ಕೆಟ್ಟು ಹೋದ ವಿದ್ಯುತ್​ ದೀಪ, ಕತ್ತಲಲ್ಲಿ ಸಂಚಾರ

ಶಹಾಬಾದ್​: ವಾಡಿ ಕ್ರಾಸ್​ನಿಂದ ಬಸವೇಶ್ವರ ವೃತ್ತದವರೆಗಿನ ರಸ್ತೆಯಲ್ಲಿರುವ ವಿದ್ಯುತ್​ ಬೀದಿ ದೀಪಗಳು ಕೆಟ್ಟು ಹೋಗಿದ್ದು, ಜನರು ಕತ್ತಲಲ್ಲಿಯೇ ಓಡಾಡಬೇಕಾಗಿದ ಸ್ಥಿತಿ ನಿರ್ಮಾಣವಾಗಿದೆ. ವಾಡಿ ಕ್ರಾಸ್​ನಿಂದ ಬಸವೇಶ್ವರ ವೃತ್ತದವರೆಗೆ ರಸ್ತೆ ನಿರ್ಮಿಸಿ, ಅವಶ್ಯಕತೆ ಇದ್ದಲ್ಲಿ ರಸ್ತೆ ವಿಭಜಕಗಳನ್ನು ನಿರ್ಮಿಸಿ, ವಿದ್ಯುತ್​ ಕಂಬಗಳನ್ನು ಹಾಕಲಾಗಿತ್ತು. ರಸ್ತೆ ವಿಭಜಕ ಇರದ ರಸ್ತೆಯಲ್ಲಿ ಎರಡು ಬದಿಯಲ್ಲಿ ವಿದ್ಯುತ್​ ದೀಪಗಳನ್ನು ಅಳವಡಿಸಲಾಗಿತ್ತು. ಕೆಲ ತಿಂಗಳ ಹಿಂದೆಯೇ ಉದ್ಘಾಟಿಸಲಾಗಿತ್ತು. ಇದೀಗ ಕೆಲವು ದೀಪಗಳು ಬಂದ್​ ಆಗಿದ್ದು, ಕತ್ತಲಲ್ಲಿಯೇ ವಾಹನಗಳ ಸಂಚಾರ ನಡೆಯುತ್ತಿದೆ. ಬಸವೇಶ್ವರ ವೃತ್ತದಿಂದ ಅಜಿನಿ ಹಳ್ಳದವರೆಗಿನ ರಸ್ತೆಯಲ್ಲಿರುವ ವಿದ್ಯುತ್​ ದೀಪಗಳು ಕೆಟ್ಟು ಹೋಗಿದ್ದು, ಕತ್ತಲಲ್ಲಿಯೇ ಜನರ ಸಂಚರಿಸುವಂತಾಗಿದೆ. ಒಂದು ವರ್ಷ ಲೋಕೋಪಯೋಗಿ ಇಲಾಖೆ ನಿರ್ವಹಣೆ ಮಾಡಬೇಕಿದ್ದು, ಇತ್ತ ಈವರೆಗೂ ಕಣ್ಣು ಹಾಯಿಸಿಲ್ಲ. ಈಗಲಾದರೂ ಸಂಬಂಧಪಟ್ಟವರು ಗಮನಹರಿಸಿ ವಿದ್ಯುತ್​ ದೀಪ ದುರಸ್ತಿಗೆ ಮುಂದಾಗಬೇಕಿದೆ ಎಂಬುದು ಸ್ಥಳಿಯರ ಒತ್ತಾಯವಾಗಿದೆ.

"

ವಾಡಿ ಕ್ರಾಸ್​ನಿಂದ ಬಸವೇಶ್ವರ ವೃತ್ತದವರೆಗೆ ವಿದ್ಯುತ್​ ದೀಪಗಳು ಬೆಳಗದಿರುವುದನ್ನು ಪರಿಶೀಲಿಸುತ್ತೇನೆ. ಟೈಮರ್​ ಅಳವಡಿಕೆ ವ್ಯತ್ಯಾಸವೂ ಸಮಸ್ಯೆ ಕಾರಣವಾಗಿರಬಹುದು. ಕೂಡಲೇ ಸರಿಪಡಿಸಲಾಗುವುದು.

— > ಅಮೀರ್​ ಅಲಿ, ಜೆಇ, ಲೋಕೋಪಯೋಗಿ ಇಲಾಖೆ, ಸೇಡಂ ಉಪ ವಿಭಾಗ