ಕಸದ ಟೆಂಡರ್ ವಿರುದ್ಧ ಪತ್ರ ಚಳವಳಿಗೆ ಕರೆ

ವಿಧಾನಸೌಧದಲ್ಲಿ ಸೋಮವಾರ ಸುದ್ದಿಗೋಷ್ಠಿ ನಡೆಸಿದ ಆರ್. ಅಶೋಕ್, ಬೆಂಗಳೂರು ನಗರದ ನಿವಾಸಿ ಮತ್ತು ಪ್ರತಿಪಕ್ಷದ ನಾಯಕನಾಗಿ ಕಸದ ಟೆಂಡರ್ ಹಗರಣದ ಬಗ್ಗೆ ಧ್ವನಿ ಎತ್ತಿದ್ದೆನೆ. ಈ ಬಗ್ಗೆ ನಗರದ ನಿವಾಸಿಗಳ ಕ್ಷೇಮಾಭಿವೃದ್ಧಿ ಸಂಘಗಳು, ಅಪಾರ್ಟ್‌ಮೆಂಟ್‌ಗಳ ನಿವಾಸಿಗಳ ಸಂಘ ಸೇರಿದಂತೆ ಎಲ್ಲ ಸಂಘ-ಸಂಸ್ಥೆಗಳು ರಾಷ್ಟ್ರಪತಿ, ರಾಜ್ಯಪಾಲರಿಗೆ ಮತ್ತು ಮುಖ್ಯಮಂತ್ರಿಗೆ ಪತ್ರ ಬರೆಯುವ ಮೂಲಕ ಚಳವಳಿ ಶುರು ಮಾಡಬೇಕೆಂದು ಒತ್ತಾಯಿಸಿದರು.

ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರ ಅಧಿಕಾರಾವಧಿ ಕೇವಲ 12+11 ತಿಂಗಳು ಅಂದರೇ 23 ತಿಂಗಳು ಮಾತ್ರ. ಆದರೆ, ಅವರು 3 ತಲೆ ಮಾರಿಗೆ ಯಾಕೇ ಟೆಂಡರ್ ಕರೆಯಬೇಕು. ಅಧಿಕಾರ ಅವಧಿಯಲ್ಲಿ ಏನೇಲ್ಲ ಕೆಲಸ ಮಾಡಬಹುದೋ ಅಷ್ಟಕ್ಕೆ ಟೆಂಡರ್ ಕರೆದು ಪೂರ್ಣ ಮಾಡಿ. 30-60 ವರ್ಷಕ್ಕೆ ಟೆಂಡರ್ ಕರೆಯುವುದಾದರೇ ಪ್ರತಿಯೊಂದು ರಸ್ತೆಗಳು, ಆಸ್ಪತ್ರೆಗಳು ಸೇರಿದಂತೆ ಎಲ್ಲ ಯೋಜನೆಗಳನ್ನು ದೀರ್ಘಕಾಲಕ್ಕೆ ಟೆಂಡರ್ ಕೊಟ್ಟು ಬಿಡಿ ಎಂದು ಆರ್.ಅಶೋಕ್ ಕಿಡಿಕಾರಿದರು.