ಹಡಪದ ಅಪಣ್ಣನ ಚಿಂತನೆ ಇಂದಿಗೂ ಪ್ರಸ್ತುತ

ಚಿತ್ತಾಪುರ: ಹನ್ನೆರಡನೇ ಶತಮಾನದಲ್ಲೆ ರಕ್ತಕ್ರಾಂತಿ ಬದಲು ವೈಚಾರಿಕ ಕ್ರಾಂತಿ ಮೂಲಕ ಸಮಾಜದಲ್ಲಿ ಸಮಾನತೆ ತರಲು ಶ್ರಮಿಸಿದ ಶಿವಶರಣ ಹಡಪದ ಅಪ್ಪಣ್ಣ ಅವರ ತತ್ವ ಮತ್ತು ಚಿಂತನೆ ಇಂದಿಗೂ ಪ್ರಸ್ತುತವಾಗಿವೆ ಎಂದು ತಹಸೀಲ್ದಾರ್​ ನಾಗಯ್ಯ ಹಿರೇಮಠ ಹೇಳಿದರು.

ಪ್ರಜಾಸೌಧ ಆವರಣದಲ್ಲಿ ತಾಲೂಕು ಆಡಳಿತದಿಂದ ಬುಧವಾರ ಹಮ್ಮಿಕೊಂಡಿದ್ದ ಶರಣ ನಿಜಸುಖಿ ಹಡಪದ ಅಪ್ಪಣ್ಣ ಅವರ ಜಯಂತಿ ಉದ್ಘಾಟಿಸಿ ಮಾತನಾಡಿ, ಅನುಭವ ಮಂಟಪದಲ್ಲಿ ಬಸವಣ್ಣ ಅವರ ಜತೆಗೂಡಿ ಕಾರ್ಯನಿರ್ವಹಿಸಿದ ಹಡಪದ ಅಪ್ಪಣ್ಣ ಅವರು, ಅಂದಿನ ಕಾಲದ ಮೌಢ್ಯ, ಅಂಧಶ್ರದ್ಧೆ ಮತ್ತು ವರ್ಣಾಶ್ರಮ ವ್ಯವಸ್ಥೆ ವಿರುದ್ಧ ಧ್ವನಿ ಎತ್ತಿದ್ದರು ಎಂದರು.

ಹಡಪದ ಸಮಾಜದ ಮುಖಂಡ ಭೀಮರಾವ ಹಡಪದ ಮಾತನಾಡಿದರು.

ಪುರಸಭೆ ಮುಖ್ಯಾಧಿಕಾರಿ ಭಾರತಿ ದಂಡೋತಿ, ಉಪನೋಂದಣಾಧಿಕಾರಿ ಆನಂದರಾವ ಕುಲಕರ್ಣಿ, ಉಪ ಖಜಾನಾಧಿಕಾರಿ ಸೈಯದ್​ ನಸೀರ್​ ಹಾಶ್ಮಿ, ತಾಪಂ ಅಧಿಕಾರಿ ಪಂಡಿತ ಶಿಂಧೆ, ಪ್ರಮುಖರಾದ ಜಗದೀಶ ಸಾಗರ, ಮುರಳಿಕುಮಾರ ಹಡಪದ, ಬಸವರಾಜ ಹಡಪದ ಮುಡಬೂಳ, ನಾಗರಾಜ ಹಡಪದ, ಅಶೋಕ ಹಡಪದ, ಸಿದ್ದು ಹಡಪದ, ಸೋಮನಾಥ ಹಡಪದ, ತಿಪ್ಪಣ್ಣ ಹಡಪದ, ರವಿ ಹಡಪದ, ಅಜಯ ಹಡಪದ, ಆಕಾಶ ಹಡಪದ ಇತರರಿದ್ದರು.