ಮಕ್ಕಳಿಗಾಗಿ ಪ್ರದರ್ಶಿಸಿದ ಚಿಪ್ಪಿ, ದಿ ಚಿಪ್ಕಲಿ

ಕಲಬುರಗಿ: ಕಲಬುರಗಿ ನಾಟಕೋತ್ಸವ–2026ರ ಅಂಗವಾಗಿ ಫೆಬ್ರವರಿ 26 ರಂದು ಬೆಳಿಗ್ಗೆ 11 ಗಂಟೆಗೆ ಕಲಬುರಗಿ ರಂಗಾಯಣದಲ್ಲಿ ‘ಚಿಪ್ಪಿ, ದಿ ಚಿಪ್ಕಲಿ’ ಎಂಬ ಮಾತಿಲ್ಲದ ಮೌನ ನಾಟಕ ಪ್ರದರ್ಶನ ಯಶಸ್ವಿಯಾಗಿ ಮಯೂರ, ಮತ್ತು ಮರಿಯೋ ಇವರು ಪ್ರದರ್ಶಿಸಿದ್ದರು.. ಈ ನಾಟಕವನ್ನು ರಂಗ ಶಂಕರ ನಿರ್ಮಿಸಿದ್ದು, ಎಸ್. ಸುರೇಂದ್ರನಾಥ್ ವಿನ್ಯಾಸಗೋಳಿಸಿದ್ದು ಹಾಗೂ ಗೆರ್ಟ್ರೂಡ್ ಟ್ರೋಬಿಂಗರ್ ಅವರು ನಿರ್ದೇಶನ ವಹಿಸಿದ್ದಾರೆ.

ಒಂದು ಪುಟ್ಟ ಹಲ್ಲಿ ಮರಿ ‘ಚಿಪ್ಪ್ಪಿ’ ಆಟವಾಡುತ್ತಿರುವಾಗ ಯಾರೋ ಬೆದರಿಸಿದ ಕಾರಣ ಓಡುವ ಭರದಲ್ಲಿ ತನ್ನ ಬಾಲವನ್ನು ಕಳೆದುಕೊಳ್ಳುತ್ತದೆ.

ಬಾಲವಿಲ್ಲದ ಚಿಪ್ಪಿಯನ್ನು ನೋಡಿ ಉಳಿದವರು ಗೇಲಿ ಮಾಡುತ್ತಾರೆ. ಹೇಗಾದರೂ ಮಾಡಿ ಹೊಸ ಬಾಲವನ್ನು ಪಡೆಯಬೇಕು ಎನ್ನುವ ಕುತೂಹಲದಲ್ಲಿ ಚಿಪ್ಪಿ ‘ಬಾಲದ ಮಾರುಕಟ್ಟೆ’ಗೆ ತೆರಳುತ್ತದೆ.

ಅಲ್ಲಿ ಸಿಗುವ ಯಾವುದೇ ಬಾಲಗಳು ಚಿಪ್ಪಿಗೆ ಸರಿಯಾಗಿ ಹೊಂದಿಕೆಯಾಗುವುದಿಲ್ಲ. ಕೊನೆಗೆ ಜಿಪ್ಪಿ ತನ್ನ ಬಾಲವನ್ನು ಮರಳಿ ಪಡೆಯುತ್ತಾಳೆಯೇ? ಅವಳು ಮತ್ತೆ ಸುಂದರವಾಗುತ್ತಾಳೆಯೇ? ಎಂಬ ಕುತೂಹಲಕಾರಿ ಕಥಾಹಂದರವನ್ನು ಈ ನಾಟಕ ಹೊಂದಿದೆ.

ಇದು ಒಂದು ಮೂಕ ನಾಟಕ ಅಂದರೆ ಇಲ್ಲಿ ಸಂಭಾಷಣೆಗಳ ಬದಲಿಗೆ ದೈಹಿಕ ಅಭಿನಯ, ಸಂಗೀತ ಮತ್ತು ಭಾವನೆಗಳ ಮೂಲಕ ಕಥೆಯನ್ನು ಹೇಳಲಾಗುತ್ತದೆ. ಇದು ಎಲ್ಲಾ ಭಾಷೆಯ ಮಕ್ಕಳಿಗೂ ಅರ್ಥವಾಗುವಂತಹ ಜಾಗತಿಕ ಶೈಲಿಯ ನಾಟಕವಾಗಿದೆ.

ಈ ನಾಟಕವು ಪುಟ್ಟ ಚಿಪ್ಕಲಿಯ ಜೀವನ-ಸಾಹಸವನ್ನು ಸಮಾಜದ ಪೂರ್ವಗ್ರಹಗಳ ಎದುರು ಅವಳ ಹೋರಾಟವನ್ನು ಮತ್ತು ತನ್ನದೇ ಆದ ಸ್ಥಾನವನ್ನು ಹುಡುಕುವ ಪ್ರಯತ್ನವನ್ನು ಕಾಡುತ್ತದೆ, ಕೇವಲ ಮಕ್ಕಳ ಈಗಿನ ಮನರಂಜನೆ ಮಾತ್ರವಲ್ಲ, ಅದು ಮಕ್ಕಳ ಮನಸ್ಸಿನಲ್ಲಿ ಸಮಾಜ-ಗೌರವ, ಸ್ವೀಕಾರ ಮತ್ತು ಸಹಾನುಭೂತಿ ಎಂಬ ಮಹತ್ವದ ವಿಚಾರಗಳನ್ನು ಬೆಳೆಯುವ ಒಳನೋಟವನ್ನು ನೀಡುತ್ತದೆ. ಈ ನಾಟಕವು ಹಾಸ್ಯಭರಿತವಾಗಿದ್ದು, ಮಕ್ಕಳಿಗೆ ಕಲಿಕಾ ಅನುಭವವಾಗಿ ಪರಿಣಮಿಸುತ್ತದೆ ಹೀಗಾಗಿ ಶಾಲೆಯ ಮಕ್ಕಳು ಅತಿ ಉತ್ಸವದಿಂದ ನೋಡಿದರು.

ಕಾರ್ಯಕ್ರಮದಲ್ಲಿ ಮುದ್ದಣ, ಗೌತಮ ಹಾಗೂ ರಂಗಾಯಣದ ತಾಂತ್ರಿಕ ಸಿಬ್ಬಂದಿಗಳಾದ ರಾಜಕುಮಾರ ಎಸ್.ಕೆ. ಶ್ರೀನಿವಾಸ ದೋರನಳ್ಳಿ ಸೇರಿದಂತೆ ವಿವಿಧ ಶಾಲೆಯ ಶಿಕ್ಷಕರು, ಮಕ್ಕಳು ಹಾಗೂ ಪೋಷಕರು ಉಪಸ್ಥಿತರಿದ್ದರು.