ಮುಳ್ಳು-ಕಂಟಿಯಿಂದ ಫುಟ್​ಪಾತ್​ ಮುಕ್ತ

ಶಹಾಬಾದ್​: ನಗರದ ಹೊರ ವಲಯದ ಭಂಕೂರ ಕ್ರಾಸ್​ನಿಂದ ವಾಡಿ ಕ್ರಾಸ್​ವರೆಗಿನ ರಾಷ್ಟ್ರೀಯ ಹೆದ್ದಾರಿ-150ರ ಎರಡು ಬದಿಯಲ್ಲಿರುವ ಫುಟ್​ಪಾತ್​ ಮುಳ್ಳಿ-ಕಂಟಿಯಿಂದ ಮುಕ್ತವಾಗಿದೆ.

ಪ್ರಮುಖ ಪಾದಚಾರಿ ಮಾರ್ಗ ಗಿಡಗಂಟಿ ಹಾಗೂ ವಿವಿಧ ಪ್ರಾಣಿಗಳ ತ್ಯಾಜ್ಯದಿಂದ ಭರ್ತಿಯಾಗಿ ಜನರ ಸಂಚಾರಕ್ಕೆ ಸಂಚಕಾರ ತಂದೊಡ್ಡಿತ್ತು. ಈ ಕುರಿತು ಜೂ.14ರಂದು ವಿಜಯವಾಣಿ ಪತ್ರಿಕೆಯೂ "ಫುಟ್​ಪಾತ್​ ಕಸಮಯ ಸಂಚಾರ ಕಷ್ಟಕರ' ಶೀರ್ಷಿಕೆಯಲ್ಲಿ ವಿಶೇಷ ವರದಿ ಪ್ರಕಟಿಸಿತ್ತು.

ವರದಿಯಿಂದ ಎಚ್ಚೆತ್ತುಕೊಂಡಿರುವ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ, ಭಾನುವಾರದಿಂದ ರಸ್ತೆಯ ಎಡಭಾಗದ ಫುಟ್​ಪಾತ್​ ಮೇಲಿನ ತ್ಯಾಜ್ಯ ಸ್ವಚ್ಚಗೊಳಿಸಿದ್ದಲ್ಲದೆ ಹಾಗೂ ಮುಳ್ಳು&ಕಂಟಿಗಳನ್ನು ತೆರವು ಮಾಡಿದೆ. ಪಾದಚಾರಿ ಮಾರ್ಗ ಸ್ವಚ್ಛವಾಗಿದ್ದರಿಂದ ಜನರು ಖುಷಿ ವ್ಯಕ್ತಪಡಿಸುವುದರ ಜತೆಗೆ ವಿಜಯವಾಣಿ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.