ರಾಜ್ಯ

ಸಿಬಿಎಸ್‌ಇ 10ನೇ ತರಗತಿ ಫಲಿತಾಂಶ: ರಾಜ್ಯಕ್ಕೆ ಮೂರನೇ ಸ್ಥಾನ

ಸಿಬಿಎಸ್‌ಇ 10ನೇ ತರಗತಿ ಸೆಷನ್-1ರ ಫಲಿತಾಂಶ
ಸಿಬಿಎಸ್‌ಇ 10ನೇ ತರಗತಿ ಸೆಷನ್-1ರ ಫಲಿತಾಂಶ
ಎನ್.ಎಲ್. ಶಿವಮಾದು
Published on: 

ಪ್ರಮುಖ ಮುಖ್ಯಾಂಶಗಳು

  • ತಿರುವನಂತಪುರ ಮತ್ತು ವಿಜಯವಾಡ ಶೇ.99.79 ದೊಂದಿಗೆ ಜಂಟಿ ಮೊದಲ ಸ್ಥಾನ ಪಡೆದಿದ್ದು, ಎರಡನೇ ಸ್ಥಾನದಲ್ಲಿ ಚೆನ್ನೈ ಶೇ.99.58 ನೊಂದಿಗೆ ಎರಡನೇ ಸ್ಥಾನ
  • ಶ್ರೀ ಚೈತನ್ಯ ಟೆಕ್ನೋ ಶಾಲೆಯ ಕಲ್ವಿ ಜಯೀತಾ ಹಾಗೂ ಬಾಪಾತು ತಾರುಣ್ಯ ವಿದ್ಯಾರ್ಥಿಗಳು 500ಕ್ಕೆ 499 ಅಂಕಗಳನ್ನು ಪಡೆದು ಟಾಪರ್‌ಗಳಾಗಿದ್ದಾರೆ
  • ದಕ್ಷಿಣ ವಲಯ ಮೇಲುಗೈ ಸಿಬಿಎಸ್‌ಇ ವಿವಿಧ ವಲಯಗಳ ಫಲಿತಾಂಶದಲ್ಲಿ ಉತ್ತಮ ಪ್ರದರ್ಶನ ನೀಡಿವೆ.
ಬೆಂಗಳೂರು: ಕೇಂದ್ರೀಯ ಪ್ರೌಢ ಶಿಕ್ಷಣ ಮಂಡಳಿ (ಸಿಬಿಎಸ್‌ಇ) 2025-27ನೇ ಸಾಲಿನ 10ನೇ ತರಗತಿ ಸೆಷನ್-1ರ ಫಲಿತಾಂಶ ಬುಧವಾರ ಪ್ರಕಟವಾಗಿದೆ. ಬೆಂಗಳೂರು ವಲಯವು ಹಿಂದಿನ ಶೈಕ್ಷಣಿಕ ವರ್ಷದ ಸಾಧನೆ ಉಳಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ರಾಷ್ಟ್ರಮಟ್ಟದಲ್ಲಿ ಮೂರನೇ ಸ್ಥಾನ ಪಡೆದಿದೆ.
ತಿರುವನಂತಪುರ ಮತ್ತು ವಿಜಯವಾಡ ಶೇ.99.79 ದೊಂದಿಗೆ ಜಂಟಿ ಮೊದಲ ಸ್ಥಾನ ಪಡೆದಿದ್ದು, ಎರಡನೇ ಸ್ಥಾನದಲ್ಲಿ ಚೆನ್ನೈ ಶೇ.99.58 ನೊಂದಿಗೆ ಎರಡನೇ ಸ್ಥಾನದಲ್ಲಿದೆ. ಶೇ.98.91ರಷ್ಟು ಫಲಿತಾಂಶದೊಂದಿಗೆ ಬೆಂಗಳೂರು ಮೂರನೇ ಸ್ಥಾನದಲ್ಲಿದೆ.
ಬೆಂಗಳೂರಿನ ಬನ್ನೇರುಘಟ್ಟ ರಸ್ತೆಯ (ಹುಳಿಮಾವು) ಶ್ರೀ ಚೈತನ್ಯ ಟೆಕ್ನೋ ಶಾಲೆಯ ಕಲ್ವಿ ಜಯೀತಾ ಹಾಗೂ ಬಾಪಾತು ತಾರುಣ್ಯ ವಿದ್ಯಾರ್ಥಿಗಳು 500ಕ್ಕೆ 499 ಅಂಕಗಳನ್ನು ಪಡೆದು ಟಾಪರ್‌ಗಳಾಗಿದ್ದಾರೆ. ಚೈತನ್ಯ ಟೆಕ್ನೋ ಮಾರತ್ತಹಳ್ಳಿ ಶಾಖೆಯ ಲೀಲಾ ಮಾನುಷ್ ಜಿ., ತುಮಕೂರಿನ ಪ್ರಕೃತಿ ಕೆ.ಎನ್., ಮತ್ತು ಲಾಸ್ಯ ಮೆಕಲ ಎಂಬ ವಿದ್ಯಾರ್ಥಿಗಳು 498 ಅಂಕಗಳನ್ನು ಪಡೆದು ರಾಜ್ಯಕ್ಕೆ ದ್ವಿತೀಯ ಸ್ಥಾನ ಪಡೆದಿದ್ದಾರೆ.
ಬೆಂಗಳೂರು ಪ್ರದೇಶದಿಂದ ಒಟ್ಟು 1,01,660 ವಿದ್ಯಾರ್ಥಿಗಳು ಹಾಜರಾಗಿದ್ದರು, ಅದರಲ್ಲಿ 1,00,554 ವಿದ್ಯಾರ್ಥಿಗಳು ಉತ್ತೀರ್ಣರಾಗಿದ್ದಾರೆ. ಶೇ.99.43 ಬಾಲಕಿಯರು ಮತ್ತು ಶೇ.98.5 ಬಾಲಕರು ಉತ್ತೀರ್ಣರಾಗಿದ್ದಾರೆ. ಪರೀಕ್ಷೆಗಳಿಗೆ ನೋಂದಾಯಿಸಿಕೊಂಡ 54,963 ಹುಡುಗರಲ್ಲಿ 54,864 ವಿದ್ಯಾರ್ಥಿಗಳು ಹಾಜರಾಗಿದ್ದು, 54,023 ಜನರು ಉತ್ತೀರ್ಣರಾಗುವಲ್ಲಿ ಯಶಸ್ವಿಯಾಗಿದ್ದಾರೆ. 46,843 ಬಾಲಕಿಯರಲ್ಲಿ 46,531 ಹಾಜರಾಗಿದ್ದು, 46,531 ಮಂದಿ ಉತ್ತೀರ್ಣರಾಗಿದ್ದಾರೆ. ರಾಜ್ಯದ ಹಲವು ಶಾಲೆಗಳು ಶೇ.100 ಲಿತಾಂಶ ದಾಖಲಿಸಿವೆ. ಅನೇಕ ವಿದ್ಯಾರ್ಥಿಗಳು ಶೇ.99 ಮತ್ತು ಅದಕ್ಕಿಂತ ಹೆಚ್ಚಿನದನ್ನು ಗಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ. 

ಶೇ.0.04 ಫಲಿತಾಂಶ ಹೆಚ್ಚಳ:

ರಾಜ್ಯಾದ್ಯಂತ ಸಿಬಿಎಸ್‌ಇ ಸಂಯೋಜಿತ ಶಾಲೆಗಳು ಬೆಂಗಳೂರು ಪ್ರದೇಶದ ವ್ಯಾಪ್ತಿಗೆ ಬರಲಿದ್ದು, ಶೇ.98.91ರಷ್ಟು ವಿದ್ಯಾರ್ಥಿಗಳು ತೇರ್ಗಡೆಯಾಗಿದ್ದಾರೆ. 2025 ರಲ್ಲಿಯೂ ಇದೇ ಲಿತಾಂಶ ಪ್ರಕಟವಾಗಿತ್ತು. ರಾಷ್ಟ್ರ ಮಟ್ಟದಲ್ಲಿ ಫಲಿತಾಂಶಗಳನ್ನು ನೋಡಿದಾಗ, ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಶೇ. 0.04ರಷ್ಟು  ಹೆಚ್ಚಳವಾಗಿದೆ. ವಿದ್ಯಾರ್ಥಿಗಳು ಸಾಮರ್ಥ್ಯ ಆಧಾರಿತ ಮೌಲ್ಯಮಾಪನಕ್ಕೆ ಉತ್ತಮವಾಗಿ ಸಿದ್ಧರಾಗಿದ್ದಾರೆ ಎಂಬುದಕ್ಕೆ ಈ ಲಿತಾಂಶ ಪುರಾವೆಯಾಗಿದೆ ಎಂದು ಮಂಡಳಿಯು ಹೇಳಿದೆ.
ಈ ವರ್ಷದಿಂದ 10ನೇ ತರಗತಿಯ ವಿದ್ಯಾರ್ಥಿಗಳಿಗೆ ಎರಡು ಪರೀಕ್ಷೆಗಳನ್ನು ಪರಿಚಯಿಸಿದೆ. ಇದರಿಂದ ಫಲಿತಾಂಶಗಳನ್ನು ಬೇಗ ಪ್ರಕಟಿಸಿದೆ. ಕಳೆದ ವರ್ಷ ಮೇ ಮೊದಲ ವಾರದಲ್ಲಿ ಫಲಿತಾಂಶಗಳನ್ನು ಪ್ರಕಟಿಸಲಾಗಿತ್ತು. ಪರೀಕ್ಷೆ-2ರ ಲಿತಾಂಶವು ಮೇ ತಿಂಗಳಲ್ಲಿ ಪ್ರಕಟಿಸಲಿದೆ. ಈ ಬಾರಿ ಮೆರಿಟ್ ಪಟ್ಟಿ ಅಥವಾ ಮೊದಲ, ಎರಡನೇ ಅಥವಾ ಮೂರನೇ ರ‌್ಯಾಂಕ್ ಹೆಸರುಗಳನ್ನು ಪ್ರಕಟಿಸಿಲ್ಲ. 

ದಕ್ಷಿಣ ವಲಯ ಮೇಲುಗೈ 

ಸಿಬಿಎಸ್‌ಇ ವಿವಿಧ ವಲಯಗಳ ಫಲಿತಾಂಶದಲ್ಲಿ ಉತ್ತಮ ಪ್ರದರ್ಶನ ನೀಡಿವೆ. ತಿರುವನಂತಪುರಂ ಹಾಗೂ ವಿಜಯವಾಡ ವಲಯಗಳು ಅಗ್ರಸ್ಥಾನದಲ್ಲಿವೆ. ಎರಡೂ ವಲಯಗಳಲ್ಲಿ ಶೇ.99.79 ಲಿತಾಂಶ ದಾಖಲಾಗಿದೆ. ಶೇ.99.58 ಲಿತಾಂಶದೊಂದಿಗೆ ಚೆನ್ನೈ ಎರಡು ಮತ್ತು ಶೇ.98.91 ಲಿತಾಂಶದೊಂದಿಗೆ ಬೆಂಗಳೂರು ವಲಯವು ಮೂರನೇ ಸ್ಥಾನ ಪಡೆದುಕೊಂಡಿದೆ. 
"

ಕಳೆದ ಡಿಸೆಂಬರ್‌ನಿಂದಲೇ ಮೊಬೈಲ್ ಬಳಸುವುದನ್ನು ಬಿಟ್ಟು ಓದಿನ ಕಡೆ ಹೆಚ್ಚು ಗಮನ ನೀಡಿದ್ದೆ. ಮನೆಯಲ್ಲಿ ಇಂತಿಷ್ಟೇ ಅಂಕ ಪಡೆಯಬೇಕೆಂಬ ಯಾವುದೇ ಒತ್ತಡ ಇರಲಿಲ್ಲ. ಈ ಕಾರಣದಿಂದ ಆರಾಮಾಗಿ ಓದಲು ಸಹಾಯವಾಯಿತು. ಆದರೆ, ನಮ್ಮ ಸೀನಿಯರ್‌ಗಳ ಉತ್ತಮ ಅಂಕಗಳಿಂದ ನಾನು ಕೂಡ ಪ್ರೇರಿತಳಾಗಿದ್ದೆ. ಪ್ರತಿದಿನ ಐದು ಗಂಟೆಗಳ ಕಾಲ ಅಧ್ಯಯನ ಮಾಡಿದ್ದೇನೆ ಮತ್ತು ವರ್ಷವಿಡೀ ಸ್ಥಿರತೆಯನ್ನು ಕಾಯ್ದುಕೊಂಡಿದ್ದೇನೆ. ಐಐಟಿಗೆ ಪ್ರವೇಶ ಪಡೆಯಲು ವಿಜ್ಞಾನವನ್ನು ಮುಂದುವರಿಸುವುದಾಗಿ ಮತ್ತು ಜೆಇಇಗೆ ತಯಾರಿ ನಡೆಸುವುದು ನನ್ನ ಗುರಿಯಾಗಿದೆ. ಕೃತಕ ಬುದ್ಧಿಮತ್ತೆ, ಕಂಪ್ಯೂಟರ್ ಸೈನ್ಸ್ ಅಥವಾ ಏರೋಸ್ಪೇಸ್ ಇಂಜಿನಿಯರಿಂಗ್ ತೆಗೆದುಕೊಳ್ಳುವ ಗುರಿ ಹೊಂದಿದ್ದೇನೆ.
- ಕಲ್ವಿ ಜಯೇತಾ, 499 ಅಂಕ, ಶ್ರೀ ಚೈತನ್ಯ ಟೆಕ್ನೋ ಸ್ಕೂಲ್, ಹುಳಿಮಾವು

cbse class 10th session-1 result
bangalore zone cbse result
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net