ಸಕಾಲದಲ್ಲಿ ಬೀಜ, ಗೊಬ್ಬರ ವಿತರಿಸಿ

ಬಸವಕಲ್ಯಾಣ: ಬಿತ್ತನೆಗೂ ಮುನ್ನ ಮೇ ತಿಂಗಳಾಂತ್ಯದವರೆಗೆ ರೈತರಿಗೆ ಬೀಜ, ಗೊಬ್ಬರ ವಿತರಣೆಗೆ ಕ್ರಮಕೈಗೊಳ್ಳಬೇಕು. ರೈತರ ಬೇಡಿಕೆಗಳನ್ನು ಈಡೇರಿಸಬೇಕು ಎಂದು ಅಖಿಲ ಭಾರತ ಕಿಸಾನ್​ ಸಭಾ, ಕರ್ನಾಟಕ ರಾಜ್ಯ ರೈತ ಸಂ ಹಾಗೂ ಸಂಯುಕ್ತ ಕಿಸಾನ್​ ಮೋರ್ಚಾ ತಾಲೂಕು ಟಕಗಳಿಂದ ಒತ್ತಾಯಿಸಲಾಗಿದೆ.

ಸಂಘಟನೆಗಳ ಪದಾಧಿಕಾರಿಗಳ ನಿಯೋಗ ಸೋಮವಾರ ತಾಲೂಕು ಆಡಳಿತ ಸೌಧಕ್ಕೆ ತೆರಳಿ ಬೇಡಿಕೆ ಕುರಿತು ಮುಖ್ಯಮಂತ್ರಿಗೆ ಬರೆದ ಮನವಿಪತ್ರವನ್ನು ಗ್ರೇಡ್​-2 ತಹಸೀಲ್ದಾರ್​ ಮಾವತಿ ರಾಠೋಡ್​ ಅವರಿಗೆ ಸಲ್ಲಿಸಲಾಯಿತು.

ನೈಸರ್ಗಿಕ ಏರುಪೇರುಗಳಿಂದಾಗಿ ರೈತರು ಹಲವು ಸಮಸ್ಯೆ ಎದುರಿಸಬೇಕಾಗುತ್ತಿದೆ. ಮಳೆ ಅಭಾವ ಅದಾಗ ಸಮಯಕ್ಕೆ ಸರಿಯಾಗಿ ಬಿತ್ತಲು ಆಗುವುದಿಲ್ಲ. ಮಳೆಯಾದಾಗ ಸಕಾಲದಲ್ಲಿ ಬೀಜ ಗೊಬ್ಬರ ಸಿಗದಿದ್ದರೂ ಸಮಸ್ಯೆ ಎದುರಿಸಬೇಕಾಗುತ್ತಿದೆ. ಕಷ್ಟಪಟ್ಟು ಬೆಳೆದ ಬೆಳೆಗೆ ಮಾರುಕಟ್ಟೆಯಲ್ಲಿ ಸರಿಯಗಿ ಬೆಲೆ ಸಿಗದು. ಆಹಾರ ಧಾನ್ಯ ಮಾರುಕಟ್ಟೆಗೆ ಹಾಕಿದರೆ ಅಡತ್ತು ಎಂದು ಹೇಳಿ ಹಣ ಕಡಿತ ಮಾಡುತ್ತಿದ್ದಾರೆ. ಈ ಬಗ್ಗೆ ಪರಿಶೀಲಿಸಿ ಕ್ರಮಕೈಗೊಳ್ಳಬೇಕು ಎಂದು ಮನವಿ ಪತ್ರದಲ್ಲಿ ಕೋರಲಾಗಿದೆ.

ಅಖಿಲ ಭಾರತ ಕಿಸಾನ್​ ಸಭಾ ತಾಲೂಕು ಸಂಯೋಜಕ ಸೂರ್ಯಕಾಂತ ಮದಕಟ್ಟಿ, ರೈತ ಸಂಘದ ತಾಲೂಕು ಅಧ್ಯಕ್ಷ ಕಾಶೀನಾಥ ಬಿರಾದಾರ, ಗೌರವ ಅಧ್ಯಕ್ಷ ಕೆ.ಎಸ್​.ಖಾನಸಾಬ್​, ಕಲ್ಲಪ್ಪ ಗುಂಗೆ, ಖಾಸಿಂ ಅಲಿ ಸಾಬ್​, ಬಾಬು ಗೌರ, ನಜೀಬೋದ್ದಿನ್​, ಮೈನೊದ್ದಿನ್​, ವೀರಾರೆಡ್ಡಿ ಪಾಟೀಲ್​, ಹಣಮಂತ ಶೆಟ್ಟೆಬಾ, ಪ್ರಲ್ಹಾದ್​ ರಾಠೋಡ್​, ಶಿವರಾಜ ಬೊಕ್ಕೆ, ಗೋರನಾಥ ಇತರರಿದ್ದರು.

=======

"

ಸಮಯಕ್ಕೆ ಸರಿಯಗಿ ಮಳೆ, ಬೆಳೆ ಇಲ್ಲದೇ ಕೆಲ ವರ್ಷಗಳಿಂದ ರೈತರು ಸಮಸ್ಯೆ ಎದುರಿಸುವಂತಾಗಿದೆ. ಮುಂಗಾರು ಮಳೆ ಆರಂಭಕ್ಕೂ ಮುನ್ನವೇ ಅಗತ್ಯವಿರುವ ಬೀಜ ಮತ್ತು ಗೊಬ್ಬರ ವಿತರಣೆಗೆ ಸೂಕ್ತ ಕ್ರಮ ಕೈಗೊಳ್ಳಬೇಕು. ರೈರಿಗೆ ಸಮಸ್ಯೆ ಅಗದಂತೆ ಮುಮಜಾಗೃತ ಕ್ರಮಗಳನ್ನು ಕೈಗೊಳ್ಳಬೇಕು

— ಸೂರ್ಯಕಾಂತ ಮದಕಟ್ಟಿ ತಾಲೂಕು ಅಧ್ಯಕ್ಷ ಅಖಿಲ ಭಾರತ ಕಿಸಾನ್​ ಸಭಾ,