ಮಹಾತ್ಮರನ್ನು ಜಾತಿಗೆ ಸೀಮಿತ ಮಾಡದಿರಿ

ಚಿಂಚೋಳಿ: ಅಧರ್ಮ ಹೆಚ್ಚಾಗಿದ್ದ ವೇಳೆ ಅವತಾರ ಪುರುಷ ಶ್ರೀ ಬೀರಲಿಂಗೇಶ್ವರರು ಜನ್ಮತಾಳಿ ಜನರನ್ನು ಉದ್ಧರಿಸಿದ್ದಾರೆ. ಇಂತಹ ಮಹಾತ್ಮರನ್ನು ಒಂದು ಸಮುದಾಯಕ್ಕೆ ಸೀಮಿತಗೊಳಿಸಬೇಡಿ ಎಂದು ವಿಜಯಪುರದ ಹುಲಜಂತಿಯ ಶ್ರೀ ಮಹಾಳಿಂಗರಾಯ ಮಹಾರಾಯರು ಹೇಳಿದರು.

ರುಮ್ಮನಗೂಡದಲ್ಲಿ ಶ್ರೀ ಬೀರಲಿಂಗೇಶ್ವರರ 6ನೇ ಜಾತ್ರೋತ್ಸವ ನಿಮಿತ್ತ ಬುಧವಾರ ಹಮ್ಮಿಕೊಂಡಿದ್ದ ಜಗದ್ಗುರು ಶ್ರೀ ತಿಂಥಣಿ ಮೌನೇಶ್ವರರ ಮಹಾಪುರಾಣ ಸಂಪನ್ನ ಹಾಗೂ ಧರ್ಮಸಭೆಯಲ್ಲಿ ಮಾತನಾಡಿ, ಧರ್ಮ ಕಾರ್ಯಕ್ಕೆ ಶಿವನ ಕೃಪೆ ಒಲಿಯಲಿದೆ. ಮನೆಗಳಲ್ಲಿ ಕಂಬಳಿ, ಹಣೆಗೆ ಭಂಡಾರ ಬಡಿದುಕೊಂಡರೆ ಕಷ್ಟ ಬಯಲು ಮಾಡುತ್ತದೆ. ಸಂಸತಿ, ಸಂಸ್ಕಾರ ಉಳಿಸಿ ಬೆಳೆಸಬೇಕು. ಮಕ್ಕಳಿಗೆ ಶಿಣ ನೀಡಬೇಕು, ಸನ್ಮಾರ್ಗದಲ್ಲಿ ಬದುಕು ರೂಪಿಸಿಕೊಳ್ಳಬೇಕು ಎಂದು ಸಲಹೆ ನೀಡಿದರು.

ರಾಜ ಮಾತೆ ಅಹಲ್ಯಾಬಾಯಿ ಹೋಳ್ಕರ್​ ಅವರ ಇತಿಹಾಸವನ್ನು ಪ್ರತಿ ಮಹಿಳೆಯರು ಅರಿಯಬೇಕು. ಮೋಲರಿಂದ ಧ್ವಂಸವಾದ 6 ಸಾವಿರ ದೇವಾಲಯಗಳ ಜಿಣೋರ್ದ್ಧಾರ ಮಾಡಿದ ರ್ಕಿತಿ ಅವರಿಗೆ ಸಲ್ಲುತ್ತದೆ. ಅವರ ಜಯಂತಿಯನ್ನು ಅದ್ದೂರಿಯಾಗಿ ಆಚರಿಸುವ ಮೂಲಕ ಶ್ರೇಷ್ಠ ಮಾತೆಗೆ ನಮನ ಸಲ್ಲಿಸುವ ಕೆಲಸವಾಗಲಿ ಎಂದರು.

ಗೊಂಡ ಕುರುಬ ಸಮಾಜದ ತಾಲೂಕು ಅಧ್ಯಕ್ಷ ರೇವಣಸಿದ್ದಪ್ಪ ಅಣಕಲ್​ ಮಾತನಾಡಿ, ಹುಲಿಜಂತಿ ಮಹಾಳಿಂಗರಾಯರ ಪಾದಸ್ಪರ್ಷದಿಂದ ರುಮ್ಮನಗೂಡ ಪಾವನವಾಗಿದೆ ಎಂದು ಹೇಳಿದರು.

ಅವರಾದ (ಬಿ)ನ ಶ್ರೀ ನಿಂಗಪ್ಪ ಮುತ್ಯಾ, ವೆಂಕಟಬೆನೂರಿನ ಶ್ರೀ ಮಲ್ಲಪ್ಪ ಪೂಜಾರಿ, ಪ್ರಮುಖರಾದ ಬೀರಣ್ಣ ಪೂಜಾರಿ, ಗೋಪಾಲ ಎಂ.ಪಿ., ಹಣಮಂತ ಪೂಜಾರಿ, ಮಾರುತಿ ಗಂಜಗೇರಿ, ನರಸಪ್ಪ ಪೂಜಾರಿ, ನೀಲಕಂಠರಾವ ಪೊಲೀಸ್​ ಪಾಟೀಲ್​, ಸೂರ್ಯಕಾಂತ ಪೂಜಾರಿ, ಸುಬ್ಬಣ್ಣ ಪೂಜಾರಿ, ಹಾಶಪ್ಪ ಪೂಜಾರಿ, ಸಿದ್ದಲಿಂಗ, ಪದ್ಮಣ್ಣ, ಶಿವಶರಣಪ್ಪ ಪೂಜಾರಿ ಇತರರಿದ್ದರು.

ಬೆಳಗ್ಗೆ 6ಕ್ಕೆ ಗಂಗಸ್ನಾನ ಮತ್ತು ಬೀರಲಿಂಗೇಶ್ವರರ ಕರ್ತೃ ಗದ್ದುಗೆಗೆ ಮಹಾಪೂಜೆ, ರುದ್ರಾಭಿಷೇಕ ನಡೆಯಿತು. ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಡೊಳ್ಳು ಕುಣಿತದೊಂದಿಗೆ ಭವ್ಯವಾಗಿ ಪಲ್ಲಕ್ಕಿ ಮೆರವಣಿಗೆ ಜರುಗಿತು.