ದ್ವಿಭಾಷಾ ನೀತಿಯು ಕೇವಲ ಶಿಕ್ಷಣ ಇಲಾಖೆಗೆ ಮಾತ್ರ ಸೀಮಿತವಾಗದೆ, ಕನ್ನಡ ಮತ್ತು ಸಂಸ್ಕತಿ ಇಲಾಖೆ ವ್ಯಾಪ್ತಿಗೂ ಬರಲಿದೆ. ಹೀಗಾಗಿ, ಒಂದು ವೇಳೆ ಭಾಷಾ ನೀತಿಯನ್ನು ಅನುಷ್ಠಾನ ಮಾಡಲು ಯಾವ ಇಲಾಖೆ ನಿಯಮಾವಳಿಗಳನ್ನು ಸಿದ್ಧಪಡಿಸಬೇಕು ಎಂಬ ಗೊಂದಲವಿದೆ. ಭಾಷಾ ನೀತಿ ಜಾರಿ ಮಾಡಿದರೆ, ಸ್ಥಳೀಯ ಭಾಷೆ ಮಾತುನಾಡುವವರಿಗೆ ಇದರಿಂದ ಏನೆಲ್ಲ ಅನುಕೂಲವಾಗಲಿವೆ. ಹೊರ ರಾಜ್ಯದವರಿಗೆ ಯಾವ ರೀತಿಯಲ್ಲಿ ಪರಿಣಾಮ ಬೀರಲಿದೆ. ದ್ವಿಭಾಷಾ ನೀತಿ ಜಾರಿಯಲ್ಲಿರುವ ತಮಿಳುನಾಡು ಹಾಗೂ ಹಿಂದಿ ರಾಷ್ಟ್ರಗಳಲ್ಲಿ ಯಾವ ನಿಯಮಗಳನ್ನು ಪಾಲನೆ ಮಾಡಲಾಗುತ್ತಿದೆ ಎಂಬೆಲ್ಲ ಮಾನದಂಡಗಳನ್ನು ಸಂಶೋಧನೆ ಮಾಡಿದ ಬಳಿಕ ರಾಜ್ಯದಲ್ಲಿ ಭಾಷಾ ನೀತಿಯನ್ನು ಅನುಷ್ಠಾನ ಮಾಡಬೇಕಾಗುತ್ತದೆ ಎಂದು ಶಿಕ್ಷಣ ಇಲಾಖೆಯು ಉನ್ನತ ಮೂಲಗಳು ತಿಳಿಸಿವೆ. ಸಾಮಾನ್ಯವಾಗಿ ಭಾಷಾ ನೀತಿಯನ್ನು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ರೂಪಿಸುಬೇಕು ಎಂಬ ಅಭಿಪ್ರಾಯವಾಗಿದೆ.
