ಶಾಂತಿ-ಸೌಹಾರ್ದದಿಂದ ಬಕ್ರೀದ್​ ಆಚರಿಸಿ

ಯಾದಗಿರಿ: ಮುಂಬರುವ ಮೇ 28ರಂದು ಬಕ್ರೀದ್​ ಹಬ್ಬವನ್ನು ಶಾಂತಿ ಹಾಗೂ ಸೌಹಾರ್ದಯುತವಾಗಿ ಆಚರಿಸಬೇಕು ಎಂದು ಜಿಲ್ಲಾಧಿಕಾರಿ ರಾಹುಲ್​ ಪಾಂಡ್ವೆ ಹೇಳಿದರು.

ಈ ಕುರಿತು ಡಿಸಿ ಕಚೇರಿಯಲ್ಲಿ ಕರೆದಿದ್ದ ವಿವಿಧ ಸಮುದಾಯಗಳ ಮುಖಂಡರ ಸಭೆಯಲ್ಲಿ ಮಾತನಾಡಿದ ಅವರು, ಬಕ್ರೀದ್​ ಹಬ್ಬವನ್ನು ಶಾಂತಿ ಹಾಗೂ ಸೌಹಾರ್ದಯುತವಾಗಿ ಆಚರಿಸಲು ನಿರ್ಧರಿಸಲಾಗಿದೆ ಎಂದು ಅವರು ಹೇಳಿದರು.

ಜಿಲ್ಲೆಯಲ್ಲಿ ಎಲ್ಲ ಹಬ್ಬಗಳನ್ನು ಸರ್ವಧರ್ಮಿಯರು ಶಾಂತಿ ಹಾಗೂ ಸೌಹಾರ್ದಯುತವಾಗಿ ಆಚರಿಸುತ್ತಾ ಬಂದಿದ್ದು, ಬಕ್ರೀದ್​ ಹಬ್ಬವೂ ಸಹ ಶಾಂತಿ ಹಾಗೂ ಸೌಹಾರ್ದಯುತವಾಗಿ ಆಚರಿಸುವಂತೆ ಅವರು ತಿಳಿಸಿದರು. ಈ ಹಿನ್ನೆಲೆಯಲ್ಲಿ ಸರ್ಕಾರದ ನಿರ್ದೇಶನ ಮತ್ತು ಜಿಲ್ಲಾಡಳಿತದಿಂದ ನೀಡಲಾಗುವ ನಿರ್ದೇಶನ ಕಡ್ಡಾಯವಾಗಿ ಪಾಲಿಸಬೇಕು. ಸಣ್ಣ ಪುಟ್ಟ ಟನೆಗಳಿಂದ ಯುವಕರ ವಿರುದ್ಧ ಪ್ರಕರಣ ದಾಖಲಿಸುವುದು ಸರಿಯಲ್ಲ. ಈ ಹಿನ್ನೆಲೆಯಲ್ಲಿ ಶಾಂತಿಗೆ ಆದ್ಯತೆ ನೀಡಿ ಎಂದು ಸಲಹೆ ನೀಡಿದರು.

ಹಬ್ಬದ ವೇಳೆ ಅಕ್ರಮ ಗೋಹತ್ಯೆ, ಗೋ ಸಾಗಣೆ ಹಾಗೂ ಮಾರಾಟ ಮಾಡಬಾರದು. ಈ ಕುರಿತು ಮುನ್ನೆಚ್ಚರಿಕೆ ವಹಿಸಲು ತಿಳಿಸಿದ ಅವರು, ನಗರ ಸ್ಥಳಿಯ ಸಂಸ್ಥೆಗಳಿಗೆ ನತ್ಯಾಜ್ಯ ನಿರ್ವಹಣೆ, ಸ್ವಚ್ಛತೆಗೆ ಕಟ್ಟುನಿಟ್ಟಾಗಿ ಸೂಚಿಸಲಾಗುವುದು ಎಂದು ಹೇಳಿದರು.

ಜಿಲ್ಲಾ ಪೋಲಿಸ್​ ವರಿಷ್ಠಾಧಿಕಾರಿ ಪೃಥ್ವಿಕ್​ ಶಂಕರ್​ ಮಾತನಾಡಿದ, ಈ ಹಿಂದೆ ಹಿಂದೂ, ಮುಸ್ಲಿಂ ಬಾಂಧವರು ಶಾಂತಿಯುತವಾಗಿ ಹಬ್ಬಗಳನ್ನು ಆಚರಿಸಿಕೊಂಡು ಬಂದಿದ್ದು, ಈ ಸಲವೂ ಶಾಂತಿಯುತವಾಗಿ ಆಚರಿಸಬೇಕು. ಸಣ್ಣ ಪುಟ್ಟ ಟನೆಗಳು ಜೀವನ ಪೂರ್ಣ ಪ್ರಭಾವ ಬೀರುವುದರಿಂದ ಯುವಕರು ಎಚ್ಚರಿಕೆಯಿಂದಿರಬೇಕು. ಶಾಂತಿ ಕದಡಿಸುವವರ ಬಗ್ಗೆ ಪೋಲಿಸ್​ ಇಲಾಖೆ ಗಮನಕ್ಕೆ ತರಬೇಕು. ಶಾಂತಿ ಸುವ್ಯವಸ್ಥೆ ಕಾಪಾಡಲು ಅಗತ್ಯ ಪೋಲಿಸ್​ ಸಿಬ್ಬಂದಿ ನಿಯೋಜಿಸಲಾಗುವುದು ಎಂದರು.

ಅಪರ ಜಿಲ್ಲಾಧಿಕಾರಿ ರಮೇಶ ಕೋಲಾರ ಸ್ವಾಗತಿಸಿದರು. ಸಹಾಯಕ ಆಯುಕ್ತ ಶ್ರೀಧರ ಗೋಟೂರ, ಡಿಎಸ್ಪಿ ಸುರೇಶ್​, ತಂಜುಮಿನ್​ ಮುಸ್ಲಿಂಮಿನ್​ ಅಧ್ಯ ಇರ್ಫಾನ್​ ಹುಸೇನ್​ ಬಾದಲ್​, ಉಪಾಧ್ಯ ವಹೀದ್​ ಮಿಯಾ, ಭಾವೈಕ್ಯತೆ ಸಮಿತಿಯ ವಿಶ್ವನಾಥ ಸಿರವಾಳ, ಡಿಎಸ್​ಎಸ್​ ಸಂಚಾಲಕ ಭೀಮಣ್ಣ ಹೊಸಮನಿ, ಶರಣಪ್ಪ ಗುಳಿಗಿ, ಗುಲಾಮ್​ ಜಿಲಾನಿ, ಸದ್ದಾಂ ಹುಸೇನ್​, ಸಲೀಂ ಪಟೇಲ್​ ಇತರರಿದ್ದರು.

"

ಈದ್ಗಾ ಪ್ರಾರ್ಥನಾ ಸ್ಥಳಗಳಲ್ಲಿ ಸೂಕ್ತ ಪೋಲಿಸ್​ ಬಂದೋಬಸ್ತ್​ ಮಾಡಲಾಗುವುದು. ಪ್ರತಿ ಉಪ ವಿಭಾಗಕ್ಕೆ ಈ ಬಾರಿ ಇಬ್ಬರು ಪಿಎಸ್​ಐಗಳನ್ನು ನಿಯೋಜಿಸಲಾಗುವುದು. ಅಕ್ರಮ ಗೋ ಸಾಗಣೆ ತಡೆಗೆ 12 ಚೆಕ್​ ಪೋಸ್ಟ್​ಗಳನ್ನು ಸ್ಥಾಪಿಸಲಾಗುವುದು. ನೈತಿಕ ಪೊಲೀಸ್​ಗಿರಿ ಮಾಡದೆ ಇಲಾಖೆಯೊಂದಿಗೆ ಅಗತ್ಯ ಸಹಕಾರ ನೀಡಬೇಕು.

— > ಪೃಥ್ವಿಕ್​ ಶಂಕರ್​ ಎಸ್​ಪಿ ಯಾದಗಿರಿ