ಸೌಲಭ್ಯ ಬಳಸಿಕೊಂಡ ಸ್ವಾವಲಂಬಿಗಳಾಗಿ

ಶಹಾಪುರ: ಅಂಗವಿಕಲರು ಸರ್ಕಾರಿ ಯೋಜನೆಗಳನ್ನು ಬಳಸಿಕೊಂಡು ಸ್ವಾವಲಂಬಿಗಳಾಗಬೇಕು ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಶರಣಬಸಪ್ಪ ದರ್ಶನಾಪುರ ಹೇಳಿದರು.

ಸಚಿವರ ಜನ ಸಂಪರ್ಕ ಕಚೇರಿಯಲ್ಲಿ ಸೋಮವಾರ ಹಮ್ಮಿಕೊಂಡ ಕಾರ್ಯಕ್ರಮದಲ್ಲಿ 2025&26ನೇ ಸಾಲಿನ ಅಂಗವಿಕಲರ ಅರ್ನಿಬಂಧಿತ ಅಭಿವೃದ್ಧಿ ಅನುದಾನದಡಿ ವಿಶೇಷ ಚೇತನರಿಗಾಗಿ ವಿದ್ಯುತ್​ ಚಾಲಿತ ತ್ರೀಚಕ್ರ ವಾಹನಗಳು ವಿತರಿಸಿ ಅವರು ಮಾತನಾಡಿದರು.

ವಿಶೇಷ ಚೇತನರ ಸ್ವಾವಲಂಬಿ ಜೀವನಕ್ಕೆ ವಿದ್ಯುತ್​ ಚಾಲಿತ ತ್ರೀ ಚಕ್ರ ಮೋಟಾರುವ ವಾಹನ ಆಸರೆಯಾಗಲಿದೆ. ಅಲ್ಲದೆ ಅವರ ಜೀವನಮಟ್ಟ ಸುಧಾರಿಸುವುದರ ಜತೆಗೆ ಭವಿಷ್ಯದ ಬದುಕಿನ ಬಗ್ಗೆ ಆತ್ಮವಿಶ್ವಾಸವೂ ಹೆಚ್ಚಾಗಲಿದೆ ಎಂದು ಹೇಳಿದರು.

ಅಂಗವಿಕಲರ ಸಮಗ್ರ ಅಭಿವೃದ್ಧಿಗೆ ಸರ್ಕಾರ ಹಲವು ಯೋಜನೆಗಳನ್ನು ನೀಡಿದ್ದು, ಈ ಯೋಜನೆಗಳ ಸೌಲಭ್ಯ ಪಡೆದು ಸಮಾಜದ ಮುಖ್ಯವಾಹಿನಿಗೆ ಬರಬೇಕು. ಅವರ ಓಡಾಟದ ಸಮಸ್ಯೆ ನಿವಾರಿಸಿ, ಉದ್ಯೋಗ ಮತ್ತು ಶಿಣದ ಅವಕಾಶಗಳಿಗೆ ಅನುಕೂಲ ಮಾಡಿಕೊಡುವುದು ತ್ರೀಚಕ್ರ ವಾಹನ ವಿತರಣೆಯ ಮುಖ್ಯ ಉದ್ದೇಶವಾಗಿದೆ ಎಂದರು.

ತಾಲೂಕು ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ ಬಸವರಾಜ ಶರಭೈ ಮಾತನಾಡಿದರು. ತಾಲೂಕ ಯೋಜನಾಧಿಕಾರಿ ಶಾರದಮ್ಮ ನಾಗ್ಲೋಟ್​, ಸಚಿವರ ಆಪ್ತ ಕಾರ್ಯದರ್ಶಿ ಶಿವಶರಣು ಇಟಗಿ, ತಾಲೂಕ ಪಂಚಾಯತ ವಿವಿದ್ದೋಶ ಪುನರ್ವಸತಿ ಕಾರ್ಯಕರ್ತ ನಾಗರಾಜ, ತಾಲೂಕ ಅಂಗವಿಕಲರ ಹೋರಾಟ ಸಮಿತಿ ತಾಲೂಕ ಅಧ್ಯ ಸಾಹೇಬ ಜಾನಿ, ತಾಲೂಕ ಕಾಂಗ್ರೆಸ್​ ಪದ ಮುಖಂಡರು, ಅಣಬಿ, ರಸ್ತಾಪೂರ ಗ್ರಾಮೀಣ ಪುನರ್ವಸತಿ ಕಾರ್ಯಕರ್ತರಾದ ಶರಣಪ್ಪ, ಮಲ್ಲಿಕಾರ್ಜುನ, ನಗರ ಪುನರ್ವಸತಿ ಕಾರ್ಯಕರ್ತ ಬಸವರಾಜ ಮತ್ತು ಪ್ರವಿಣ ಇತರರಿದ್ದರು.