ಸಿಯುಕೆ 10ನೇ ಘಟಿಕೋತ್ಸವ 22ರಂದು

ಕಲಬುರಗಿ: ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯ (ಸಿಯುಕೆ)ದ 10ನೇ ಟಿಕೋತ್ಸವ ಏ.22ರಂದು ಆಯೋಜಿಸಿದ್ದು, ಮುಖ್ಯ ಅತಿಥಿ ಭಾರತದ ಉಪ ರಾಷ್ಟ್ರಪತಿ ಸಿ.ಪಿ. ರಾಧಾಕೃಷ್ಣನ್​ ಟಿಕೋತ್ಸವ ಭಾಷಣ ಮಾಡಲಿದ್ದಾರೆ ಎಂದು ಕುಲಪತಿ ಪೊ.ಬಟ್ಟು ಸತ್ಯನಾರಾಯಣ ಹೇಳಿದರು.

ಅಂದು ಮಧ್ಯಾಹ್ನ 2.30ಕ್ಕೆ ವಿವಿ ಬಹುಪಯೋಗಿ ಸಭಾಂಗಣದಲ್ಲಿ ನಡೆಯುವ ಟಿಕೋತ್ಸವದಲ್ಲಿ ರಾಜ್ಯಪಾಲ ಥಾವರಚಂದ್​ ಗೆಹಲೋತ್​ ಸಹ ಪಾಲ್ಗೊಳ್ಳಲಿದ್ದಾರೆ. ಉಪ ರಾಷ್ಟ್ರಪತಿ ಆಗಮಿಸುತ್ತಿರುವ ಹಿನ್ನೆಲೆಯಲ್ಲಿ ಹೆಚ್ಚಿನ ಭದ್ರತಾ ವ್ಯವಸ್ಥೆ ಮಾಡಲಾಗಿದೆ. ಶಿಷ್ಟಾಚಾರದಂತೆ ವಿದ್ಯಾರ್ಥಿಗಳು, ಬೋಧಕ&ಬೋಧಕೇತರ ಸಿಬ್ಬಂದಿ, ಪಾಲಕರು ಕಡ್ಡಾಯವಾಗಿ ಗುರುತಿನ ಚೀಟಿಯೊಂದಿಗೆ ಭಾಗವಹಿಸಬೇಕು ಎಂದು ಅವರು ಭಾನುವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ದೇಶದ ಮುಂಚೂಣಿ ವಿವಿಗಳಲ್ಲಿ ಒಂದಾಗಿರುವ ಸಿಯುಕೆ 34 ವಿಭಾಗಗಳನ್ನು ಹೊಂದಿದ್ದು, 34 ಯುಜಿ, 15 ಪಿಜಿ ಕೋರ್ಸ್​ ಬೋಧನೆ ಮಾಡಲಾಗುತ್ತಿದೆ. 2026&27ರಿಂದ ಐದು ಹೊಸ ಪದವಿ ಕೋರ್ಸ್​ ಪ್ರಾರಂಭಿಸಲಾಗಿದೆ. ಪ್ರಸ್ತುತ ಸುಮಾರು 3,200 ವಿದ್ಯಾರ್ಥಿಗಳಿದ್ದು, 213 ಬೋಧಕ ಮತ್ತು 110 ಬೋಧಕೇತರ ಸಿಬ್ಬಂದಿ ಕಾರ್ಯನಿರ್ವಹಿಸುತ್ತಿದ್ದಾರೆ. ವಿವಿ ಗುಣಮಟ್ಟದ ಶಿಣ ಅಳತೆಗೆ ಬೋಧಕ ಸಿಬ್ಬಂದಿ ಪ್ರಾಜೆಕ್ಟ್​ಗಳ ಮೇಲೆ ಅವಲಂಬಿಸಿದೆ. ತಾವು ಅಧಿಕಾರ ವಹಿಸಿಕೊಂಡಾಗ 100 ಇದ್ದ ಸಂಶೋಧನಾ ಅಭ್ಯರ್ಥಿಗಳ ಸಂಖ್ಯೆ ಇದೀಗ 450ಕ್ಕೆ ತಲುಪಿದೆ ಎಂದು ವಿವರಿಸಿದರು.

ಪಿಜಿ ಪರೀೆ ಸೋಮವಾರ ಶುರುವಾಗಿ ಮೇ 8ಕ್ಕೆ ಮುಗಿಯಲಿದ್ದು, ಮೇ ಅಂತ್ಯದೊಳಗೆ ಫಲಿತಾಂಶ ಪ್ರಕಟಿಸಲಾಗುವುದು. ವಿವಿ ಕ್ಯಾಂಪಸ್​ನಲ್ಲಿ ನೀರಿನ ಸಮಸ್ಯೆ ಪರಿಹಾರಕ್ಕೆ ಅಮರ್ಜಾ ಜತೆ ಪರ್ಯಾಯ ವ್ಯವಸ್ಥೆಯತ್ತ ಹೆಜ್ಜೆ ಇರಿಸಿದ್ದೇವೆ. ಅಂತರ್ಜಲ ಹೆಚ್ಚಳ ಮತ್ತು ಹಸರೀಕರಣಕ್ಕೆ ಆದ್ಯತೆ ನೀಡಿದ್ದು, ಸಿಎಸ್​ಆರ್​ ನಿಧಿಯಡಿ ಒಂದು ಕೋಟಿ ರೂ. ಅನುದಾನ ಬಿಡುಗಡೆಯಾಗಿದೆ. ನಾಲ್ಕೆದು ವರ್ಷಗಳಲ್ಲಿ ಕ್ಯಾಂಪಸ್​ ಗಿಡ&ಮರಗಳಿಂದ ತುಂಬಿರಲಿದೆ ಎಂದರು.

ಕುಲಸಚಿವ ಪ್ರೊ.ಆರ್​.ಆರ್​. ಬಿರಾದಾರ್​, ಪರೀಾ ನಿಯಂತ್ರಣಾಧಿಕಾರಿ ಪ್ರೊ.ಭರತಕುಮಾರ್​, ಪಿಆರ್​ಒ ಡಾ.ಗಣಪತಿ ಸಿನ್ನೂರ್​, ಎಪಿಆರ್​ಒ ಡಾ.ಪ್ರಕಾಶ ಬಾಳಿಕಾಯಿ, ಡಾ.ಕೋಟ ಸಾಯಿಕೃಷ್ಣ, ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನ ವಿಭಾಗದ ಮುಖ್ಯಸ್ಥೆ ಡಾ.ಶಾಮಲಾ, ಪ್ರೊ.ಬಸವರಾಜ ಕುಬಕಡ್ಡಿ, ಡಾ.ಜೋಹೆರ್​, ಡಾ.ಶ್ರೀಲಕ್ಷಿ$್ಮ ಇದ್ದರು.

10ನೇ ಟಿಕೋತ್ಸವದಲ್ಲಿ ಸುಮಾರು 769 ಅಭ್ಯರ್ಥಿಗಳು ಪದವಿ ಪಡೆಯಲು ಅರ್ಹರಿದ್ದಾರೆ. ಇದರಲ್ಲಿ 197 ಪದವಿ, 547 ಸ್ನಾತಕೋತ್ತರ ಪದವಿ, 24 ಜನ ಪಿಎಚ್​.ಡಿ ಹಾಗೂ ಓರ್ವ ಅಭ್ಯರ್ಥಿ ಎಂ.ಫಿಲ್​ ಪದವಿಗೆ ಅರ್ಹರಾಗಿದ್ದಾರೆ. ಇದರಲ್ಲಿ 460 ಅಭ್ಯರ್ಥಿಗಳು ಖುದ್ದು ಭಾಗವಹಿಸಿ ಟಿಕೋತ್ಸವ ಪ್ರಮಾಣಪತ್ರ ಪಡೆಯಲು ಒಪ್ಪಿಗೆ ಸೂಚಿಸಿದ್ದಾರೆ. ಉಳಿದಂತೆ ಆಯಾ ವಿಭಾಗದಲ್ಲಿ ಹೆಚ್ಚಿನ ಅಂಕ ಪಡೆದ 22 ಜನರಿಗೆ ಚಿನ್ನದ ಪದಕ ನೀಡಲಾಗುತ್ತಿದೆ. ಮಧ್ಯಪ್ರದೇಶ ಮೂಲದ ಬಿ.ಟೆಕ್​ ಇಲೆಕ್ಟ್ರಾನಿಕ್ಸ್​ ಕಮ್ಯುನಿಕೇಶನ್​ ಇಂಜಿನಿಯರಿಂಗ್​ ವಿದ್ಯಾರ್ಥಿ ದಿವ್ಯಾಂಶು ಸಕ್ಸೆನಾ ಎಲ್ಲದರಲ್ಲೂ ಉತ್ತಮ ಅಂಕ ಗಳಿಸಿರುವ ಹಿನ್ನೆಲೆಯಲ್ಲಿ ಪೊ.ಎ.ಎಂ. ಪಠಾಣ್​ ಚಿನ್ನದ ಪದಕಕ್ಕೆ ಭಾಜನರಾಗಿದ್ದಾರೆ ಎಂದು ಪ್ರೊ.ಬಟ್ಟು ಸತ್ಯನಾರಾಯಣ ತಿಳಿಸಿದರು.

ವಿಶ್ವವಿದ್ಯಾಲಯದಲ್ಲಿ ಪಾರದರ್ಶಕ, ನಿಯಮಾನುಸಾರವಾಗಿ ನೇಮಕಾತಿ ನಡೆದಿದೆ ಎಂದು ಕರ್ನಾಟಕ ಕೇಂದ್ರೀಯ ವಿವಿ ಕುಲಪತಿ ಪ್ರೊ.ಬಟ್ಟು ಸತ್ಯನಾರಾಯಣ ಸ್ಪಷ್ಟಪಡಿಸಿದರು. ಗುಣಮಟ್ಟದ ಶಿಕ್ಷಣ ನಮ್ಮ ಗುರಿ. ಹೀಗಾಗಿ ಗುಣಮಟ್ಟದ ಶಿಕ್ಷಕರನ್ನು ನೇಮಕ ಮಾಡಲಾಗುತ್ತಿದೆ. ಈ ನಿಟ್ಟಿನಲ್ಲಿ ಆರೋಪದಲ್ಲಿ ಹುರುಳಿಲ್ಲ. ಶ್ರೀಕಾಂತ ಕುಸೂರು ಎಂಬುವವರು ಡೆಪ್ಯೂಟಿ ರಜಿಸ್ಟ್ರಾರ್​ ಆಗಿ ನೇಮಕ ಮಾಡಲಾಗಿದೆ. ಈ ಪ್ರಕ್ರಿಯೆಯಲ್ಲಿ ಯಾವುದೇ ಹಂತದಲ್ಲೂ ನಿಯಮ ಮೀರಿಲ್ಲ. ಎಲ್ಲವೂ ಕಾನೂನು, ಕೇಂದ್ರದ ನಿಯಮದಡಿ ನಡೆದಿದೆ. ವಿವಿ ಎಕ್ಸಿಕ್ಯೂಟಿವ್​ ಕೌನ್ಸಿಲ್​ ಪದನಿಮಿತ್ತ ಸದಸ್ಯರಾಗಿದ್ದರೂ ಸಭೆಗೆ ಮುಂಚಿತವಾಗಿ ತಮಗೆ ಮಾಹಿತಿ ನೀಡಿಲ್ಲ ಎಂಬುದು ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿಗಳ ವಾದ. ಆದರೆ ಮುಂಚಿತವಾಗಿಯೇ ಎಲ್ಲರಿಗೂ ಇ&ಮೇಲ್​ ಮೂಲಕ ಮಾಹಿತಿ ಒದಗಿಸಲಾಗಿದೆ. ಈ ಕುರಿತು ಕೇಂದ್ರ ಸರ್ಕಾರದ ಉನ್ನತ ಶಿಕ್ಷಣ ಇಲಾಖೆಗೆ ಸ್ಪಷ್ಟೀಕರಣ ನೀಡಲಾಗಿದೆ ಎಂದು ತಿಳಿಸಿದರು.