ರಾಷ್ಟ್ರಪತಿ ಭವನದಲ್ಲಿ ಕಲಾಕೃತಿ ಪ್ರದರ್ಶನ

ಕಲಬುರಗಿ: ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಇತ್ತೀಚೆಗೆ ರಾಷ್ಟ್ರಪತಿ ಭವನದಲ್ಲಿ ಭಾರತದ ವಿವಿಧ ಸಾಂಪ್ರದಾಯಿಕ ಕಲಾ ಪ್ರಕಾರಗಳನ್ನು ಪ್ರತಿನಿಧಿಸುವ ಕಲಾವಿದರನ್ನು ಭೇಟಿ ಮಾಡಿ ಕಲಾಕೃತಿ ವೀಕ್ಷಿಸಿದರು.

ಆರ್ಟಿಸ್ಟ್​-ಇನ್​-ರೆಸಿಡೆನ್ಸ್​ ಎಂಬ ವಿಶೇಷ ಕಾರ್ಯಕ್ರಮದಡಿ ಬನಾರಸ್​ ಮ್ಯೂರಲ್​, ಥಾಂಕಾ, ನಾಯಕ, ಕೇರಳ ಮ್ಯೂರಲ್​, ಬಸೋಹ್ಲಿ, ಸುರಪುರ ಹಾಗೂ ಮೈಸೂರು ಸೇರಿ ವಿವಿಧ ಸಾಂಪ್ರದಾಯಿಕ ಕಲಾ ಪ್ರಕಾರಗಳನ್ನು ಪ್ರತಿನಿಧಿಸುವ 12 ಕಲಾವಿದರು ರಾಷ್ಟ್ರಪತಿ ಭವನದಲ್ಲಿ ತಮ್ಮ ಕಲಾಕೃತಿಗಳನ್ನು ಪ್ರದರ್ಶಿಸಿದರು. ಇದರಲ್ಲಿ ಕಲಬುರಗಿಯ ಸುರಪುರ ಶೈಲಿಯ ಲುಚಿತ್ರ ಕಲಾವಿದ ಡಾ.ರೆಹಮಾನ್​ ಪಟೇಲ್​ ಭಾಗವಹಿಸಿರುವುದು ರಾಜ್ಯಕ್ಕೆ ಹೆಮ್ಮೆಯ ಸಂಗತಿ. ಮೂರು ದಶಕಗಳಿಂದ ಸುರಪುರ ಶೈಲಿ ಚಿತ್ರಕಲೆಯಲ್ಲಿ ತೊಡಗಿಸಿಕೊಂಡಿರುವ ಅವರು ಪ್ರದರ್ಶಿಸಿರುವ ಎರಡು ಕಲಾಕೃತಿಗಳಲ್ಲಿ ಒಂದು ಪಂಚತಂತ್ರ ವಿಷಯಾಧಾರಿತ ಚಿತ್ರವಾಗಿದೆ.

ಈ ಸಂದರ್ಭದಲ್ಲಿ ದ್ರೌಪದಿ ಮುರ್ಮು ಕಲಾವಿದರೊಂದಿಗೆ ಸಂವಾದ ನಡೆಸಿ ಅವರ ಕಲಾಸೃಷ್ಟಿಗಳನ್ನು ಆಸಕ್ತಿಯಿಂದ ವೀಸಿದರು. ಭಾರತದ ಸಾಂಪ್ರದಾಯಿಕ ಕಲಾ ಪರಂಪರೆ ಸಂರಸಿ ಮುಂದಿನ ಪೀಳಿಗೆಗೆ ಪರಿಚಯಿಸುವಲ್ಲಿ ಇಂತಹ ಕಲಾವಿದರ ಕೊಡುಗೆ ಮಹತ್ವದ್ದಾಗಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ಭಾರತದ ಶ್ರೀಮಂತ ಕಲಾ ಪರಂಪರೆ ಸಂಭ್ರಮಿಸುವ ಮಹತ್ವದ ಈ ಕಾರ್ಯಕ್ರಮ ದೇಶದ ಕಲಾ ಸಂಪ್ರದಾಯಗಳ ಸಂರಕ್ಷಣೆ ಮತ್ತು ದೇಶದ ಸಾಂಸ್ಕೃತಿಕ ಗುರುತು ಮತ್ತಷ್ಟು ಬಲಪಡಿಸುವ ಉದ್ದೇಶ ಹೊಂದಿದೆ. ಜಿಲ್ಲೆಯ ರೆಹಮಾನ್​ ಪಟೇಲ್​ ಅವರ ಆಯ್ಕೆ ಸುರಪುರ ಕಲಾಶೈಲಿಗೆ ರಾಷ್ಟ್ರೀಯ ಮಟ್ಟದಲ್ಲಿ ಮನ್ನಣೆ ದೊರಕಿಸಿದ್ದು, ಕರ್ನಾಟಕದ ಸಾಂಸ್ಕೃತಿಕ ವೈಭವ ರಾಷ್ಟ್ರಮಟ್ಟದಲ್ಲಿ ಪ್ರತಿಬಿಂಬಿಸುವ ಮಹತ್ವದ ಸಾಧನೆಯಾಗಿದೆ.

1975ರ ಜೂ.1ರಂದು ಕಲಬುರಗಿ ಜಿಲ್ಲೆ ಶಹಾಬಾದ್​ ಸಮೀಪದ ಗೋಳಾ(ಕೆ) ಗ್ರಾಮದಲ್ಲಿ ಜನಿಸಿದ ಡಾ.ರೆಹಮಾನ್​ ಪಟೇಲ್​, ಚಿತ್ರಕಲೆ ಕ್ಷೇತ್ರದಲ್ಲಿ ಆಸಕ್ತಿಯೊಂದಿಗೆ ಗುಲ್ಬರ್ಗ ವಿಶ್ವವಿದ್ಯಾಲಯದಿಂದ ಚಿತ್ರಕಲೆಯಲ್ಲಿ ಸ್ನಾತಕೋತ್ತರ ಪದವಿ ಮತ್ತು ಬಿದರಿ ಕಲೆ ಕುರಿತು ಸಂಶೋಧನಾ ಪ್ರಬಂಧ ಮಂಡಿಸಿ ಪಿಎಚ್​.ಡಿ ಪಡೆದಿದ್ದಾರೆ. ರಾಷ್ಟ್ರೀಯ ಹಾಗೂ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಅನೇಕ ಪ್ರಶಸ್ತಿ-ಪುರಸ್ಕಾರ ಪಡೆದಿರುವ ಅವರು, ನಾಗಪುರದ ದಣ ಮಧ್ಯ ವಲಯ ಸಾಂಸತಿಕ ಕೇಂದ್ರ ಆಯೋಜಿಸಿದ್ದ ಅಖಿಲ ಭಾರತ ಕಲಾ ಸ್ಪರ್ಧೆ ಮತ್ತು ಪ್ರದರ್ಶನ ಪ್ರಶಸ್ತಿ, ಮುಂಬೈನ ಪ್ರಫುಲ್ಲ ದಹಾನುಕರ್​ ಆರ್ಟ್​ ಫೌಂಡೇಷನ್​ನ ಕರ್ನಾಟಕ ರಾಜ್ಯ ಫೆಲೋಶಿಪ್​ ಪ್ರಶಸ್ತಿ, ಶ್ರೀಲಂಕಾದ ಕೊಲಂಬೊದಲ್ಲಿ ಶೋರಾಂಗ್​ ಆರ್ಟ್​ ಗ್ರೂಪ್​ ನೀಡಿದ ಅಂತಾರಾಷ್ಟ್ರೀಯ ಶೋರಾಂಗ್​ ಪ್ರಶಸ್ತಿ, ಹೈದರಾಬಾದ್​ ಆರ್ಟ್​ ಸೊಸೈಟಿಯ ಅಖಿಲ ಭಾರತ ವಾರ್ಷಿಕ ಪ್ರಶಸ್ತಿ ಹಾಗೂ 2025ರ ಕರ್ನಾಟಕ ಲಲಿತಕಲಾ ಅಕಾಡೆಮಿ ರಾಜ್ಯ ವಾರ್ಷಿಕ ಪ್ರಶಸ್ತಿ ಸೇರಿ ಹಲವು ಗೌರವಗಳು ಸಂದಿವೆ. ಅವರ ಕಲಾಕೃತಿಗಳು ದೇಶ, ವಿದೇಶಗಳಲ್ಲಿ ಪ್ರದರ್ಶನ ಕಂಡಿವೆ.

"

ಭಾರತೀಯ ಸಾಂಪ್ರದಾಯಿಕ ಕಲೆ ಸಂರಕ್ಷಣೆ ಮತ್ತು ಸಂಶೋಧನೆಯಲ್ಲಿ ಕೆಲಸ ಮಾಡಿದ್ದು, 2002ರಲ್ಲಿ ಸುರಪುರ ಚಿತ್ರಕಲೆ ಕುರಿತು ನಡೆಸಿದ ಸಂಶೋಧನೆಗಾಗಿ ಭಾರತ ಸರ್ಕಾರದ ಸಂಸತಿ ಸಚಿವಾಲಯದ ಜೂನಿಯರ್​ ಫೆಲೋಶಿಪ್​ ದೊರೆತಿದೆ. 2014ರಲ್ಲಿ ಬಿದರಿ ಕಲೆ ಕುರಿತ ಸಂಶೋಧನೆಗೆ ಕರ್ನಾಟಕ ಶಿಲ್ಪಕಲಾ ಅಕಾಡೆಮಿಯ ಫೆಲೋಶಿಪ್​ ಸಿಕ್ಕಿದೆ. ಇದೀಗ ರಾಷ್ಟ್ರಪತಿ ಭವನದಲ್ಲಿ ನನ್ನ ಚಿತ್ರಕಲೆಗಳು ಪ್ರದರ್ಶನ ಕಂಡಿರುವುದು ಸಂತಸ ತಂದಿದೆ.

— > ಡಾ.ರೆಹಮಾನ್​ ಪಟೇಲ್​ ಹಿರಿಯ ಕಲಾವಿದ, ಕಲಬುರಗಿ