ಬೆಡ್ ಮೇಲೆ ಗೊಂಬೆ ಇಟ್ಟು ಯುವತಿ ಎಸ್ಕೇಪ್​; ಮಗಳಿಗಾಗಿ ಪೊಲೀಸ್​ ಠಾಣೆ ಮೆಟ್ಟಿಲೇರಿದ ಮೆಸ್ಕಾಂ ಜ್ಯೂನಿಯರ್ ಇಂಜಿನಿಯರ್..Chikkamagaluru

ಹೌದು, ಮೆಸ್ಕಾಂ ಇಲಾಖೆಯ ಜ್ಯೂನಿಯರ್ ಇಂಜಿನಿಯರ್ (ಜೆಇ) ಆಗಿರುವ ಜಗದೀಶ್ ಅವರ ಪುತ್ರಿ ಜಲನ್ಯ ಎಂಬುವವರೇ ತಂದೆಯನ್ನೇ ಯಾಮಾರಿಸಿ ಕಾಣೆಯಾಗಿದ್ದಾರೆ ಎನ್ನಲಾಗಿದೆ.

ಇತ್ತೀಚೆಗೆ ದ್ವಿತೀಯ ಪಿಯುಸಿ ಮುಗಿಸಿ ಮನೆಯಲ್ಲಿದ್ದ ಜಲನ್ಯ, ಕಳೆದ ಎರಡು ತಿಂಗಳ ಹಿಂದೆ ಕೊಪ್ಪ ಪಟ್ಟಣಕ್ಕೆ ಕಂಪ್ಯೂಟರ್ ತರಗತಿಗೆ ಹೋಗುತ್ತಿದ್ದರು. ಇತ್ತೀಚೆಗೆ ತಂದೆಯ ಜೊತೆ ಶೃಂಗೇರಿ ದೇಗುಲಕ್ಕೆ ಹೋಗಿ ಬಂದಿದ್ದಳು. ಆದರೆ ದೇವಸ್ಥಾನಕ್ಕೆ ಹೋಗಿ ಬಂದ ಮರುದಿನವೇ ಈಕೆ ಯಾರಿಗೂ ತಿಳಿಸದೆ ನಾಪತ್ತೆಯಾಗಿದ್ದಾಳೆ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.

ಜಲನ್ಯ ಮನೆಯಿಂದ ಎಸ್ಕೇಪ್​ ಆಗುವ ಮುನ್ನ ತಾನೇ ಹಾಸಿಗೆ ಮಲಗಿದ್ದೇನೆ ಎಂದು ನಂಬಿಸಲು ಗೊಂಬೆಯನ್ನು ಮಲಗಿಸಿದ್ದಳು. ಅದಕ್ಕೆ ಬೆಡ್​ಶೀಟ್​ ಹೊದಿಸಿ ಪರಾರಿಯಾಗಿದ್ದಾಳೆ. ಮಗಳು ಮಲಗಿದ್ದಾಳೆ ಎಂದೇ ಭಾವಿಸಿದ್ದ ತಂದೆಗೆ ನಂತರ ಅಲ್ಲಿ ಮಗಳ ಬದಲಿಗೆ ಗೊಂಬೆ ಇರುವುದು ತಿಳಿದು ಶಾಕ್ ಆಗಿದೆ.

ಜಲನ್ಯ ತಂದೆಗೆ ತಿಳಿಯದಂತೆ ಮೊಬೈಲ್ ಫೋನ್ ಬಳಸುತ್ತಿದ್ದರು ಎನ್ನುವುದು ತಿಳಿದುಬಂದಿದೆ. ಸದ್ಯ ಜೆಇ ಜಗದೀಶ್ ಅವರು ಪೊಲೀಸರಿಗೆ ದೂರು ನೀಡಿದ್ದು, ಹರಿಹರಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ, (ಏಜೆನ್ಸೀಸ್).