯೊಂದಿಗೆ ನಿರಂತರ ಕಲಿಕೆ, ಆರೋಗ್ಯ, ಉತ್ತಮ ಮನೋಭಾವದೊಂದಿಗೆ ಸಾಗುವುದು ಮುಖ್ಯ ಎಂದರು.

ಬೆಂಗಳೂರು ಮೂಲದ ಕಲ್ಪತರು ಪ್ರಾಜೆಕ್ಟ್ಸ್ ಇಂಟರ್‌ನ್ಯಾಷನಲ್ ಲಿಮಿಟೆಡ್‌ನ ದಕ್ಷಿಣ ಭಾರತ ಕಾರ್ಯಾಚರಣೆ ವಿಭಾಗದ ವ್ಯವಹಾರ ಮುಖ್ಯಸ್ಥ ಜಿ.ಎಂ.ಶಾAತಕುಮಾರ, ಪ್ರಚಲಿತ ಸಮಸ್ಯೆಗಳಿಗೆ ಪರಿಹಾರ ನೀಡಲು ಪ್ರಯತ್ನಿಸಿ, ಉದ್ಯಮಕ್ಷೇತ್ರ ವಿನೂತನವಾಗಿ, ನಿಖರವಾಗಿ ಯೋಚಿಸುವರನ್ನು ಅಪೇಕ್ಷಿಸುತ್ತದೆ. ವೈಪಲ್ಯವೆನ್ನುವುದು ಯಶಸ್ಸಿನ ವಿರುದ್ಧವಲ್ಲ, ಅದು ಯಶಸ್ಸಿನ ಭಾಗ ಎಂದರು.

ಅಧ್ಯಕ್ಷತೆ ವಹಿಸಿ ಮಾತನಾಡಿದ ಬಿವಿವಿ ಸಂಘದ ಕಾರ್ಯಾಧ್ಯಕ್ಷ ಡಾ. ವೀರಣ್ಣ ಚರಂತಿಮಠ, ಇದು ಪದವಿ ಪ್ರದಾನ ಸಮಾರಂಭ ಅಷ್ಟೇ ಅಲ್ಲ. ನಿಮ್ಮ ಶಿಸ್ತು, ಪರಿಶ್ರಮ, ಜ್ಞಾನದ ಸಂಭ್ರಮಾಚರಣೆಯಾಗಿದೆ. ಕಾಲೇಜು ಉತ್ತಮ ಶಿಕ್ಷಣದೊಂದಿಗೆ ಉತ್ತಮ ಮೌಲ್ಯಗಳನ್ನು ನೀಡುವ ಸಂಸ್ಥೆ. ಹೊಸ ಬದಲಾವಣೆಗಳಿಗೆ ಹೊಂದಿಕೊಳ್ಳುತ್ತ ಸಾಮರ್ಥ್ಯವನ್ನು ವೃದ್ಧಿಸಿಕೊಂಡು ಗೌರವವನ್ನು ಕಾಪಾಡಿಕೊಳ್ಳಲು ವಿದ್ಯಾರ್ಥಿಗಳಿಗೆ ಸಲಹೆ ನೀಡಿದರು.

ಬಿವಿವಿ ಸಂಘದ ಗೌರವ ಕಾರ್ಯದರ್ಶಿ ಮಹೇಶ ಅಥಣಿ, ಸಂಘದ ತಾಂತ್ರಿಕ ಶಿಕ್ಷಣ ಸಂಸ್ಥೆಗಳ ನಿರ್ದೇಶಕ ಡಾ.ಆರ್.ಎನ್. ಹೆರಕಲ್, ಪ್ರಾಚಾರ್ಯ ಡಾ. ಬಿ.ಆರ್.ಹಿರೇಮಠ, ಡಾ.ಕೆ.ಚಂದ್ರಶೇಖರ, ಎನ್‌ಐಟಿ ನಾಗಪುರದ ಡಾ. ಅಶ್ವಿನ್ ಕೋಠಾರಿ, ಐಐಟಿ ಮದ್ರಾಸ್‌ನ ಡಾ. ಜಿ. ಆರ್. ದೊಡ್ಡಗೌಡರ, ಪ್ರೊ.ಟಿ.ವಿ.ರವಿ, ಡಾ.ಶಶಿಧರ ಕೂಲಗುಡಿ, ರುದ್ರಣ್ಣ ಅಕ್ಕಿಮರಡಿ, ಸಿ.ವಿ.ಕೋಟಿ, ರಾಜು ತಪಶೆಟ್ಟಿ, ಚೆನ್ನಯ್ಯ ಬಳೂಲಮಠ, ಅಶೋಕ ಸಜ್ಜನ, ಶರಣಪ್ಪ ಗುಳೇದ ಇತರರು ಇದ್ದರು.

ಪದವಿ ಪ್ರದಾನ:

ಕಾರ್ಯಕ್ರಮದಲ್ಲಿ ನಾಲ್ಕು ವಿಭಾಗಗಳ ೧೭ ವಿದ್ಯಾರ್ಥಿಗಳಿಗೆ ಬಿ.ಇ. ಆನರ್ಸ್ ಪದವಿ, ೧೧ ವಿಭಾಗಗಳ ೬೧೮ ವಿದ್ಯಾರ್ಥಿಗಳಿಗೆ ಬಿ.ಇ. ಪದವಿ ಹಾಗೂ ಮೂರು ಸ್ನಾತಕೋತ್ತರ ವಿಭಾಗಗಳ ೧೨೯ ವಿದ್ಯಾರ್ಥಿಗಳಿಗೆ ಪದವಿ ಸೇರಿ ಒಟ್ಟು ೭೬೪ ವಿದ್ಯಾರ್ಥಿಗಳು ಪದವಿಯನ್ನು ಪಡೆದರು. ಬಿ.ಇ. ವಿಭಾಗದಲ್ಲಿ ಒಟ್ಟು ೩೬ ರ‍್ಯಾಂಕ್‌ಗಳನ್ನು ನೀಡಲಾಗಿದ್ದು, ಎಂಟು ವಿದ್ಯಾರ್ಥಿಗಳು ಪ್ರಥಮ ರ‍್ಯಾಂಕ್‌ನೊAದಿಗೆ ೧೨ ಚಿನ್ನದ ಪದಕಗಳನ್ನು ಪಡೆದರು. ಸ್ನಾತಕೋತ್ತರ ವಿಭಾಗದಲ್ಲಿ ಏಳು ರ‍್ಯಾಂಕ್‌ಗಳನ್ನು ನೀಡಲಾಗಿದ್ದು, ಮೂವರು ವಿದ್ಯಾರ್ಥಿಗಳು ಪ್ರಥಮ ರ‍್ಯಾಂಕ್‌ನೊAದಿಗೆ ಮೂರು ಚಿನ್ನದ ಪದಕ ಪಡೆದರು.