ಕೌನ್ಸೆಲಿಂಗ್‌ಗೆ ಕೇಡರ್, ಹಿರಿತನ ಪರಿಗಣಿಸಿ

ಬೆಂಗಳೂರು: ಕರ್ನಾಟಕ ನಾಗರಿಕ ಸೇವಾ (ಮುದ್ರಾಂಕ ಮತ್ತು ನೋಂದಣಿ ಇಲಾಖೆಯಲ್ಲಿ ಕೌನ್ಸೆಲಿಂಗ್ ಆಧಾರಿತ ವರ್ಗಾವಣೆ) ನಿಯಮಗಳು -2026ರ ಕರಡಿಗೆ ರಾಜ್ಯ ನೋಂದಣಿ ಮತ್ತು ಮುದ್ರಾಂಕ ಇಲಾಖಾ ನೌಕರರ ಸಂಘ ಆಕ್ಷೇಪ ವ್ಯಕ್ತಪಡಿಸಿದೆ. ಕಂದಾಯ ಇಲಾಖೆ (ಮುದ್ರಾಂಕ ಮತ್ತು ನೋಂದಣಿ) ಪ್ರಧಾನ ಕಾರ್ಯದರ್ಶಿಗೆ ಇಲಾಖೆಯ ಅಧಿಕಾರಿ, ಸಿಬ್ಬಂದಿ ಪರವಾಗಿ ನೌಕರರ ಸಂಘದ ಪದಾಧಿಕಾರಿಗಳು ಮನವಿ ಪತ್ರ ಸಲ್ಲಿಸಿದ್ದಾರೆ. ಕರಡಿನಲ್ಲಿ ಉಲ್ಲೇಖಿತ ಕೆಲ ಅಂಶಗಳಿಗೆ ಸ್ಪಷ್ಟನೆ, ಸಲಹೆ ಮತ್ತು ಮನವಿಗಳನ್ನು ಸಂಘದ ಪದಾಧಿಕಾರಿಗಳು ಮಾಡಿಕೊಟ್ಟಿದ್ದು, ಇಲಾಖೆಯಿಂದ ಸಕರಾತ್ಮಕ ಲಿತಾಂಶ ಸಿಗಲಿದೆ ಎಂಬ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದಾರೆ.

ಪಾರದರ್ಶಕ, ನ್ಯಾಯಸಮ್ಮತ ಪ್ರಕ್ರಿಯೆ ಸಲುವಾಗಿ ಕೌನ್ಸೆಲಿಂಗ್ ಆಧಾರಿತ ವರ್ಗಾವಣೆ ಪರಿಚಯಿಸಿರುವುದು ಸ್ವಾಗತಾರ್ಹ. ಆದರೆ, ಕೆಲವು ನಿಯಮಗಳಲ್ಲಿ ಅಸ್ಪಷ್ಟತೆ, ತೊಡಕು ಮತ್ತು ಸಂಭವನೀಯ ಕಾನೂನು ವಿವಾದ ಎದುರಾಗುವ ಸಾಧ್ಯತೆ ಇದೆ. ಅವುಗಳನ್ನು ತಪ್ಪಿಸಲು ಸ್ಪಷ್ಟೀಕರಣ, ಮಾರ್ಪಾಡು ಮತ್ತು ತಿದ್ದುಪಡಿ ಅಗತ್ಯ ಇರುತ್ತದೆ ಎಂದು ಆಕ್ಷೇಪಣಾ ಪತ್ರದಲ್ಲಿ ಸಂಘದ ಪದಾಧಿಕಾರಿಗಳು ಮನವಿ ಮಾಡಿದ್ದಾರೆ.

ಕರ್ನಾಟಕ ಸಾಮಾನ್ಯ ಸೇವೆಗಳು (ನೋಂದಣಿ ಮತ್ತು ಮುದ್ರಾಂಕ ಇಲಾಖೆ) ನೇಮಕಾತಿ ನಿಯಮ -2000ರ ಪ್ರಕಾರ ಹಿರಿಯ ಉಪ ನೋಂದಣಾಧಿಕಾರಿ ಮತ್ತು ಉಪ ನೋಂದಣಾಧಿಕಾರಿ ಎಂದು ಸೇವಾ ಹಿರಿತನದ ಪಟ್ಟಿಯಲ್ಲಿ ಪ್ರತ್ಯೇಕ ಕೇಡರ್ ಮಾಡಲಾಗಿದೆ. ಕೌನ್ಸೆಲಿಂಗ್ ವರ್ಗಾವಣೆಯಲ್ಲಿ ಒಟ್ಟಿಗೇ ಪಟ್ಟಿಗೆ ಸೇರಿಸಿದರೆ ಆಡಳಿತಾತ್ಮಕ ಗೊಂದಲಕ್ಕೆ ಕಾರಣವಾಗಬಹುದು. ಕೇಡರ್ ಹಿರಿತನ, ಬಡ್ತಿ ಶ್ರೇಣಿ ಮತ್ತು ಕಾನೂನುಬದ್ಧ ಸೇವಾ ಹಕ್ಕುಗಳ ಮೇಲೆ ಪರಿಣಾಮ ಬೀರಬಹುದು. ಆದ್ದರಿಂದ ಹಿರಿಯ ಉಪ ನೋಂದಣಿದಾರರು ಮತ್ತು ಉಪ ನೋಂದಣಿದಾರರು ಎಂದು ಪ್ರತ್ಯೇಕ ಪಟ್ಟಿ ಸಿದ್ಧಪಡಿಸಬೇಕೆಂದು ಮನವಿ ಮಾಡಿದ್ದಾರೆ.

ನಿವೃತ್ತಿ ಅಂಚಿನಲ್ಲಿ ಇರುವ ಅಧಿಕಾರಿಗಳಿಗೆ ವರ್ಗಾವಣೆಯಿಂದ ವಿನಾಯಿತಿ ನೀಡಬೇಕು. ಕುಟುಂಬ, ವೈದ್ಯಕೀಯ ಚಿಕಿತ್ಸೆ, ಮಕ್ಕಳ ಶಿಕ್ಷಣ, ವಯಸ್ಸಾದ ಪೋಷಕರು ಮತ್ತು ನಿವೃತ್ತಿಗೆ ಸಂಬಂಧಿಸಿದ ದಾಖಲೆ ನಿರ್ವಹಣೆ ಅಗತ್ಯವಿದೆ. ಆದರಿಂದ ಒಂದು ವರ್ಷಕ್ಕಿಂತ ಕಡಿಮೆ ಸೇವೆ ಉಳಿದಿರುವ ನೌಕರರಿಗೆ ಕಡ್ಡಾಯ ವರ್ಗಾವಣೆಯಿಂದ ವಿನಾಯಿತಿ ನೀಡಬೇಕು. ಇದರಿಂದ ಆಡಳಿತಾತ್ಮಕವಾಗಿ ತೊಂದರೆ ಆಗುವುದಿಲ್ಲ ಎಂದು ಮನವಿ ಪತ್ರದಲ್ಲಿ ಉಲ್ಲೇಖಿಸಿದ್ದಾರೆ.

ವಲಯ-ಎ ಕಚೇರಿಯಿಂದ ವರ್ಗಾವಣೆಯಾದ ಅಧಿಕಾರಿಗಳು ವಾಪಸ್ ಬರಲು ಅರ್ಹತೆ ಏನೆಂಬುದು ಕರಡಿನಲ್ಲಿ ಸ್ಪಷ್ಟತೆ ಇಲ್ಲ. ವಲಯ-ಎ ಯಿಂದ ಕಡ್ಡಾಯವಾಗಿ ವರ್ಗಾವಣೆಗೊಂಡ ಅಧಿಕಾರಿಯೊಬ್ಬ ಕನಿಷ್ಠ ಮೂರು ವರ್ಷಗಳ ನಿರಂತರ ಸೇವೆ ಪೂರ್ಣಗೊಳಿಸಿದ ನಂತರವೇ ವಲಯ-ಎ ನಿಯೋಜನೆ ಪಡೆಯಲು ಅರ್ಹರಾಗುತ್ತಾರೆ. ಇದು ಖಾಲಿ ಹುದ್ದೆಗಳ ಲಭ್ಯತೆ, ಹಿರಿತನ, ಕೌನ್ಸೆಲಿಂಗ್ ಆದ್ಯತೆ ಮತ್ತು ಇತರ ಅರ್ಹತಾ ಷರತ್ತಗಳಿಗೆ ಅನ್ವಯವೆಂದು ನಿಯಮ ಮಾರ್ಪಾಡು ಮಾಡುವಂತೆ ಸಂಘವೂ ಮನವಿ ಮಾಡಿದೆ.

ರಾಜ್ಯ ಸರ್ಕಾರಿ ನೌಕರರ ಸಂಘ ಅಥವಾ ಯಾವುದೇ ಮಾನ್ಯತೆ ಪಡೆದ ಸರ್ಕಾರಿ ಅಧಿಕಾರಿಗಳ ಸಂಘದ ಪದಾಧಿಕಾರಿಗಳಿಗೆ ಕೌನ್ಸೆಲಿಂಗ್ ಆಧಾರಿತ ವರ್ಗಾವಣೆ ನಿಯಮದಿಂದ ವಿನಾಯಿತಿ ನೀಡಲಾಗಿದೆ. ಅದೇ ರೀತಿ ಮುದ್ರಾಂಕ ಮತ್ತು ನೋಂದಣಿ ಇಲಾಖೆ ನೌಕರರ ಸಂಘದ ಪದಾಧಿಕಾರಿಗಳಿಗೂ ವಿನಾಯಿತಿ ನೀಡಬೇಕು. ಏಕೆಂದರೆ ನೌಕರರ ಸೇವಾ, ಕಲ್ಯಾಣ ವಿಷಯ, ಕುಂದುಕೊರತೆ, ವೇತನ ಮತ್ತು ಪಿಂಚಣಿ, ಆಡಳಿತಾತ್ಮಕ ಸೇವೆ ವಹಿಸಬೇಕಾದ ಕಾರಣ ಕಡ್ಡಾಯ ಕೌನ್ಸೆಲಿಂಗ್ ವರ್ಗಾವಣೆಯಿಂದ ವಿನಾಯಿತಿ ಕೊಡಬೇಕೆಂದು ಮನವಿ ಮಾಡಿದ್ದಾರೆ.

ಕರ್ನಾಟಕ ನಾಗರಿಕ ಸೇವಾ ನಿಯಮಗಳ ನಿಯಮ 32ರ ಅನ್ವಯ ನೇಮಕಗೊಂಡ ಅಧಿಕಾರಿಗಳು ತಾತ್ಕಾಲಿಕ ಇನ್ ಚಾರ್ಜ್ (ಪ್ರಭಾರ) ಗೌರವ ಸೇವೆ ಎಂದು ಪರಿಗಣಿಸಲಾಗಿದೆ. ಈ ಸೇವೆಯನ್ನು ಬಡ್ತಿ ಮತ್ತು ವರ್ಗಾವಣೆ ವೇಳೆ ಪರಿಗಣಿಸಬಾರದು ಎಂಬ ನಿಯಮವಿದೆ. ಆದ್ದರಿಂದ ವಲಯ-ಎ ಕಚೇರಿಗಳಲ್ಲಿ 8 ವರ್ಷಗಳಲ್ಲಿ 5 ಅಥವಾ 6 ವರ್ಷಗಳನ್ನು ಲೆಕ್ಕಾಚಾರ ಮಾಡುವಾಗ ನಿಯಮ 32ರ ಅನ್ನು ಪಾಲಿಸಬೇಕು. ಹುದ್ದೆ ಖಾಲಿ ಇದ್ದ ಕಾರಣಕ್ಕೆ ತಾತ್ಕಾಲಿಕವಾಗಿ ಸೇವೆ ಸಲ್ಲಿಸಿರುತ್ತಾರೆ. ಅದನ್ನು ವರ್ಗಾವಣೆಗೆ ಮತ್ತು ಬಡ್ತಿಗೆ ಪರಿಗಣಿಸಬಾರದು.

* ವಲಯ-ಎ ಕಚೇರಿಗಳಲ್ಲಿ 8 ಅಥವಾ 6 ವರ್ಷಕ್ಕಿಂತ ಹೆಚ್ಚು ಕಾಲ ಸೇವೆ ಸಲ್ಲಿಸಿರುವ ಎ್ಡಿಎ ಮತ್ತು ಸ್ಪೆನೋಗ್ರಾರ್‌ಗಳನ್ನು ಕಡ್ಡಾಯವಾಗಿ ವರ್ಗಾವಣೆ ಮಾಡಿ

* ವಲಯ-ಬಿ, ವಲಯ-ಸಿಯಲ್ಲಿ ಒಟ್ಟು ಹುದ್ದೆಗಳ ಸಂಖ್ಯೆಗಳಲ್ಲಿ ಶೇ.5 ವರ್ಗಾವಣೆ ಮೀರಬಾರದು

* ಆಡಳಿತಾತ್ಮಕ ನ್ಯಾಯ, ಕೇಡರ್ ರಕ್ಷಣೆ, ಸುಗಮ ಸೇವೆ ಹಿತದೃಷ್ಟಿಯಿಂದ ಕರಡು ಮಾರ್ಪಡಿಸಿ