ಅಫಜಲಪುರ ಜನರ ವಿದ್ಯುತ್​ ಸಮಸ್ಯೆ ದೂರ

ಅಫಜಲಪುರ: ತಾಲೂಕಿನಲ್ಲಿ ಹೆಚ್ಚುತ್ತಿರುವ ವಿದ್ಯುತ್​ ಬೇಡಿಕೆ ಹಿನ್ನೆಲೆ ಹಾಗೂ ಗ್ರಾಹಕರಿಗೆ ಸಮರ್ಪಕ ಕರೆಂಟ್​ ನೀಡುವ ಉದ್ದೇಶದಿಂದ ಮೂರು 11 ಕೆವಿ ಫೀಡರ್​ಗಳನ್ನು ನಿರ್ಮಿಸಲಾಗಿದೆ. ಇದರಿಂದ ರೈತರು, ಸಾರ್ವಜನಿಕರಿಗೆ ಅನುಕೂಲವಾಗಲಿದೆ ಎಂದು ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ನಿಗಮದ ಅಧ್ಯಕ್ಷ ಅರುಣಕುಮಾರ ಪಾಟೀಲ್​ ಹೇಳಿದರು.

ದುಧನಿ ರಸ್ತೆಯ ಕರ್ನಾಟಕ ವಿದ್ಯುತ್​ ಸರಬರಾಜು ಕಂಪನಿಯ ಕೇಂದ್ರದಲ್ಲಿ 3 ಫೀಡರ್​ಗಳನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಬೇಸಿಗೆ ಇರುವುದರಿಂದ ರೈತರ ಬೆಳೆಗಳಿಗೆ ನೀರು ಅಗತ್ಯವಾಗಿದೆ. ಇನ್ಮುಂದೆ ವಿದ್ಯುತ್​ ಟ್ರಿಪ್​ ಹಾಗೂ ವೋಲ್ಟೇಜ್​ ಸಮಸ್ಯೆ ಇರಲ್ಲ. ನಿಗದಿತ ಅವಧಿಯ ವಿದ್ಯುತ್​ ನಿರಂತರವಾಗಿ ಬರುತ್ತದೆ. ಅಂಬಾ ಭವಾನಿ, ಲ್ಮ, ಆಶ್ರಯ ಫೀಡರ್​ಗಳಿಂದ ವಿದ್ಯುತ್​ ಪ್ರವಾಹದ ಲಾಸ್​ ಶೇ.3ಕ್ಕೆ ಇಳಿಕೆಯಾಗಿ, ವೋಲ್ಟೇಜ್​ 180ರಿಂದ 230ಕ್ಕೆ ಏರಿಕೆಯಾಗುತ್ತದೆ. ಇದರಿಂದ ನಿಮ್ಮ ಪಾಲಿನ 7ಗಂಟೆ ವಿದ್ಯುತ್​ ಸರಾಗವಾಗಿ ದೊರೆಯುತ್ತದೆ ಎಂದರು.

ತಾಪಂ ಮಾಜಿ ಅಧ್ಯ ಶಿವಾನಂದ ಗಾಡಿಸಾಹುಕಾರ, ಬ್ಲಾಕ್​ ಕಾಂಗ್ರೆಸ್​ ಅಧ್ಯ ರಮೇಶ ಪೂಜಾರಿ, ಪ್ರಮುಖರಾದ ಸಂಜೀವಕುಮಾರ ನಿಂಬಾಳ, ಶ್ರೀಮಂತ ಬಿರಾದಾರ, ಕಂಟೆಪ್ಪ ಬಳೂರಗಿ, ಬಸವರಾಜ ಅಂದೋಡಗಿ, ವಿಶ್ವನಾಥ ಮಲಘಾಣ, ಸಂತೋಷ ಮನ್ಮಿ, ಮಹೇಶ ಆಲೆಗಾಂವ್​, ಗುರು ಚಾಂದಕವಟೆ, ದುಂಡು ಜಮಾದಾರ, ಬಸಯ್ಯ ನಂದಿಕೋಲ, ಮಲ್ಲಿಕಾರ್ಜುನ ವಾಳಿ, ಗುರುಶಾಂತ ಡಾಂಗೆ, ಚಂದು ಕರಜಗಿ, ಎಇಇ ಶಿವಶರಣಪ್ಪ ಮೇತ್ರೆ ಇದ್ದರು.