ಜ್ಞಾನ ಪರಂಪರೆಯ ದಾರಿ ಶಿಕ್ಷಣ

ಬಸವಕಲ್ಯಾಣ: ವಿದ್ಯಾರ್ಥಿಗಳು ಪ್ರಮಾಣ ಪತ್ರ, ಪದವಿಗೆ ಜೋತು ಬೀಳದೆ ತಮ್ಮ ಜ್ಞಾನ- ಸೃಜನಶೀಲತೆ ಮತ್ತು ಕೌಶಲದಿಂದ ಭವಿಷ್ಯ ರೂಪಿಸಿಕೊಳ್ಳಬೇಕು ಎಂದು ಬಿಡಿಪಿಸಿ ನಿರ್ದೇಶಕ ಬಸವರಾಜ ತೊಂಡಾರೆ ಸಲಹೆ ನೀಡಿದರು.

ನಗರದ ಶ್ರೀ ಬಸವೇಶ್ವರ ಪದವಿ ಮಹಾವಿದ್ಯಾಲಯದಲ್ಲಿ ಶುಕ್ರವಾರ ಹಮ್ಮಿಕೊಂಡಿದ್ದ 2026-&27ನೇ ಶೈಕ್ಷಣಿಕ ಚಟುವಟಿಕೆಗಳ ಸಮಾರಂಭವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಶಿಕ್ಷಣವು ಜ್ಞಾನ ಪರಂಪರೆಯ ದಾರಿಯಾಗಿದ್ದು, ಇದು ಕೌಶಲ ಮತ್ತು ವಿವೇಕವನ್ನು ರೂಪಿಸುವ ಸಾಧನವಾಗಿದೆ. ವಿದ್ಯಾರ್ಥಿಗಳು ಶ್ರಮ ಮತ್ತು ಶ್ರದ್ಧೆಯಿಂದ ಅಧ್ಯಯನ ಮಾಡಬೇಕು ಎಂದು ಹೇಳಿದರು.

ಆಡಳಿತಾತ್ಮಕವಾಗಿ ಹಲವು ಅನುಕೂಲತೆಗಳು ಆಡಳಿತ ಮಂಡಳಿ ಮಾಡಿ ಕೊಡುತ್ತದೆ. ಆದರೆ ಅದನ್ನು ಅಕಾಡೆಮಿಕ್ಕಾಗಿ ಬೆಳವಣಿಗೆ ಮಾಡುವಂತಹ ಜವಾಬ್ದಾರಿ ಅಧ್ಯಾಪಕರು ಮತ್ತು ವಿದ್ಯಾರ್ಥಿಗಳ ಮೇಲಿದೆ. ವಿದ್ಯಾರ್ಥಿಗಳ ಸರ್ವತೋಮುಖ ಬೆಳವಣಿಗೆಯೇ ವಿದ್ಯಾ ಸಂಸ್ಥೆಗೆ ಉತ್ತಮ ಹೆಸರು ತಂದು ಕೊಡುತ್ತದೆ. ವಿದ್ಯಾರ್ಥಿಗಳ ಸಾಧನೆಯೇ ವಿದ್ಯಾ ಸಂಸ್ಥೆಯ ಬೆಳವಣಿಗೆಯಾಗಿದೆ ಎಂದರು.

ಪ್ರಾಚಾರ್ಯ ಡಾ.ಭೀಮಾಶಂಕರ ಬಿರಾದಾರ ಮಾತನಾಡಿ, ಪದವಿ ಹಂತದಲ್ಲಿ ವಿದ್ಯಾರ್ಥಿಗಳು ಹಲವು ಜ್ಞಾನ ಪರಂಪರೆಗಳು ಅರಿಯಬೇಕಾದ ಅವಶ್ಯಕತೆ ಇದೆ. ಬಹುಶಿಸ್ತೀಯ ಮತ್ತು ಅಂತರ್ಶಿಸ್ತಿಯ ಅಧ್ಯಯನಕ್ಕೆ ಒತ್ತು ನೀಡಬೇಕು. ಎಲ್ಲ ವಿಷಯಗಳ ಸಂಶೋಧನಾ ಪ್ರಬಂಧಗಳು ಮತ್ತು ಸಂಶೋಧನಾ ಲೇಖನಗಳ ಅನುಸಂಧಾನ ಮಾಡಿ ವಿದ್ಯಾರ್ಥಿಗಳಿಗೆ ಮನವರಿಕೆ ಮಾಡಿಕೊಡುವ ಹೊಣೆ ಅಧ್ಯಾಪಕರದ್ದಾಗಿದೆ ಎಂದರು.

ಬಿಡಿಪಿಸಿ ನಿರ್ದೇಶಕ ಭದ್ರಿನಾಥ ಪಾಟೀಲ, ಬಿಡಿವಿಸಿ ಕೋಶಾಧ್ಯಕ್ಷ ಶಿವರಾಜ ಶಾಶೆಟ್ಟೆ,, ಅಕ್ಕಮಹಾದೇವಿ ಮಹಿಳಾ ಪದವಿ ಕಾಲೇಜು ಪ್ರಾಚಾಯೆರ್ ಮಾಯಾ ಮುರಾಳೆ, ಡಾ.ಬಸವರಾಜ ಖಂಡಾಳೆ, ವಿವೇಕಾನಂದ ಶಿಂದೆ, ಸುಜಾವುದ್ದೀನ್​, ರೋಷನ್​ ಬಿ, ಸಂಗೀತಾ ಮಹಾಗಾವೆ, ಪ್ರಿಯಾ ಚವ್ಹಾಣ್​, ನಾಗವೇಣಿ ಬಿರಾದಾರ, ಶೀತಲರಡ್ಡಿ , ಸಚಿನ್​ ಬಿಡುವೆ, ಚನ್ನಬಸಪ್ಪ ಎಚ್​.ಎಸ್​., ಪ್ರವಿಣ ಬಿರಾದಾರ, ನಾಗರಾಜ ನಾಸೆ, ಪ್ರಶಾಂತ ಬುಡಗೆ, ಸುಮಾ ಕುಂಟನೂರ, ಐಶ್ವರ್ಯ ಖರೋಣೆ, ವೀರೇಶ ಸ್ವಾಮಿ, ಗಣೇಶ ಮೇತ್ರಿ ಇದ್ದರು. ಗಂಗಾಧರ ಸಾಲಿಮಠ ನಿರೂಪಣೆ ಮಾಡಿ ಸ್ವಾಗತಿಸಿದರು. ಶ್ರೀ ಬಸವೇಶ್ವರ ಪಿಜಿ ಕಾಲೇಜು ಪ್ರಾಚಾಯೆರ್ ಡಾ.ಶಾಂತಲಾ ಪಾಟೀಲ ವಂದಿಸಿದರು.