ಬರ ಘೋಷಿಸಿ, ಪರಿಹಾರ ವಿತರಣೆ ಮಾಡಿ

ಸೇಡಂ: ಮುಂಗಾರು ಮಳೆ ಬಾರದಿರುವುದರಿಂದ ರೈತರು ಕಂಗಾಲಾಗಿದ್ದು, ಹೊಲದಲ್ಲಿ ಬಿತ್ತನೆ ಕಾರ್ಯ ಮಾಡಿ ಸಾಲದ ಸುಳಿಯಲ್ಲಿ ಸಿಲುಕಿದ್ದಾರೆ. ಕೂಡಲೇ ಸರ್ಕಾರ ಬರ ಪೀಡಿತ ತಾಲೂಕು ೂಷಣೆ ಮಾಡಿ ಪರಿಹಾರ ಕಲ್ಪಿಸಬೇಕು ಎಂದು ಕರ್ನಾಟಕ ರಕ್ಷಣಾ ವೇದಿಕೆ ತಾಲೂಕು ಅಧ್ಯಕ್ಷ ರಾಮಚಂದ್ರ ಗುತ್ತೇದಾರ್​ ಹೇಳಿದರು.

ಕೃಷಿ ಕಚೇರಿಯಿಂದ ಪ್ರಜಾಸೌಧದವರೆಗೆ ಸೋಮವಾರ ಅರೆಬೆತ್ತಲೆ ಪ್ರತಿಭಟನೆ ನಡೆಸಿ ಬಳಿಕ ಸಹಾಯಕ ಆಯುಕ್ತರ ಕಚೇರಿ ತಹಸೀಲ್ದಾರ್​ ನಾಗನಾಥ ತರಗೆ ಅವರಿಗೆ ಮನವಿಪತ್ರ ಸಲ್ಲಿಸಿ, ಈ ಭಾರಿ ಜುಲೈ ಅರ್ಧ ತಿಂಗಳು ಕಳೆದರೂ ಮಳೆರಾಯ ಕೃಪೆ ತೋರಿಲ್ಲ. ಎಲ್ಲೆಡೆ ಬರದ ಪರಿಸ್ಥಿತಿ ಸೃಷ್ಟಿಯಾಗಿದೆ. ಹಳ್ಳ, ಕೊಳ್ಳಗಳಲ್ಲಿ ನೀರು ಖಾಲಿಯಾಗಿ ಜನ&ಜಾನುವಾರುಗಳು ಕುಡಿವ ನೀರಿಗೂ ಪರಿತಪಿಸುವಂತಾಗಿದೆ. ಮಳೆ ಕೈಕೊಟ್ಟಿದರಿಂದ ಹೆಸರು, ಉದ್ದು, ತೊಗರಿ ಹಾಳಾಗಿದೆ. ಆದ್ದರಿಂದ ಮುಖ್ಯಮಂತ್ರಿಗಳು ಕೂಡಲೇ ನಿರ್ಧಾರ ಕೈಗೊಂಡು ಕಲ್ಯಾಣ ಕರ್ನಾಟಕ ಅದರಲ್ಲೂ ಸೇಡಂ ತಾಲೂಕು ಬರಪಿಡೀತ ಪ್ರದೇಶವೆಂದು ೂಷಣೆ ಮಾಡುವಂತೆ ಒತ್ತಾಯಿಸಿದರು.

ಪ್ರಮುಖರಾದ ಮಹೇಶ ಪಾಟೀಲ್​, ದೇವು ನಾಟೀಕಾರ, ಚಂದ್ರಶೇಖರ ಪೂಜಾರಿ, ಭೀಮಯ್ಯ ಗುತ್ತೇದಾರ್​, ಪ್ರವಿಣ ಕೋಡ್ಲಾ, ಗುಂಡಪ್ಪ ಪೂಜಾರಿ, ಚಂದ್ರಶೇಖರ ಮಡಿವಾಳ, ರಾವೇಂದ್ರ ಹೂಡಾ, ಕಿರಣ ಪಾಟೀಲ್​, ಪವನ ಕುಲಕರ್ಣಿ, ರಾಜು ಗುತ್ತೇದಾರ್​, ಸೋಮಶೇಖರ ಯಂಪಳ್ಳಿ, ಶ್ರೀಕಾಂತ ಹೊಸಮನಿ, ಮಹೇಶರೆಡ್ಡಿ, ಅಂಜಿಲಪ್ಪ ಬೋಯಿನ್​, ಬಾಪುಗೌಡ, ರಾವೇಂದ್ರ ಮುನ್ನೂರ, ಶಿವರಾಯ ಮಡಿವಾಳ, ಲಚಮಪ್ಪ, ಮಹಾದೇವ ಗುತ್ತೇದಾರ್​, ಭೀಮರಾಯ, ಭಗವಂತು, ಮಹೇಶ ಶೇಖ್​ಅಹ್ಮದ್​, ರಾಯಪ್ಪ ಯಾದವ್​ ಇತರರಿದ್ದರು.