ಸಂಶೋಧನೆ ಸಾಮರ್ಥ್ಯ ವೃದ್ಧಿ ವಿಕಸಿತ ಭಾರತಕ್ಕೆ ಪೂರಕ

ಕಲಬುರಗಿ: ಇಂದಿನ ಆಧುನಿಕ, ಸ್ಪರ್ಧಾತ್ಮಕ ಯುಗದಲ್ಲಿ ಜ್ಞಾನದ ಜತೆಗೆ ಪ್ರಾಯೋಗಿಕ ಕೌಶಲವೂ ಅಗತ್ಯ. ವಿದ್ಯಾರ್ಥಿಗಳು ವಿಶ್ವವಿದ್ಯಾಲಯದಲ್ಲಿರುವ ಅತ್ಯಾಧುನಿಕ ಸಂಶೋಧನಾ ಸೌಲಭ್ಯ ಹಾಗೂ ಪ್ರಯೋಗಾಲಯಗಳನ್ನು ಬಳಕೆ ಮಾಡಿಕೊಂಡು ತಮ್ಮ ಸಂಶೋಧನಾ ಸಾಮರ್ಥ್ಯ ವೃದ್ಧಿಸಿಕೊಳ್ಳುವುದರಿಂದ ವಿಕಸಿತ ಭಾರತ-2047 ನಿರ್ಮಾಣದ ಗುರಿ ಸಾಧನೆಗೆ ಸಹಕಾರಿಯಾಗಲಿದೆ ಎಂದು ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯದ ಕುಲಪತಿ ಪ್ರೊ.ಬಟ್ಟು ಸತ್ಯನಾರಾಯಣ ಹೇಳಿದರು.

ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯದ ರಸಾಯನಶಾಸ ವಿಭಾಗದಿಂದ ಶುಕ್ರವಾರ ಹಮ್ಮಿಕೊಂಡಿದ್ದ ಮಾಸ್​ ಸ್ಪೆಕ್ಟ್ರೊಮೆಟ್ರಿ-ಬೇಸ್ಡ್​ ಪ್ರೋಟಿಯೊಮಿಕ್ಸ್​ ಕುರಿತ ಎರಡು ದಿನಗಳ ಕಾರ್ಯಾಗಾರ ಉದ್ಘಾಟಿಸಿ ಮಾತನಾಡಿ, ಇಂದು ವಿದ್ಯಾರ್ಥಿಗಳು ಲಭ್ಯವಿರುವ ವಿಶ್ವದರ್ಜೆಯ ಸಂಶೋಧನಾ ಸೌಕರ್ಯ ಬಳಸಿಕೊಂಡು ಹೊಸ-ಹೊಸ ಸಂಶೋಧನೆ ಮಾಡಬೇಕು. ಸಮಯ ನಿರ್ವಹಣೆ ಪಾಲಿಸುವುದರ ಜತೆಗೆ ಪರಿಶ್ರಮ ಹಾಗೂ ನಿರಂತರ ಕಲಿಕೆ ರೂಢಿಸಿಕೊಳ್ಳಬೇಕು ಎಂದು ಸಲಹೆ ನೀಡಿದರು.

ಕುಲಸಚಿವ ಪ್ರೊ.ಆರ್​.ಆರ್​.ಬಿರಾದಾರ್​ ಮಾತನಾಡಿದರು.

ರಾಸಾಯನಿಕ ವಿಜ್ಞಾನ ವಿಭಾಗದ ಡೀನ್​ ಪ್ರೊ.ವೆಂಕಟರಮಣ ದೊಡ್ಡಿ, ವಿಭಾಗದ ಮುಖ್ಯಸ್ಥರೂ ಆದ ನಿರ್ದೇಶಕ ಪ್ರೊ.ಪಲ್ಲೆಪೋಗು ರಾವಯ್ಯ, ಎಚ್​ಆರ್​ಎಂಎಸ್​ ಸಂಯೋಜಕ ಡಾ.ಹರೀಶ್​ ಹೊಳ್ಳ, ಪ್ರಾಧ್ಯಾಪಕರಾದ ಪ್ರೊ.ಕೆ.ಹನುಮೇಗೌಡ, ಪ್ರೊ.ಎಸ್​.ವಿಶ್ವನಾಥ ಭೋಸಲೆ, ಡಾ.ಎನ್​.ಎಸ್​.ವೆಂಕಟನಾರಾಯಣ, ಡಾ.ಓರುಗಂಟಿ ಆಂಜನೇಯುಲು, ಡಾ.ಪಿ.ದುರೈಪಾಂಡಿ, ಡಾ.ಅಶೋಕ ಪಬ್ಬತ್ತಿ ಇತರರಿದ್ದರು.

ಹೈದರಾಬಾದ್​ನ ಥಮೋರ್ ಫಿಶರ್​ ಸೈಂಟಿಫಿಕ್​ ವಿಜ್ಞಾನಿ ಬಾಲಭಾವು ವಾರ್ಕಾಡ್​, ಬೆಂಗಳೂರಿನ ಜೆಎನ್​ಸಿಎಎಸ್​ಆರ್​ನ ಪ್ರೊ. ಹೇಮಲತಾ ಬಲರಾಮ್​, ಪುಣೆಯ ಸಿಎಸ್​ಐಆರ್​ ನ್ಯಾಷನಲ್​ ಕೆಮಿಕಲ್​ ಲ್ಯಾಬೊರೇಟರಿಯ ಪ್ರೊ.ಮಹೇಶ್​ ಜೆ. ಕುಲಕರ್ಣಿ ಪ್ರಾಯೋಗಿಕ ತರಬೇತಿ ನೀಡಿದರು.

"

ವಿಶ್ವವಿದ್ಯಾಲಯದ ಕ್ಯಾಂಪಸ್​ನಲ್ಲಿ ವಿದ್ಯಾರ್ಥಿಗಳಿಗಾಗಿ ಎನ್​ಇಟಿ ತರಬೇತಿ ಆರಂಭಿಸುವ ಯೋಜನೆಯಿದೆ. ಶ್ರೀದಲ್ಲಿ ಈ ಯೋಜನೆ ಜಾರಿಗೊಳಿಸುವ ಮೂಲಕ ವಿದ್ಯಾರ್ಥಿ ಸಮುದಾಯಕ್ಕೆ ಅನುಕೂಲ ಕಲ್ಪಿಸಲಾಗುವುದು.

— > ಪ್ರೊ.ಬಟ್ಟು ಸತ್ಯನಾರಾಯಣ, ಕುಲಪತಿ, ಸಿಯುಕೆ