ಗ್ರಾಮೀಣಾಭಿವೃದ್ಧಿಗೆ ಕಾಂಗ್ರೆಸ್​ ಸರ್ಕಾರ ಶ್ರಮ

ಸೇಡಂ: ರಾಜ್ಯದಲ್ಲಿ ಆಡಳಿತದಲ್ಲಿರುವ ಕಾಂಗ್ರೆಸ್​ ಸರ್ಕಾರ ಗ್ಯಾರಂಟಿ ಯೋಜನೆಗಳೊಂದಿಗೆ ಸರ್ವರನ್ನು ಆರ್ಥಿಕವಾಗಿ ಸ್ವಾವಲಂಬಿಗಳನ್ನಾಗಿ ಮಾಡುತ್ತಿದ್ದು, ವಿವಿಧ ಜನರ ಯೋಜನೆಗಳ ಮೂಲಕ ಗ್ರಾಮೀಣ ಭಾಗದ ಸಮಗ್ರ ಅಭಿವೃದ್ಧಿಗೆ ಶ್ರಮಿಸುತ್ತಿದೆ ಎಂದು ವೈದ್ಯಕಿಯ ಶಿಕ್ಷಣ ಹಾಗೂ ಕೌಶಲಾಭಿವೃದ್ಧಿ ಸಚಿವ ಡಾ.ಶರಣಪ್ರಕಾಶ ಪಾಟೀಲ್​ ಹೇಳಿದರು.

ಮದನಾದಲ್ಲಿ ಲೋಕೋಪಯೋಗಿ ಇಲಾಖೆಯಿಂದ ಮಂಗಳವಾರ ಆಯೋಜಿಸಿದ್ದ 9.95ಲಕ್ಷ ರೂ. ವೆಚ್ಚದ ರಸ್ತೆ ಕಾಮಗಾರಿಗೆ ಚಾಲನೆ ಹಾಗೂ 21 ಕೋಟಿ ರೂ. ವೆಚ್ಚದ ವಿದ್ಯುತ್​ ವಿತರಣಾ ಕೇಂದ್ರ ಲೋಕಾರ್ಪಣೆಗೊಳಿಸಿ ಮಾತನಾಡಿ, 2023ರಿಂದ ಗ್ಯಾರಂಟಿ ಯೋಜನೆ ಮೂಲಕ ಸರ್ಕಾರದ ಸಾವಿರಾರು ಕೋಟಿ ರೂ. ಹಣ ಲಾಂತರ ಕುಟುಂಬಗಳಿಗೆ ತಲುಪುತ್ತಿದೆ. ಮದನಾದಲ್ಲಿ ಸಾಕಷ್ಟು ಅಭಿವೃದ್ಧಿ ಕೆಲಸಗಳು ನಡೆಯುತ್ತಿವೆ ಎಂದರು.

ಕಾರ್ಮಿಕರ ಸಂದ ಅಧ್ಯಕ್ಷ ಸತೀಶರೆಡ್ಡಿ ಪಾಟೀಲ್​ ರಂಜೋಳ, ತಾಪಂ ಮಾಜಿ ಉಪಾಧ್ಯಕ್ಷ ಶರಣರೆಡ್ಡಿ ಕಡಚರ್ಲಾ, ಮಹೆಮೂದ ಮದನಾ ಮಾತನಾಡಿದರು.

ಕೃಷಿಕ ಸಮಾಜದ ರಾಜ್ಯ ಪ್ರತಿನಿಧಿ ಬಸವರಾಜ ಪಾಟೀಲ್​ ಊಡಗಿ, ಎಪಿಎಂಸಿ ಮಾಜಿ ಅಧ್ಯಕ್ಷ ಗುರುನಾಥರೆಡ್ಡಿ ಪಾಟೀಲ್​, ಲೋಕೋಪಯೋಗಿ ಇಲಾಖೆ ಎಇಇ ಶಿವಶರಣಪ್ಪ ಜೇವರ್ಗಿ, ಎಇ ಗುರುಪ್ರಸಾದ, ತಾಪಂ ಇಒ ಚನ್ನಪ್ಪ ರಾಯಣ್ಣನವರ್​, ತಾಪಂ ಮಾಜಿ ಸದಸ್ಯ ಸತ್ಯನಾರಾಯಣರೆಡ್ಡಿ, ಪಿಎಲ್​ಡಿ ಬ್ಯಾಂಕ್​ ನಿರ್ದೇಶಕ ರಾಜಕುಮಾರ ನಾಯಕ, ಗುತ್ತಿಗೆದಾರ ಸಿದ್ದಪ್ಪಗೌಡ, ಪ್ರಮುಖರಾದ ವೆಂಕಟೇಶ ನಾಡೇಪಲ್ಲಿ, ಮಹೆಮೂದ್​ ಮದನಾ, ನಾಗೀಂದ್ರಪ್ಪ ಸಾಹುಕಾರ, ನಾರಾಯಣರೆಡ್ಡಿ ಶೇರಿಕಾರ, ಬಸವರಾಜಪ್ಪಗೌಡ ಮಲ್ಕಾಪಲ್ಲಿ, ರಮೇಶ ಕಂದೂರ, ವೆಂಕಟಪ್ಪ ಜೋಗಿ ಇತರರಿದ್ದರು.

ಮದನಾ ಗ್ರಾಮದಲ್ಲಿ 21 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣಗೊಂಡ 110/11 ಕೆವಿ ಸಾಮರ್ಥ್ಯದ ವಿದ್ಯುತ್​ ವಿತರಣಾ ಕೇಂದ್ರವನ್ನು ಸಚಿವ ಡಾ.ಶರಣಪ್ರಕಾಶ ಪಾಟೀಲ್​ ಲೋಕಾರ್ಪಣೆಗೊಳಿಸಿದರು. ಕೆಪಿಟಿಸಿಎಲ್​ ಮುಖ್ಯಅಭಿಯಂತರ ರಾಮಸ್ವಾಮಿ, ಅಧಿಕ್ಷಕ ಅಭಿಯಂತರ ರಾಮಚಂದ್ರ, ಕಾರ್ಯನಿರ್ವಹಕ ಅಭಿಯಂತರ ರಾಜೇಶ ಹಿಪ್ಪರಗಿ, ಎಇಇ ಮಲ್ಲಿಕಾರ್ಜುನ ಗುಂಡಗೋಳ, ದಯಾನಂದ, ನಿರ್ಮಾಣ ಕಂಪನಿಯ ಶ್ರೀನಿವಾಸ, ಪ್ರಹ್ಲಾದ್​, ನಿಹಾಲ್​ ಇದ್ದರು.