ಇನ್​ಸ್ಟಾಗ್ರಾಮ್ ಲವ್, 6 ತಿಂಗಳಿಂದ ಒಂದೇ ಮನೆಯಲ್ಲಿ ವಾಸ, ಯುವತಿ ಕೊಲೆ; ಯುವಕ ಅರೆಸ್ಟ್ ಆಗಿದ್ದೇ ರೋಚಕ.. Malleshwaram

ಬೆಂಗಳೂರು: ಕ್ಷುಲ್ಲಕ ಕಾರಣಕ್ಕೆ ಶುರುವಾಗಿದ್ದ ಗಲಾಟೆ ವಿಕೋಪಕ್ಕೆ ತಿರುಗಿ, 20 ವರ್ಷದ ಲಿವ್​ಇನ್​ ಸಂಗಾತಿಯ ಕತ್ತು ಹಿಸುಕಿ ಕೊಂದ ಘಟನೆ ಬೆಂಗಳೂರಿನ ಮಲ್ಲೇಶ್ವರಂನ ತಾಯಪ್ಪ ಗಾರ್ಡನ್​ನಲ್ಲಿ (Woman murdered by live-in partner in malleshwaram)ಬುಧವಾರ ಬೆಳಕಿಗೆ ಬಂದಿದೆ. ಸದ್ಯ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ಅನುಷಾ ಮತ್ತು ಶರತ್​ ಪರಿಚಯವಾಗಿದ್ದು ಮೊದಲು ಇನ್​ಸ್ಟಾಗ್ರಾಮ್​ನಲ್ಲಿ. ಮೊದಲು ಮಾತುಕತೆ ಶುರುಮಾಡಿ ನಂತರ ಒಂದಾದರು. ಕಳೆದ ಆರು ತಿಂಗಳ ಹಿಂದೆ ಮಲ್ಲೇಶ್ವರಂನಲ್ಲಿ ಮನೆ ಮಾಡಿಕೊಂಡ ಅವರು, ಒಟ್ಟಾಗಿ ವಾಸ ಮಾಡುತ್ತಿದ್ದರು.

ಜೂನ್​​.13ರ ರಾತ್ರಿ ಅನುಷಾ ಮತ್ತು ಆಕೆಯ ಲಿವ್​ಇನ್​ ಸಂಗಾತಿ ಶರತ್​ನೊಂದಿಗೆ ಕ್ಷುಲ್ಲಕ ಕಾರಣಕ್ಕೆ ಜಗಳ ಶುರು ಮಾಡಿಕೊಂಡಿದ್ದಾರೆ.ಈ ಜಗಳದಲ್ಲಿ, ಶರತ್ ಅನುಷಾಳನ್ನು ಕತ್ತು ಹಿಸುಕಿ ಕೊಂದಿದ್ದಾನೆ ಎನ್ನಲಾಗಿದೆ. ಆಕೆಗೆ ಅನೈತಿಕ ಸಂಬಂಧವಿದೆ ಎಂದು ಶಂಕಿಸಿ ತಗಾದೆ ತೆಗೆದು ಜಗಳ ತೆಗೆದಿದ್ದಾನೆ. ಇದು ವಿಕೋಪಕ್ಕೆ ತಿರುಗಿ, ಕತ್ತು ಹಿಸುಕಿ ಕೊಂದಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ

ಮುಂದುವರೆದು, ಅನುಷಾ ಪ್ರಜ್ಞಾಹೀನಳಾಗಿ ಬಿದ್ದಿರುವುದನ್ನು ಕಂಡ ಶರತ್​ ಭಯದಿಂದ ಆಕೆಯ ಮೃತದೇಹವನ್ನು ಅಲ್ಲಿಯೇ ಬಿಟ್ಟು ಮನೆಗೆ ಪರಾರಿಯಾಗಿದ್ದಾನೆ. ಸೋಮವಾರ, ಅವರು ಘಟನೆಯ ಬಗ್ಗೆ ವಕೀಲರಿಗೆ ಮಾಹಿತಿ ನೀಡಿದಾಗ ವಿಚಾರ ಬೆಳಕಿಗೆ ಬಂದಿದೆ. ವಕೀಲರು ಶೇಷಾದ್ರಿಪುರಂ ಪೊಲೀಸರಿಗೆ ಮಾಹಿತಿ ನೀಡಿದರು, ಅವರು ಮನೆಗೆ ಭೇಟಿ ನೀಡಿದಾಗ ಶವ ಪತ್ತೆಯಾಗಿದೆ.

ಈ ಹಿಂದೆ ಇಬ್ಬರು ಕೂಡ ಜಗಳ ಮಾಡಿಕೊಂಡಿದ್ದರಂತೆ. ನಂತರ ಈಕೆ ಸಕಲೇಶಪುರಕ್ಕೆ ಹೋಗಿ ಅಲ್ಲೆ ಇದ್ಲೂಶರತ್ ಎರಡು ದಿನದ ಹಿಂದೆ ಮತ್ತೆ ಅಕೆಯನ್ನ ಕರೆದು ಕೊಂಡು ಬಂದಿದ್ದ. ಬಂದ ಎರಡೆ ದಿನಕ್ಕೆ ಇಬ್ಬರ ನಡುವೆ ಮತ್ತೆ ಜಗಳವಾಗಿತ್ತು. ಅನುಷಾ ಯಾವುದೇ ಕೆಲಸ ಕೂಡ ಮಾಡುತ್ತಿರಲಿಲ್ಲ. ಬಟ್ಟೆ, ಪಾತ್ರೆ ಎಲ್ಲವನ್ನ ಶರತ್ ವಾಶ್ ಮಾಡುತ್ತಿದ್ದ. ಇಬ್ಬರ ನಡುವೆ ಜಗಳವಾಗಿದೆ ಅ ವೇಳೆ ಕತ್ತು ಹಿಸುಕಿ ಸಾಯಿಸಿದ್ದಾನೆ ಎನ್ನಲಾಗಿದೆ.

ಸದ್ಯ ಶರತ್​ ಅನ್ನು ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಲಾಗಿದ್ದು, ಸದ್ಯ ಶೇಷಾದ್ರಿಪುರಂ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ, (ಏಜೆನ್ಸೀಸ್).