ಕಲಬುರಗಿ: ಶ್ರೀ ಜೆ.ಪಿ.ನಾರಾಯಣಸ್ವಾಮಿ ಪ್ರತಿಷ್ಠಾನ (ಜೆಪಿಎನ್ಪಿ)ದಿಂದ ಕಲಬುರಗಿ, ಬೀದರ್, ಯಾದಗಿರಿ, ವಿಜಯಪುರ, ರಾಯಚೂರು, ಬಾಗಲಕೋಟೆ ಜಿಲ್ಲೆಗಳ ಅರ್ಹ ವಿದ್ಯಾರ್ಥಿಗಳಿಗೆ ಪ್ರೋತ್ಸಾಹಧನ ವಿತರಣೆ ಕಾರ್ಯಕ್ರಮ ಫೆ.15ರಂದು ಬೆಳಗ್ಗೆ 10ಕ್ಕೆ ನಗರದ ರಾಮಮಂದಿರ ವೃತ್ತದ ಬಳಿಯ ಸರ್ವಜ್ಞ ಕಾಲೇಜು ಎದುರಿನ ಅಭಿಶ್ರೀ ಹೋಟೆಲ್ನಲ್ಲಿ ಹಮ್ಮಿಕೊಳ್ಳಲಾಗಿದೆ. ಉದ್ಘಾಟಕರಾಗಿ ಸಂಸ್ಥಾಪಕ ಜೆ.ಪಿ.ಸುಧಾಕರ, ವಿಧಾನ ಪರಿಷತ್ ಸದಸ್ಯ ಜಗದೇವ ಗುತ್ತೇದಾರ್ ಭಾಗವಹಿಸಲಿದ್ದು, ಜೆಪಿಎನ್ಪಿ ಅಧ್ಯಕ್ಷ ಶಿವಾನಂದ ಎಚ್.ಎಲ್. ಅಧ್ಯಕ್ಷತೆ ವಹಿಸಲಿದ್ದಾರೆ. ಅತಿಥಿಗಳಾಗಿ ಉಪಾಧ್ಯಕ್ಷ ಮಂಜಪ್ಪ ಜಿ., ಕಾರ್ಯದರ್ಶಿ ಕುಸುಮ ಅಜಯ್, ಟ್ರಸ್ಟಿ ಪೂರ್ಣೇಶ ಎಂ.ಆರ್., ಉದ್ಯಮಿ ಸತೀಶ ಗುತ್ತೇದಾರ್ ಭಾಗವಹಿಸಲಿದ್ದಾರೆ. ಆಯ್ಕೆಯಾದ 200ಕ್ಕೂ ಅಧಿಕ ವಿದ್ಯಾರ್ಥಿಗಳಿಗೆ ಪ್ರೋತ್ಸಾಹ ಧನ ವಿತರಣೆ ನಡೆಯಲಿದ್ದು, ಬೆಳಗ್ಗೆ 8ರಿಂದ 9.30ರವರೆಗೆ ನೋಂದಣಿ ಪ್ರಕ್ರಿಯೆ ನಡೆಯಲಿದೆ ಎಂದು ಕಲಬುರಗಿ, ಬೀದರ್ ವಿಭಾಗದ ಸಂಚಾಲಕ ಸುರೇಶ ಗುತ್ತೇದಾರ್ ಬೆಡಸೂರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
