ಯಾದಗಿರಿ: ಕ್ರೀಡಾಪಟುಗಳು ಉತ್ಸಾಹದಿಂದ ಕ್ರೀಡೆಗಳಲ್ಲಿ ಭಾಗವಹಿಸಿ.ಆದರೆ, ಪಂದ್ಯಗಳಲ್ಲಿ ಸೋಲು&ಗೆಲುವನ್ನು ಸಮನಾಗಿ ಸ್ವೀಕರಿಸಬೇಕು ಎಂದು ಶ್ರೀದೇವಿ ಟ್ರಸ್ಟ್ ಮುಖ್ಯಸ್ಥ ಮೌಲಾಲಿ ಅನಪುರ ಹೇಳಿದರು.
ಗಂಜ್ ಪ್ರದೇಶದ ಅನಪುರ ಲೇಔಟ್ನ ಎಂಎಸ್ಎ ಶಾಲೆ ಮೈದಾನದಲ್ಲಿ ಶ್ರೀದೇವಿ ಟ್ರಸ್ಟ್ ಹಾಗೂ ಎಂಎಸ್ಎ ಆಂಗ್ಲ ಮಾಧ್ಯಮ ಪಬ್ಲಿಕ್ ಶಾಲೆ ಸಹಯೋಗದಡಿ ಭಾನುವಾರ ಹಮ್ಮಿಕೊಂಡಿದ್ದ ಸಾಫ್ಟ್ ಬಾಲ್ ಕ್ರಿಕೆಟ್ ಟೂರ್ನಮೆಂಟ್ಗೆ ಚಾಲನೆ ನೀಡಿ ಮಾತನಾಡಿದ ಅವರು, ಕ್ರೀಡಾಪಟುಗಳು ಕ್ರೀಡಾ ಮನೋಭಾವನೆ ಮೆರೆಯಬೇಕು.ಜೀವನದಲ್ಲಿ ಕ್ರೀಡೆಗಳು ಬಹು ಮುಖ್ಯ. ಕ್ರೀಡೆಗಳಿಂದ ಮಾನಸಿಕ ಆರೋಗ್ಯ ಜತೆ ದೈಹಿಕವಾಗಿ ಸದೃಢರಾಗಿರಲು ಅನುಕೂಲವಾಗುತ್ತದೆ ಎಂದರು.
ಅಹಿಂದ ನಾಯಕ ಹಣುಮೇಗೌಡ ಬೀರನಕಲ್ ಮಾತನಾಡಿ, ಮನುಷ್ಯ ಆರೋಗ್ಯವಂತನಾಗಿರಲು ಆಟ, ವ್ಯಾಯಾಮಗಳಲ್ಲಿ ಹಾಗೂ ಪ್ರತಿ ಕ್ರೀಡಾ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡಾಗ ಮಾತ್ರ ಸಾಧ್ಯ.ಮುಖ್ಯವಾಗಿ ಕ್ರೀಡಾಪಟುಗಳು ಕ್ರೀಡೆಗಳ ರ್ನಿಣಯಗಳನ್ನು ಪಾಲಿಸುವುದರೊಂದಿಗೆ ಕ್ರೀಡಾ ಸ್ಫೂರ್ತಿ ಹೊಂದಬೇಕು ಎಂದು ತಿಳಿಸಿದರು.
