ಶಾಲಾ ಪಠ್ಯಕ್ರಮ ಮರು ರಚನೆಗೆ ಸುಸಂದರ್ಭ: ಡಾ. ಎ. ಸೂರ್ಯಪ್ರಕಾಶ್

ಪ್ರಮುಖ ಮುಖ್ಯಾಂಶಗಳು

• ವಿಶ್ವ ಸಂವಾದ ಕೇಂದ್ರವು ಆಯೋಜಿಸಿದ್ದ ಮಾಧ್ಯಮ ಸಮಾವೇಶ-2025
• ಭಾರತೀಯ ಭಾಷೆ, ಸಂಸ್ಕೃತಿ, ಆಚಾರ ವಿಚಾರಗಳ ಮೇಲೆ ದಾಳಿ ನಡೆಸುವ ಮೆಕಾಲೆ ಶಿಕ್ಷಣ ಪದ್ಧತಿಯು ಮಾರಕವಾಗಿದೆ. ಆದ್ದರಿಂದ ಭಾರತೀಯತೆಯನ್ನು ಕಾಪಾಡುವ ಶಿಕ್ಷಣವು ಅಗತ್ಯವಾಗಿದೆ
• ವಿವೇಕಾನಂದ, ರಾಮಾಯಣ, ಮಹಾಭಾರತ, ಭಗವದ್ಗೀತೆಯನ್ನು ನಮ್ಮ ಮಕ್ಕಳಿಗೆ ಕಲಿಸಿಕೊಡುವಂತಹ ಪಠ್ಯಕ್ರಮವನ್ನು ಮರು ರೂಪಿಸುವುದು ಅತ್ಯಗತ್ಯ

ನೆರೆಯ ಬಾಂಗ್ಲಾದೇಶ, ನೇಪಾಳದಲ್ಲಿ ಸಾಮಾಜಿಕ ತಾಣಗಳ ಅತಿಯಾದ ಬಳಕೆಯಿಂದ ಏನೆಲ್ಲ ಅಪಾಯಗಳು ತಂದೊಡ್ಡಿವೆ ಎಂಬುದನ್ನು ನೋಡಿದ್ದೇವೆ. ಭಾರತದಲ್ಲಿಯೂ ಅವುಗಳಿಗೆ ಕಡಿವಾಣ ಹಾಕದಿದ್ದರೆ, ಮುಂದೊಂದು ದಿನ ಅಂತಹ ಅಪಾಯಗಳು ಎದುರಾಗುವುದು ಖಂಡಿತ. ಈ ವಿಚಾರದಲ್ಲಿ ಯುವ ಜನರನ್ನು ಜಾಗೃತಿಗೊಳಿಸುವುದು ಮತ್ತು ಸಾಮಾಜಿಕ ತಾಣಗಳು ಹರಡುವ ಸುಳ್ಳುಗಳನ್ನು ಪತ್ತೆ ಹಚ್ಚಿ ಮುಖ್ಯವಾಹಿನಿ ಮಾಧ್ಯಮಗಳು ಸತ್ಯವನ್ನು ಹೇಳುವ ಪ್ರಯತ್ನ ಮಾಡಬೇಕಿದೆ.

ಸಾಮಾಜಿಕ ತಾಣಗಳ ಜತೆಗೆ ಕೃತಕ ಬುದ್ಧಿಮತ್ತೆ (ಎಐ)ನಿಂದ ಹೊರ ಬರುತ್ತಿರುವ ಚಿತ್ರ/ವೀಡಿಯೋಗಳ ಸತ್ಯಾಸತ್ಯತೆ ಪತ್ತೆಹಚ್ಚುವುದು ಸವಾಲಿನ ಕೆಲಸವಾಗಿದೆ. ಹಾಗೆಯೇ ದೇಶದ ಅತಿದೊಡ್ಡ ಹಗರಣಗಳಾದ ಬೋಪೋರ್ಸ್, ಅಕ್ರಮ ಗಣಿಗಾರಿಕೆಗಳನ್ನು ಬಯಲಿಗೆಳೆದದ್ದು ತನಿಖಾ ಪತ್ರಿಕೋದ್ಯಮ. ಅಂತಹ ತನಿಖಾ ಪತ್ರಕರ್ತರ ಸಂಖ್ಯೆ ಕಡಿಮೆಯಾಗುತ್ತಿರುವುದು ವಿಷಾದನೀಯ.