ಜನಪರ ಕಾರ್ಯಗಳಿಂದ ಜನ್ಮದಿನ ಸಾರ್ಥಕ

ಚಿತ್ತಾಪುರ: ಬಡವರು, ಕಡುಬಡವರು, ಶೋಷಿತರು ಹಾಗೂ ಸಮಾಜಕ್ಕೆ ಉಪಯೋಗವಾಗುವಂಥ ಜನಪರ ಕಾರ್ಯಗಳಿಂದ ಮಾತ್ರ ಜನ್ಮದಿನ ಆಚರಣೆ ಸಾರ್ಥಕ್ಯ ಕಾಣಲಿದೆ ಎಂದು ಪಾಳಾ ಕಟ್ಟಿಮನಿ ಹಿರೇಮಠದ ಶ್ರೀ ಗುರುಮೂರ್ತಿ ಶಿವಾಚಾರ್ಯ ನುಡಿದರು.

ಹಲಕರ್ಟಿಯಲ್ಲಿ ಕಟ್ಟಿಮನಿ ಹಿರೇಮಠದ ಶ್ರೀ ಅಭಿನವ ಮುನೀಂದ್ರ ಶಿವಾಚಾರ್ಯರ 46ನೇ ಜನ್ಮದಿನ ನಿಮಿತ್ತ ಸೋಮವಾರ ರಾತ್ರಿ ಏರ್ಪಡಿಸಿದ್ದ ಧರ್ಮಸಭೆ ಉದ್ಘಾಟಿಸಿ ಮಾತನಾಡಿದ ಅವರು, ಜನ್ಮದಿನೋತ್ಸವ ನಿಮಿತ್ತ ಆರೋಗ್ಯ ಮತ್ತು ನೇತ್ರ ತಪಾಸಣೆ, ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಸನ್ಮಾನ, ಮಕ್ಕಳಿಗೆ ಅಕ್ಷರಾಭ್ಯಾಸ, ನೋಟ್​ಬುಕ್​, ಪೆನ್​ ವಿತರಣೆ ಮಾಡಿರುವುದಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದರು.

ಭಕ್ತರಿಂದ ಸನ್ಮಾನ ಸ್ವೀಕರಿಸಿದ ಹಲಕರ್ಟಿ ಮಠದ ಶ್ರೀ ಅಭಿನವ ಮುನೀಂದ್ರ ಶಿವಾಚಾರ್ಯರು ಮಾತನಾಡಿ, ಭಕ್ತರ ಶ್ರೇಯೋಭಿವೃದ್ದಿಗೆ ಶ್ರೀಮಠ ಶ್ರಮಿಸಲಿದೆ. ಭಕ್ತರಿಗೆ ನೋವಾದರೆ ನಮಗೆ ನೋವಾದಂತೆ. ಯಾರಿಗೂ ನೋವು, ಕಷ್ಟ ಬರದಂತೆ ದೇವರಲ್ಲಿ ಪ್ರಾರ್ಥಿಸುವುದಾಗಿ ಹೇಳಿದರು.

ಹಲಕರ್ಟಿ ದರ್ಗಾದ ಸೈಯದ್​ ಅಬುತುರಾಬ್​ ಶಹಾ ಖಾದ್ರಿ ಚಿಸ್ತಿಯಮನಿ ಶರೀಫ್​, ಕಲಕೇರಿ ಶ್ರೀ ಸಿದ್ದರಾಮ ಶಿವಾಚಾರ್ಯ, ದಂಡಗುಂಡ ಶ್ರೀ ಸಂಗನಬಸವ ಶಿವಾಚಾರ್ಯ, ಕರದಾಳ ಶಕ್ತೀಪಿಠದ ದೇವಿ ಆರಾಧಕ ಸುರೇಶ, ಪ್ರಮುಖರಾದ ಕಲಬುರಗಿಯ ಮಹಾಂತೇಶ ತೇಗಲತಿಪ್ಪಿ, ರವೀಂದ್ರ ಸಜ್ಜನಶೆಟ್ಟಿ, ಗುರುಲಿಂಗಯ್ಯ ಸ್ವಾಮಿ ಪುರದಯ್ಯನಮಠ, ಶಿವಶರಣಯ್ಯ ಸ್ವಾಮಿ ಪುರದಯ್ಯನಮಠ, ಸಿದ್ದಯ್ಯ ಶಾಸಿ ನಂದೂರಮಠ, ಮಹಾದೇವಯ್ಯ ಸ್ವಾಮಿ ಸೂಲಹಳ್ಳಿ, ಶ್ರೀಕಾಂತ ಸುಲೇಗಾಂವ, ಸಂಗಮೇಶ ರೋಣದ, ಮಲ್ಲಿಕಾರ್ಜುನ ಕಟ್ಟಿಮನಿ, ಇಮ್ತಿಯಾಜ್​, ಗಿರಿಮಲ್ಲಪ್ಪ, ಶಿವಲಿಂಗಯ್ಯ ಸ್ವಾಮಿ ಮಠಪತಿ, ಶಿವಶರಣಪ್ಪ ಶಿರವಾಳ, ಶಾಂತಗೌಡ ಪಾಟೀಲ್​ ನರಬೋಳಿ, ಸೊಹೇರ್​ ಸೇಠ, ಶಂಭುಲಿಂಗ ವಿಶ್ವಕರ್ಮ, ಬಸವರಾಜಗೌಡ ದಿಗ್ಗಾಂವ, ಹಣಮಂತರೆಡ್ಡಿ ತೋಟದ, ಹಣಮಂತಗೌಡ ಬಳವಡಗಿ ಇತರರಿದ್ದರು.

ಶ್ರೀನಾಥ ಇರಗೊಂಡ ಪ್ರಾಸ್ತಾವಿಕ ಮಾತನಾಡಿದರು. ರಾಚಯ್ಯ ಸ್ವಾಮಿ ಶಾಸಿ ಸ್ವಾಗತಿಸಿದರು. ಮಡಿವಾಳಯ್ಯ ಶಾಸಿ ಜೇರಟಗಿ ನಿರೂಪಣೆ ಮಾಡಿದರು. ಕಲಾವಿದರಾದ ಯಶವಂತ ಬಡಿಗೇರ, ಮಲ್ಲಿಕಾರ್ಜುನ ಭಜಂತ್ರಿ, ರಾಜಶೇಖರ, ಸಂಗೀತ ಸೇವೆ ಸಲ್ಲಿಸಿದರು. ತುಕಾರಾಮ ಕಲಬುರಿಗಿ ಅವರ ಜಾದೂ ಪ್ರದರ್ಶನ ಹಾಗೂ ಹಾಸ್ಯ ರಸಮಂಜರಿ ಜನಮನ ಸೆಳೆಯಿತು.

ಶ್ರೀ ಅಭಿನವ ಮುನೀಂದ್ರ ಶಿವಾಚಾರ್ಯ ಕುರಿತ ಅಭಿನವ ಚರಿತ್ರೆ ಸಾಕ್ಷ$್ಯಚಿತ್ರ ಬಿಡುಗಡೆಗೊಳಿಸಲಾಯಿತು. ಮಹಾದೇವಯ್ಯ ಸ್ವಾಮಿ ಹಿರೇಮಠ, ಶಾಂತಯ್ಯ ಸ್ವಾಮಿ ಹಿರೇಮಠ ಅವರಿಂದ ಪೂಜ್ಯರಿಗೆ ನಾಣ್ಯಗಳಿಂದ ತುಲಾಭಾರ ಸೇವೆ ಸಲ್ಲಿಸಿದರು. ಮಕ್ಕಳಿಗೆ ಅಕ್ಷರಾಭ್ಯಾಸ ಮಾಡಿಸಲಾಯಿತು. ಕಲಬುರಗಿಯ ಬಸವೇಶ್ವರ ಆಸ್ಪತ್ರೆ ಸಹಯೋಗದಡಿ ಆರೋಗ್ಯ ಹಾಗೂ ನೇತ್ರ ತಪಾಸಣೆ ಮಾಡಲಾಯಿತು. ಎಸ್ಸೆಸ್ಸೆಲ್ಸಿ, ಪಿಯುಸಿಯಲ್ಲಿ ಶೇ.80ಕ್ಕೂ ಹೆಚ್ಚು ಅಂಕ ಪಡೆದ ವಿದ್ಯಾರ್ಥಿಗಳನ್ನು ಸನ್ಮಾನಿಸಲಾಯಿತು. ಗ್ರಾಮದ ಪ್ರಾಥಮಿಕ ಶಾಲೆ ಮಕ್ಕಳಿಗೆ ನೋಟ್​ಬುಕ್​, ಪೆನ್​ ವಿತರಿಸಲಾಯಿತು.

ಕೋಟ್​ಮಠಗಳ ಮೇಲೆ ಭಕ್ತರ ಅಪಾರ ಭಕ್ತಿ ಇರಬೇಕು. ಭಕ್ತರ ಮೇಲೆ ಮಠಾಧೀಶರ ಆಶೀರ್ವಾದ, ಕೃಪೆ ಸದಾ ಇರಬೇಕು. ಧಾರ್ಮಿಕ ಭಕ್ತಿಯನ್ನು ಭಕ್ತರು ಬೆಳೆಸಿಕೊಳ್ಳಬೇಕು.

— > ಶ್ರೀ ಗುರುಮೂರ್ತಿ ಶಿವಾಚಾರ್ಯ ಕಟ್ಟಿಮನಿ ಹಿರೇಮಠ ಪಾಳಾ