ರಾಜ್ಯ

ಮಹಿಳೆಯರಿಗೆ ಶಿಘ್ರದಲ್ಲಿ ಹೆಚ್ಚಿನ ಪ್ರಾತಿನಿಧ್ಯ

ಕಲಬುರಗಿ ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯದಲ್ಲಿ ಬುಧವಾರ ನಡೆದ 10ನೇ ಟಿಕೋತ್ಸವದಲ್ಲಿ ಚಿನ್ನದ ಪದಕ ಪಡೆದ ವಿದ್ಯಾರ್ಥಿ, ವಿದ್ಯಾರ್ಥಿನಿಯರೊಂದಿಗೆ ಉಪ ರಾಷ್ಟ್ರಪತಿ ಸಿ.ಪಿ.ರಾಧಾಕೃಷ್ಣನ್​, ರಾಜ್ಯಪಾಲ ಥಾವರಚಂದ್​ ಗೆಹೆಲೋತ್​, ಕುಲಪತಿ ಪ್ರೊ.ಬಟ್ಟು ಸತ್ಯನಾರಾಯಣ, ಕುಲಸಚಿವ ಪ್ರೊ.ಆರ್​.ಆರ್​.ಬಿರಾದಾರ್​, ಪರೀಕ್ಷಾ ನಿಯಂತ್ರಣಾಧಿಕಾರಿ ಪ್ರೊ.ಭರತ್​ಕುಮಾರ ಇದ್ದರು.
ಕಲಬುರಗಿ ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯದಲ್ಲಿ ಬುಧವಾರ ನಡೆದ 10ನೇ ಟಿಕೋತ್ಸವದಲ್ಲಿ ಚಿನ್ನದ ಪದಕ ಪಡೆದ ವಿದ್ಯಾರ್ಥಿ, ವಿದ್ಯಾರ್ಥಿನಿಯರೊಂದಿಗೆ ಉಪ ರಾಷ್ಟ್ರಪತಿ ಸಿ.ಪಿ.ರಾಧಾಕೃಷ್ಣನ್​, ರಾಜ್ಯಪಾಲ ಥಾವರಚಂದ್​ ಗೆಹೆಲೋತ್​, ಕುಲಪತಿ ಪ್ರೊ.ಬಟ್ಟು ಸತ್ಯನಾರಾಯಣ, ಕುಲಸಚಿವ ಪ್ರೊ.ಆರ್​.ಆರ್​.ಬಿರಾದಾರ್​, ಪರೀಕ್ಷಾ ನಿಯಂತ್ರಣಾಧಿಕಾರಿ ಪ್ರೊ.ಭರತ್​ಕುಮಾರ ಇದ್ದರು.
ಜಯತೀರ್ಥ ಪಾಟೀಲ
Published on: 

ಪ್ರಮುಖ ಮುಖ್ಯಾಂಶಗಳು

  • ಉಪ ರಾಷ್ಟ್ರಪತಿ ಸಿ.ಪಿ.ರಾಧಾಕೃಷ್ಣನ್​ ಭವಿಷ್ಯ
  • ಕರ್ನಾಟಕ ಕೇಂದ್ರೀಯ ವಿವಿಯಲ್ಲಿ 10ನೇ ಘಟಿಕೋತ್ಸವ
ಕಲಬುರಗಿ: ನಾರಿ ಶಕ್ತಿಯ ಉದಯವು ಸಮಾಜದ ಪ್ರತಿಯೊಂದು ೇತ್ರದಲ್ಲಿ ಸಮಾನತೆ, ಸಬಲೀಕರಣ ಮತ್ತು ನಾಯಕತ್ವದೆಡೆಗೆ ಪರಿವರ್ತನೆಯಾಗುತ್ತಿದೆ. ಹೀಗಾಗಿ ಸಂಸತ್ತು, ರಾಜ್ಯ ಶಾಸಕಾಂಗಗಳು ಮಹಿಳಾ ಪ್ರಮಾಣದಲ್ಲಿ ಹೆಚ್ಚಿನ ಪ್ರಾತಿನಿಧ್ಯ ಹೊಂದಲಿವೆ ಎಂದು ಉಪ ರಾಷ್ಟ್ರಪತಿ ಸಿ.ಪಿ.ರಾಧಾಕೃಷ್ಣನ್​ ಹೇಳಿದರು.
ಕಡಗಂಚಿ ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯದಲ್ಲಿ ಬುಧವಾರ ನಡೆದ 10ನೇ ಟಿಕೋತ್ಸವದಲ್ಲಿ ಪಾಲ್ಗೊಂಡು ಮಾತನಾಡಿದ ಅವರು, ಶೈಣಿಕ, ಸಂಶೋಧನೆಯಿಂದ ಆಡಳಿತ, ಉದ್ಯಮಶೀಲತೆ ಮತ್ತು ನಾವೀನ್ಯತೆಯಿಂದ ಹಿಡಿದು ಬಾಹ್ಯಾಕಾಶ ಸಂಶೋಧನೆ ಮತ್ತು ಸಶಸ ಪಡೆಯ ಯುದ್ಧ ಪಾತ್ರದವರೆಗೆ ಮಹಿಳೆಯರು ರಾಷ್ಟ್ರದ ಭವಿಷ್ಯ ರೂಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿದ್ದಾರೆ ಎಂದು ಬಣ್ಣಿಸಿದರು.
ರಾಷ್ಟ್ರ ನಿರ್ಮಾಣಕ್ಕೆ ಅಣಿಯಾಗಿ
ಭಾರತ ಇಂದು ನಿರ್ಣಾಯಕ ಟ್ಟದಲ್ಲಿ ನಿಂತಿದೆ. ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ವಿಕಸಿತ ಭಾರತದ ದೃಷ್ಟಿಕೋನವು ನಮ್ಮೆಲ್ಲರ ಒಗ್ಗಟ್ಟಿನ ರಾಷ್ಟ್ರೀಯ ಧ್ಯೇಯವಾಗಿದೆ. ಇದು ನಮ್ಮ ಯುವಕರನ್ನು ನಾವೀನ್ಯತೆ, ನಾಯಕತ್ವ ಮತ್ತು ಸಮಗ್ರತೆಯಿಂದ ನಡೆದುಕೊಳ್ಳುವಂತೆ ಕರೆ ನೀಡುತ್ತದೆ. ವಿದ್ಯಾರ್ಥಿ, ಯುವಕರು ಈ ಪ್ರಯಾಣದಲ್ಲಿ ಪಾಲುದಾರರು. ಪದವಿ ಪಡೆದಿರುವ ವಿದ್ಯಾರ್ಥಿಗಳು ರಾಷ್ಟ್ರ ನಿರ್ಮಾಣಕ್ಕೆ ಅಣಿಯಾಗಬೇಕು ಎಂದು ಕರೆ ನೀಡಿದರು.
ಆತ್ಮನಿರ್ಭರ್​ ಭಾರತ ಅಂದರೆ ನಮ್ಮ ಸ್ವಂತ ಸಾಮರ್ಥ್ಯ ಬಳಸುವುದು, ನಾವಿನ್ಯತೆ ಬೆಳೆಸುವುದು, ಸ್ಥಳಿಯ ಉದ್ಯಮ ಬೆಂಬಲಿಸುವುದು ಮತ್ತು ನಮ್ಮ ವಾಸ್ತವಿಕತೆಗೆ ಅಗತ್ಯ ಪರಿಹಾರ ರಚಿಸುವುದರ ಜತೆಗೆ ಜಾಗತಿಕ ವೇದಿಕೆಯಲ್ಲಿ ಅದು ಸ್ಪರ್ಧಾತ್ಮಕವಾಗಿರುವಂತೆ ನೋಡಿಕೊಳ್ಳುತ್ತದೆ. ಉದ್ಯಮಿ, ಸಂಶೋಧಕ, ನಿರ್ವಾಹಕ ಅಥವಾ ವೃತ್ತಿಪರರು ಹೀಗೆ ಏನೇ ಆದರೂ ಸ್ವಾವಲಂಬಿ ಪರಿಸರ ವ್ಯವಸ್ಥೆ ಬಲಪಡಿಸುವಲ್ಲಿ ನಿಮ್ಮ ಪಾತ್ರ ತುಂಬಾ ನಿರ್ಣಾಯಕ ಎಂದು ಹೇಳಿದರು.
ವಿದ್ಯಾರ್ಥಿನಿಯರ ಸಾಧನೆಗೆ ಮೆಚ್ಚುಗೆ
ದೇಶದ ಹಲವಾರು ಟಿಕೋತ್ಸವ ಸಮಾರಂಭಗಳಲ್ಲಿ ಭಾಗವಹಿಸಿದ್ದು, ಪದಕ ವಿಜೇತರಲ್ಲಿ ಬಹುಪಾಲು ವಿದ್ಯಾರ್ಥಿನಿಯರೇ ಮೇಲುಗೈ ಸಾಧಿಸಿದ್ದಾರೆ. ಅವರ ಸಮರ್ಪಣೆ, ಶಿಸ್ತು ಮತ್ತು ಶ್ರೇಷ್ಠತೆಯ ಪ್ರತಿಬಿಂಬ ಈ ಮೂಲಕ ಹೊರಹೊಮ್ಮಿದೆ. ಈ ಸಾಧನೆಯು ಸಾಮಾಜಿಕ ಪರಿವರ್ತನೆಯ ಪ್ರಬಲ ಸಂಕೇತ. ಇಂದು ಚಿನ್ನದ ಪದಕ ವಿಜೇತರಲ್ಲಿ ಶೇ.80ಕ್ಕಿಂತ ಹೆಚ್ಚು ವಿದ್ಯಾರ್ಥಿನಿಯರು ಎಂಬುದು ಸಂತಸದ ಸಂಗತಿ ಎಂದರು.
2009ರಲ್ಲಿ ಸ್ಥಾಪನೆಯಾದ ಕಲಬುರಗಿ ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯವು ಅಲ್ಪಾವಧಿಯಲ್ಲಿಯೇ ವಿಶಿಷ್ಟವಾಗಿ ಹೊರಹೊಮ್ಮಿದೆ. ಶ್ರೀದಲ್ಲೆ ಇದು ಎನ್​ಐಆರ್​ಎಫ್​ನ ಅಗ್ರ 100 ಶ್ರೇಣಿಗಳಲ್ಲಿ ಸ್ಥಾನ ಪಡೆಯಲಿದೆ ಎಂಬ ವಿಶ್ವಾಸವಿದೆ. ಈ ಗುರಿ ತಲುಪಲು ಕುಲಪತಿ, ಅಧ್ಯಾಪಕರು ಮತ್ತು ಸಿಬ್ಬಂದಿ ಒಟ್ಟಾಗಿ ಕೆಲಸ ಮಾಡಬೇಕಿದೆ. ಸಮಾಜ ಮತ್ತು ರಾಷ್ಟ್ರಕ್ಕೆ ಅರ್ಥಪೂರ್ಣ ಕೊಡುಗೆ ನೀಡುವ ಜವಾಬ್ದಾರಿ ನಿಮ್ಮ ಮೇಲಿದೆ ಎಂದು ಹೇಳಿದರು.
ಸವಾಲು ಧೈರ್ಯದಿಂದ ಎದುರಿಸಿ
ಜಗತ್ತು ಅವಕಾಶಗಳಿಂದ ತುಂಬಿದೆ, ಜತೆಗೆ ಹವಾಮಾನ ಬದಲಾವಣೆ, ತಾಂತ್ರಿಕ ಅಡಚಣೆ, ಸಾಮಾಜಿಕ ಅಸಮಾನತೆ ಹೀಗೆ ಅನೇಕ ಸವಾಲುಗಳೂ ಇವೆ. ಧೈರ್ಯ ಮತ್ತು ಸೃಜನಶೀಲತೆಯಿಂದ ಎದುರಿಸಬೇಕು. ನೆನಪಿಡಿ, ಯಶಸ್ಸನ್ನು ವೈಯಕ್ತಿಕ ಲಾಭದಿಂದ ಮಾತ್ರ ಅಳೆಯಲಾಗುವುದಿಲ್ಲ, ಬದಲಾಗಿ ನೀವು ಸಮಾಜದ ಮೇಲೆ ಸೃಷ್ಟಿಸುವ ಪ್ರಭಾವದಿಂದ ಅಳೆಯಲಾಗುತ್ತದೆ ಎಂದು ಮಾರ್ಮಿಕವಾಗಿ ನುಡಿದರು.
ಆಧುನಿಕತೆ ಮತ್ತು ಜಾಗತಿಕ ದೃಷ್ಟಿಕೋನ ಅಳವಡಿಸಿಕೊಂಡರೂ ನಮ್ಮ ರಾಷ್ಟ್ರದ ಸಾಂಸತಿಕ ಮತ್ತು ಬೌದ್ಧಿಕ ಪರಂಪರೆ ಮರೆಯಬಾರದು. ನಿಮ್ಮ ಪಾಲಕ/ಪೋಷಕರು ಮತ್ತು ಶಿಕ್ಷಕರನ್ನು ಗೌರವಿಸಿ ಎಂದು ಕಿವಿಮಾತು ಹೇಳಿದರು.
ರಾಧಾಕೃಷ್ಣನ್​ ಅವರು ಅತಿ ಹೆಚ್ಚು ಅಂಕಗಳಿಸಿದ ವಿದ್ಯಾರ್ಥಿ, ವಿದ್ಯಾರ್ಥಿನಿಯರಿಗೆ ಚಿನ್ನದ ಪದಕ ವಿತರಿಸಿ, ಶುಭ ಹಾರೈಸಿದರು. ರಾಜ್ಯಪಾಲ ಥಾವರ್​ಚಂದ್​ ಗೆಹೆಲೋತ್​ ಮಾತನಾಡಿದರು. ಕುಲಪತಿ ಪ್ರೊ.ಬಟ್ಟು ಸತ್ಯನಾರಾಯಣ ಸ್ವಾಗತಿಸಿ, ಪ್ರಾಸ್ತಾವಿಕ ಮಾತನಾಡಿದರು. ಕುಲಸಚಿವ ಪ್ರೊ.ಆರ್​.ಆರ್​.ಬಿರಾದಾರ್​, ಪರೀಕ್ಷಾ ನಿಯಂತ್ರಣಾಧಿಕಾರಿ ಪ್ರೊ.ಭರತ್​ಕುಮಾರ್​ ಇದ್ದರು.
ಮಾಜಿ ಸಂಸದ ಬಸವರಾಜ ಪಾಟೀಲ್​ ಸೇಡಂ, ವಿಧಾನ ಪರಿಷತ್​ ಸದಸ್ಯ ಶಶೀಲ್​ ನಮೋಶಿ, ಅಪರ ಜಿಲ್ಲಾಧಿಕಾರಿ ರಾಯಪ್ಪ ಹುಣಸಗಿ, ಸಹಾಯಕ ಆಯುಕ್ತೆ ಸಾಹಿತ್ಯ ಆಲದಕಟ್ಟಿ, ಗುಲ್ಬರ್ಗ ವಿವಿ ಕುಲಪತಿ ಪ್ರೊ.ಶಶಿಕಾಂತ ಉಡಿಕೇರಿ, ಮಾಹಿತಿ ಆಯುಕ್ತ ವೆಂಕಟಸಿಂಗ್​ ಸೇರಿ ಅನೇಕ ಗಣ್ಯರು ಟಿಕೋತ್ಸವಕ್ಕೆ ಸಾಕ್ಷಿಯಾದರು.

ಜೀವಮಾನದುದ್ದಕ್ಕೂ ನಿಮ್ಮ ಕಾರ್ಯ ಸಾಧನೆ ಮೂಲಕ ಪ್ರತಿಫಲಿಸಬೇಕು. ಶ್ರೇಷ್ಠತೆಯ ದೃಢ ಪ್ರಯತ್ನ ಮತ್ತು ರಾಷ್ಟ್ರಕ್ಕೆ ಉಜ್ವಲ ಭವಿಷ್ಯ ರೂಪಿಸುವಲ್ಲಿ ವಹಿಸಿದ ಪಾತ್ರಕ್ಕಾಗಿ ವಿಶ್ವವಿದ್ಯಾನಿಲಯದ ಕಾರ್ಯ ಶ್ಲಾನೀಯ. ದೊಡ್ಡ ಕನಸು ಕಾಣಿ, ಜವಾಬ್ದಾರಿಯುತವಾಗಿ ವರ್ತಿಸಿ ಮತ್ತು ವಿಕಸಿತ ಭಾರತ ಮತ್ತು ಆತ್ಮನಿರ್ಭರ್​ ಭಾರತ ನಿರ್ಮಾಣಕ್ಕೆ ಮಹತ್ವದ ಕೊಡುಗೆ ನೀಡಬೇಕು.

greater representation
for women soon
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net