ಸಮ ಸಮಾಜಕ್ಕಾಗಿ ಶ್ರಮಿಸಿದ್ದ ಬಸವಣ್ಣ

ಕಮಲಾಪುರ: ಮಹಾತ್ಮ ಬಸವೇಶ್ವರರು ಸಾಮಾಜಿಕ ಅಸಮಾನತೆ, ಮೂಢನಂಬಿಕೆ, ಲಿಂಗ ತಾರತಮ್ಯ ವಿರುದ್ಧ ಸಿಡಿದೆದ್ದು, ಸರ್ವರಿಗೂ ಸಮಬಾಳು ಹಾಗೂ ಸಮಪಾಲು ತಳಹದಿ ಮೇಲೆ ಸಮಾಜ ಕಟ್ಟಲು ಶ್ರಮಿಸಿದ್ದರು ಎಂದು ಅರಣ್ಯ ಸಚಿವರು ಆದ ಅಖಿಲ ಭಾರತ ವೀರಶೈವ ಲಿಂಗಾಯತ ಮಜಾಸಭೆ ಅಧ್ಯಕ್ಷ ಈಶ್ವರ ಖಂಡ್ರೆ ಹೇಳಿದರು.

ಶ್ರೀ ಗುರು ಶಾಂತಪ್ಪ ಮಾಲಿಪಾಟೀಲ್​ ಕ್ರೀಡಾಂಗಣದಲ್ಲಿ ವಿಶ್ವಗುರು ಬಸವೇಶ್ವರ ಸೇವಾ ಸಮಿತಿ ಟ್ರಸ್ಟ್​ನಿಂದ ಶುಕ್ರವಾರ ಸಂಜೆ ಹಮ್ಮಿಕೊಂಡಿದ್ದ ವಿಶ್ವಗುರು ಬಸವೇಶ್ವರ 893ನೇ ಜಯಂತಿ ನಿಮಿತ್ತ ಧಾರ್ಮಿಕ ಸಭೆ ಹಾಗೂ ಅಭಿನಂದನಾ ಸಮಾರಂಭದಲ್ಲಿ ಸತ್ಕಾರ ಸ್ವೀಕರಿಸಿ ಮಾತನಾಡಿ, ಪಾಲಕರು ಮಕ್ಕಳಿಗೆ ವಚನ ಮತ್ತು ಶರಣ ಸಾಹಿತ್ಯದ ಬಗ್ಗೆ ತಿಳಿವಳಿಕೆ ನೀಡಬೇಕು. ಇವರೆಡು ಸಾಹಿತ್ಯಗಳಲ್ಲಿ ಬದುಕಿನ ಎಲ್ಲ ಸಂಕಷ್ಟಗಳಿಗೆ ಪರಿಹಾರವಿದೆ. ಅಲ್ಲದೆ ಭಾರತದ ಐತಿಹಾಸಿಕ ಪರಂಪರೆ, ಸಂಸತಿ ಉಳಿಸಿ&ಬೆಳೆಸಲು ಅಗತ್ಯ ಮಾನವೀಯ ಮೌಲ್ಯಗಳ ಭಂಡಾರವಿದೆ ಎಂದರು.

ಯುವಕರು ಮೊಬೈಲ್​ಗೆ ಅಂಟಿಕೊಂಡಿದ್ದು, ಮಾನಸಿಕವಾಗಿ ಕುಗ್ಗಿ ಹೋಗುತ್ತಿದ್ದಾರೆ. ಹೀಗಾಗಿ ಮೊಬೈಲ್​ಗಳಿಗೆ ಅಂಟಿಕೊಳ್ಳದೆ ಶರಣರು, ಸಂತರು ಹಾಗೂ ಮಹಾತ್ಮರ ಪುಸ್ತಕಗಳನ್ನು ಓದಿಕೊಂಡು ಮಾದರಿ ಜೀವನ ನಡೆಸಬೇಕು. ಅಖಿಲ ಭಾರತ ವೀರಶೈವ ಲಿಂಗಾಯತ ಸಮಾಜಕ್ಕೆ ತನ್ನದೇ ಆದ ಐತಿಹಾಸಿಕ ಪರಂಪರೆ ಹಾಗೂ ಗೌರವವಿದೆ ಎಂದು ಹೇಳಿದರು.

ವಿಶ್ವಗುರು ಬಸವೇಶ್ವರ ಸೇವಾ ಸಮಿತಿ ಟ್ರಸ್ಟ್​ ಅಧ್ಯ ಗುರುಪಾದಪ್ಪ ಮಾಟೂರ ಮಾತನಾಡಿದರು.

ಗೋರ್ಟಾದ ಶ್ರೀ ರಾಜಶೇಖರ ಶಿವಾಚಾರ್ಯ, ಜೆಸ್ಕಾಂ ಅಧ್ಯ ಪ್ರವಿಣ ಪಾಟೀಲ್​ ಹರವಳಾ, ಕೆಕೆಆರ್​ಟಿಸಿ ಅಧ್ಯಕ್ಷ ಅರುಣಕುಮಾರ ಪಾಟೀಲ್​, ತಹಸೀಲ್ದಾರ್​ ಮಹಮದ್​ ಮೋಹಸಿನ್​, ಹೈಕ ಶಿಕ್ಷಣ ಸಂಸ್ಥೆ ಆಡಳಿತ ಮಂಡಳಿ ಸದಸ್ಯ ಕಿರಣಕುಮಾರ ದೇಶಮುಖ, ವೀರಶೈವ ಲಿಂಗಾಯತ ಮಹಾಸಭಾ ಜಿಲ್ಲಾಧ್ಯ ಶರಣು ಮೋದಿ, ಪ್ರಮುಖರಾದ ಅಮೃತಪ್ಪ ದೋಶೆಟ್ಟಿ, ಸಿದ್ದಯ್ಯ ಸ್ವಾಮಿ, ಶಿವರುದ್ರಪ್ಪ ಮಾಟೂರ, ಅರ್ಚನಾ ಸ್ವಾಮಿ, ಶ್ರೀದೇವಿ ಕಲಕಿ ಇತರರಿದ್ದರು.

ಡಾ.ಜ್ಯೋತಿರ್ಮಯ ನಿರೂಪಣೆ ಮಾಡಿದರು. ವಿಜಯಕುಮಾರ ಸೂಗೂರು ಸ್ವಾಗತಿಸಿದರು. ಸತೀಶ ಮಾಟೂರ ವಂದಿಸಿದರು.