ಚಿತ್ರದುರ್ಗದಲ್ಲಿ ಭೋವಿ ಜನೋತ್ಸವ 19ರಂದು

ಯಾದಗಿರಿ: ಚಿತ್ರದುರ್ಗದ ಭೋವಿ ಗುರುಪೀಠದಲ್ಲಿ ಜುಲೈ 19ರಂದು ರಾಷ್ಟ್ರಮಟ್ಟದ ಭೋವಿ ಜನೋತ್ಸವ ಸಮಾವೇಶ ಆಯೋಜಿಸಲಾಗಿದೆ ಎಂದು ಕಲ್ಯಾಣ ಕರ್ನಾಟಕ ಉಸ್ತುವಾರಿ ಸಮಿತಿ ಅಧ್ಯಕ್ಷ ಸಿದ್ದು ಬಂಡಿ ಗುರುವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಭೋವಿ ಗುರುಪೀಠದ ಇಮ್ಮಡಿ ಸಿದ್ದರಾಮೇಶ್ವರ ಸ್ವಾಮೀಜಿ ನೇತೃತ್ವದಲ್ಲಿ ಸಮಾವೇಶ ಅರ್ಥಪೂರ್ಣವಾಗಿ ನಡೆಸಲಾಗುವುದು. ಸ್ವಾಮೀಜಿ ಪಟ್ಟಾಭಿಷೇಕದ 17ನೇ ಮಹೋತ್ಸವ, ಇಮ್ಮಡಿ ಲಾಂಛನ ದೀೆಯ 28ನೇ ಮಹೋತ್ಸವ, 40ನೇ ಸಿದ್ದರಾಮೇಶ್ವರ ವರ್ಧಂತಿ ಉತ್ಸವ ಸಹ ಜರುಗಲಿದೆ ಎಂದರು.

ಯಾದಗಿರಿ ಜಿಲ್ಲೆಯಿಂದ ಸುಮಾರು 10 ಸಾವಿರ ಜನರು ಭಾಗವಹಿಸಲಿದ್ದಾರೆ, ಭೋವಿ ಜನಾಂಗದ ಧಾರ್ಮಿಕ, ಸಾಂಸತಿಕ, ಸಾಮಾಜಿಕ ಸಂಭ್ರಮದ ಜನೋತ್ಸವ ಇದಾಗಿದೆ. ಇದಕ್ಕಾಗಿ ಈಗಾಗಲೇ ರಾಜ್ಯದಾದ್ಯಂತ ಪೂರ್ವ ಸಿದ್ಧತೆ ಸಭೆ ನಡೆಸಲಾಗಿದ್ದು, ಲಾಂತರ ಜನ ಸಾಯಾಗಲಿದ್ದಾರೆ ಎಂದು ತಿಳಿಸಿದರು.

ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ, ಉಪ ಮುಖ್ಯಮಂತ್ರಿ ಡಾ.ಜಿ.ಪರಮೇಶ್ವರ ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದು, ಮಾಜಿ ಸಚಿವರೂ ಆಗಿರುವ ಸಮಾಜದ ನಾಯಕ ಅರವಿಂದ ಲಿಂಬಾವಳಿ ಅಧ್ಯಕ್ಷತೆ ವಹಿಸಲಿದ್ದಾರೆ. ಎಸ್​ಎಸ್​ಎಲ್​ಸಿ ಮತ್ತು ಪಿಯುಸಿ ಪರೀಕ್ಷೆಯಲ್ಲಿ ಶೇ.90ಕ್ಕಿಂತ ಹೆಚ್ಚಿನ ಅಂಕ ಪಡೆದ ಸಮಾಜದ ವಿದ್ಯಾರ್ಥಿಗಳಿಗೆ, ಐಎಎಸ್​, ಕೆಎಎಸ್​ ಅಧಿಕಾರಿಗಳಿಗೆ ರಾಜ್ಯ ಮತ್ತು ಅಂತಾರಾಜ್ಯ ಭೋವಿ ಸಮಾಜದ ಮುಖಂಡರಿಗೆ ಸನ್ಮಾನಿಸಲಾಗುವುದು ಎಂದು ವಿವರಿಸಿದರು.

ರಕ್ತದಾನ ಶಿಬಿರ, ಸಿದ್ದರಾಮೇಶ್ವರರ ಕುರಿತು ವಿಶೇಷ ವಿಚಾರ ಸಂಕಿರಣ, ವಧು&ವರರ ಸಮಾವೇಶ ನಡೆಯಲಿದೆ. ಭೋವಿ ಸಮಾಜದ ಕಲ್ಲುಗಣಿಗಾರಿಕೆ ಮಾಡುವವರಿಗೆ ಆಗುತ್ತಿರುವ ಕಿರುಕುಳ ತಪ್ಪಿಸಬೇಕು, ಕಾಂಗ್ರೆಸ್​ ಪಕ್ಷದಿಂದ ಆಯ್ಕೆಯಾದ ಸಮಾಜದ ಶಾಸಕರಿಗೆ ಮಂತ್ರಿ ಸ್ಥಾನ ನೀಡಬೇಕು ಮತ್ತು ಭೋವಿ ಅಭಿವೃದ್ಧಿ ನಿಗಮಕ್ಕೆ ಹೆಚ್ಚಿನ ಅನುದಾನ ನೀಡಬೇಕೆಂದು ಅಂದು ಮುಖ್ಯಮಂತ್ರಿಗಳಿಗೆ ಸಮಾಜದ ಮುಖಂಡರು ಮನವಿ ಸಲ್ಲಿಸುವರು ಎಂದು ಬಂಡಿ ತಿಳಿಸಿದರು.

ಸುದ್ದಿಗೋಷ್ಠಿಯಲ್ಲಿ ಮುಖಂಡರಾದ ತಿಪ್ಪಣ್ಣ ಒಡೆಯರ್​, ಹಣಮಂತ ಜೂಕುರ್​,ಅಶೋಕ ಉಮಾಲೂಟಿ,ರಾಮಾಂಜನೇಯ, ಪ್ರಕಾಶ ಬಳ್ಳಾರಿ, ನಾಗಪ್ಪ ಬೆನಕಲ್​,ಮಾರೆಪ್ಪ ವರ್ಕನಳ್ಳಿ,ಬಸವರಾಜ ಮುದ್ನಾಳ, ಹಳ್ಳೆಪ್ಪ ದೋತ್ರೆ, ಹಣಮಂತ ವಲ್ಯಾಪುರ, ದೇವರಾಜ ಮಸ್ಕನಹಳ್ಳಿ,ವಿಶ್ವನಾಥ ಮಂಜಲ್ಕರ,ನರಸಿಂಹ ತಳಬಿಡಿ,ಮಹಾದೇವ ಗೋಪಾಲಪುರ, ಸಿದ್ದು ತಳಕ, ಜಗ್ಗು ಚಿಂತನಲ್ಲಿ, ಸಂತೋಷ ಗುಂಜನೂರು, ಶರಣು ಬೈರಮಡ್ಡಿ, ಆನಂದ ಅಮ್ಮಪುರಇತರರಿದ್ದರು.