ಭಗೀರಥರ ತತ್ವಾದರ್ಶ ಸದಾ ಪ್ರೇರಣೆ

ಸುರಪುರ: ಭಗೀರಥ ಮಹರ್ಷಿ ಅವರ ತ್ಯಾಗ, ಸಮರ್ಪಣೆ ಮತ್ತು ಆದರ್ಶಗಳು ಪ್ರತಿಯೊಬ್ಬರ ಜೀವನಕ್ಕೆ ಸದಾ ಪ್ರೇರಣೆಯಾಗಿವೆ ಎಂದು ಶಾಸಕ ರಾಜಾ ವೇಣುಗೋಪಾಲ ನಾಯಕ ಹೇಳಿದರು.

ಇಲ್ಲಿನ ಪ್ರಜಾಸೌಧದ ತಹಸಿಲ್​ ಕಚೇರಿಯಲ್ಲಿ ಗುರುವಾರ ಹಮ್ಮಿಕೊಂಡ ಮಹರ್ಷಿ ಭಗೀರಥ ಜಯಂತಿ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಭಗೀರಥ ಮಹರ್ಷಿ ಅವರು ಛಲ ಮತ್ತು ದೃಢಸಂಕಲ್ಪದ ಪ್ರತಿಕವಾಗಿದ್ದಾರೆ ಎಂದು ಹೇಳಿದರು.

ನ ೂರ ತಪಸ್ಸು, ಧೈರ್ಯ ಮತ್ತು ಅಚಲ ಸಂಕಲ್ಪದಿಂದ ಗಂಗಾಮಾತೆಯನ್ನು ಭೂಲೋಕಕ್ಕೆ ತಂದ ಮಹಾತ್ಮರು. ಎಷ್ಟೇ ಕಷ್ಟದ ಕೆಲಸವಾದರೂ ದೃಢಸಂಕಲ್ಪ ಮತ್ತು ಶ್ರಮವಿದ್ದರೆ ಅದನ್ನು ಸಾಧಿಸಬಹುದು ಎನ್ನುವುದು ಅವರ ಜೀವನದಿಂದ ನಾವು ಕಲಿಯಬೇಕಾದ ಮುಖ್ಯ ಪಾಠವಾಗಿದೆ ಎಂದರು.

ಸಮಾಜದಲ್ಲಿ ಎಲ್ಲರೂ ಒಗ್ಗಟ್ಟಾಗಿ ಬಾಳಿದಾಗ ಮಾತ್ರ ಸಂತೋಷ ನೆಲೆಸಲು ಸಾಧ್ಯ. ಜಯಂತಿಯ ಆಚರಣೆಗಳು ಎಲ್ಲರನ್ನೂ ಒಂದುಗೂಡಿಸುವ ಉದ್ದೇಶವನ್ನು ಹೊಂದಿರುತ್ತವೆ. ಮಕ್ಕಳೇ ದೇಶ ಮುಂದಿನ ಪ್ರಜೆಗಳು. ಆದ್ದರಿಂದ ಅವರಿಗೆ ಉತ್ತಮ ವಿದ್ಯಾಭ್ಯಾಸ ನೀಡುವುದು ಅತ್ಯಗತ್ಯ. ಮನೆಯಲ್ಲಿ ತಂದೆ&ತಾಯಿ ಅಥವಾ ಹಿರಿಯರು ಮಕ್ಕಳ ಓದಿನ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಿ ಅವರಿಗೆ ಸರಿಯಾದ ಮಾರ್ಗದರ್ಶನ ನೀಡಬೇಕು ಎಂದು ಸಲಹೆ ನೀಡಿದರು.

ನಾನು ಇಂಜನಿಯರ್​ ಮತ್ತು ಶಾಸಕರಾಗಿ ಈ ಹಂತಕ್ಕೆ ಬೆಳೆಯಲು ಶಿಕ್ಷಕರು ನೀಡಿದ ಶಿಕ್ಷಣ ಮತ್ತು ಶಿಸ್ತೇ ಕಾರಣ. ಭಗೀರಥ ಸಮಾಜದ ಬೇಡಿಕೆಗಳನ್ನು ಈಡೇರಿಸಲು ನಾನು ಪ್ರಾಮಾಣಿಕ ಪ್ರಯತ್ನ ಮಾಡಲಾಗುವುದು. ಅಲ್ಲದೆ ನಮ್ಮ ಸರ್ಕಾರ ಯಾವಾಗಲೂ ಸಮಾಜದ ಜತೆಗೆ ಇರಲಿದೆ ಎಂದು ಭರವಸೆ ನೀಡಿದರು.

ಖಾನಾಪುರ ಎಸ್​ಎಚ್​ ಕೃಷಿ ಪತ್ತಿನ ಸಹಕಾರ ಸಂದ ಕಾರ್ಯದರ್ಶಿ ಬಸವರಾಜ ದೋರನಹಳ್ಳಿ ವಿಶೇಷ ಉಪನ್ಯಾಸ ನೀಡಿ, ಮಹರ್ಷಿ ಭಗೀರಥರು ತಮ್ಮ ಕಠಿಣ ತಪಸ್ಸಿನ ಮೂಲಕ ಗಂಗೆಯನ್ನು ಧರೆಗೆ ಇಳಿಸಿದರು. ಕುಗ್ಗದ ಛಲ, ಕಠಿಣ ಕಾರ್ಯ, ಸಹನೆ, ದೃಢನಿಶ್ಚಯದಂತಹ ಅವರ ಜೀವನಾದರ್ಶಗಳು ಮಾನವ ಜನಾಂಗಕ್ಕೆ ಪ್ರೇರಣಾದಾಯಕವಾಗಿವೆ ಎಂದರು.

ಅಧ್ಯಕ್ಷತೆ ವಹಿಸಿದ್ದ ತಹಸೀಲ್ದಾರ್​ ಎಚ್​.ಎ.ಸರಕಾವಸ್​ ಮಾತನಾಡಿದರು. ಟಿಎಚ್​ಒ ಡಾ.ಆರ್​.ವಿ.ನಾಯಕ, ಭಗೀರಥ ಸಮಾಜದ ತಾಲೂಕು ಟಕದ ಅಧ್ಯಕ್ಷ ಮಾನಪ್ಪ ಗೋನಾಲ ವೇದಿಕೆಯಲ್ಲಿದ್ದರು. ತಾಲೂಕಿನ ಭಗೀರಥ ಸಮಾಜದ ಬಾಂಧವರು ಹೆಚ್ಚಿನ ಸಂಖ್ಯೆಯಲ್ಲಿ ಜಯಂತ್ಯುತ್ಸವದಲ್ಲಿ ಭಾಗಿಯಾಗಿದ್ದರು. ವಿವಿಧ ೇತ್ರಗಳಲ್ಲಿ ಸಾಧನೆ ಮಾಡಿದ ಸಮಾಜಬಾಂಧವರಿಗೂ ಮತ್ತು ವಿವಿಧ ಸಂ&ಸಂ ಸಂಸ್ಥೆಗಳ ಸಾಧಕರಿಗೆ ಭಗೀರಥ ಸಮಾಜದವರು ಸನ್ಮಾನಿಸಿ ಗೌರವಿಸಿದರು. ಶಿಕ್ಷಕರಾದ ಶರಣಬಸವ ಗೋನಾಲ ಸ್ವಾಗತಿಸಿದರು. ಮಹಾದೇವಪ್ಪ ಗುತ್ತೇದಾರ್​ ನಿರೂಪಸಿದರು. ಸಿದ್ದಣ್ಣ ಸಾಲಿ ವಂದಿಸಿದರು.