ಮಾಹಿತಿ ನೀಡಿ ಜನಗಣತಿಗೆ ಸಹಕರಿಸಿ information

ನಗರದ ಜಿಪಂ ಸಭಾಂಗಣದಲ್ಲಿ ಶುಕ್ರವಾರ ಜನಗಣತಿದಾರರು ಮತ್ತು ಮೇಲ್ವೀಚಾರಕರಿಗೆ ಮೂರು ದಿನ ಆಯೋಜಿಸಿರುವ ತರಬೇತಿಗೆ ಚಾಲನೆ ನೀಡಿ ಮಾತನಾಡಿದ ಅವರು, ಮನೆಗಣತಿ ನಂತರ ಜನಗಣತಿ ನಡೆಯುತ್ತದೆ. ಗಣತಿ ವೇಳೆ ಯಾವುದೇ ಮನೆ ಅಥವಾ ವ್ಯಕ್ತಿ ಬಿಟ್ಟು ಹೋಗದಂತೆ ಜಾಗ್ರತೆವಹಿಸಬೇಕು. ಡಿಜಿಟಲ್ ಗಣತಿಗೆ ವ್ಯವಸ್ಥಿತ ಯೋಜನೆ ರೂಪಿಸಲಾಗಿದ್ದು, ಇದರ ಯಶಸ್ಸಿಗೆ ಸಹಕರಿಸುವುದು ಪ್ರತಿಯೊಬ್ಬರ ಕರ್ತವ್ಯ. ಜನಗಣತಿಯು ಸಂವಿಧಾನ ಬದ್ಧ ಕಾರ್ಯವಾಗಿದ್ದು, ಇದರಲ್ಲಿ ಗಣತಿದಾರರಾದ ಶಿಕ್ಷಕರ ಪಾತ್ರ ಮಹತ್ವದ್ದು. ಈಗಾಗಲೇ ಚುನಾವಣೆ ಕರ್ತವ್ಯ, ಜಾತಿ ಗಣತಿ ಮತ್ತು ಹಿಂದುಗಳಿದ ವರ್ಗಗಳ ಆಯೋಗದ ಸಮೀಕ್ಷೆಯನ್ನು ಯಶಸ್ವಿಯಾಗಿ ನಡೆಸಿರುವ ನಿಮಗೆ ಈ ಗಣತಿ ಸುಲಭವಾಗಲಿದೆ ಎಂದರು.

1872ರಲ್ಲಿ ಮೊದಲ ಗಣತಿ ನಡೆದಿದ್ದು, ಇದೀಗ ಸ್ವಾತಂತ್ರ್ಯ ಬಂದ ಬಳಿಕ ನಡೆಯುತ್ತಿರುವ 8ನೇ ಗಣತಿಯಾಗಿದೆ. ಏ.1ರಿಂದ 15ರವರೆಗೆ ಮನೆ ಗಣತಿ ನಡೆಯಲಿದ್ದು, ಸಾರ್ವಜನಿಕರಿಗೆ ಸ್ವಯಂ ಗಣತಿಗೆ ಅವಕಾಶ ಕಲ್ಪಿಸಲಾಗಿದೆ. ಇದರಲ್ಲಿ ಪಾಲ್ಗೊಂಡವರು ಗಣತಿದಾರರಿಗೆ ಎಸ್‌ಸಿ ಐಡಿ ನೀಡಬೇಕು. ಇನ್ನು ಜಿಲ್ಲೆಯಲ್ಲಿ ಗಣತಿಗಾಗಿ 40 ಜನರಿಗೆ ಒಬ್ಬರಂತೆ ಕ್ಷೇತ್ರ ತರಬೇತುದಾರರನ್ನು ನೇಮಿಸಲಾಗಿದೆ. ಜತೆಗೆ 11 ಮಂದಿ ಚಾರ್ಜ್ ಆಫಿಸರ್‌ಗಳಿದ್ದು, ಇವರಲ್ಲಿ ನಾಲ್ವರು ತಹಸೀಲ್ದಾರ್, 5 ಮಂದಿ ಪೌರಾಯುಕ್ತರಿದ್ದಾರೆ. ಮಲ್ಲಿಕಾರ್ಜುನ ಮತ್ತು ಸಿದ್ದಲಿಂಗಸ್ವಾಮಿ ಅವರು ಮಾಸ್ಟರ್ ತರಬೇತಿದಾರರಾಗಿದ್ದು, ಯಾವುದೇ ರೀತಿಯ ದೂರುಗಳು ಬಾರದಂತೆ ಗಣತಿದಾರರು ಕಾರ್ಯ ನಿರ್ವಹಿಸಬೇಕು ಎಂದು ತಿಳಿಸಿದರು.

ಕ್ಷೇತ್ರ ಶಿಕ್ಷಣಾಧಿಕಾರಿ ಸೋಮಲಿಂಗಯ್ಯ ಮಾತನಾಡಿ, ಶಿಕ್ಷಕರ ಮೇಲೆ ಕೆಲಸದ ಒತ್ತಡ ಜಾಸ್ತಿಯಿದ್ದರೂ ಪರಿಶಿಷ್ಟರ ಒಳ ಮೀಸಲಾತಿ ಸರ್ವೇ, ಬಿಸಿಎಂ ಸರ್ವೇ, ಬಿಎಲ್‌ಒ ಕಾರ್ಯ ಮಾಡಿರುವ ಕಾರಣ ಅನುಭವದ ಮೂಲಕ ಇದೀಗ ನಡೆಯುತ್ತಿರುವ ಜನಗಣತಿ ಕಾರ್ಯವನ್ನು ಉತ್ತಮ ರೀತಿಯಲ್ಲಿ ನಿರ್ವಹಿಸಲಿದ್ದಾರೆ ಎಂಬ ವಿಸ್ವಾಸವಿದೆ ಎಂದರು.

"