ಚುರುಕುಗೊಂಡ ಮುಂಗಾರು ಕೃಷಿ ಚಟುವಟಿಕೆ

ಯಾದಗಿರಿ: ಸಮೀಪದ ಖಾನಾಪುರ ಗ್ರಾಮದಲ್ಲಿ ಮುಂಗಾರು ಹಂಗಾಮು ಬಿತ್ತನೆಗಾಗಿ ಅನ್ನದಾತರು ಭರದ ಸಿದ್ಧತೆಯಲ್ಲಿ ತೊಡಗಿಕೊಂಡಿದ್ದಾರೆ.

ಕುರಕುಂದಾ, ಕಾಡಂಗೇರಾ(ಬಿ) ಸೇರಿ ವಿವಿಧ ಗ್ರಾಮಗಳಲ್ಲಿ ರೈತರು ಮುಂಗಾರು ಹಂಗಾಮು ಬಿತ್ತನೆಗೆ ಚಾಲನೆ ನೀಡಿದ್ದಾರೆ. ಕಳೆದ 2&3 ದಿನಗಳ ಹಿಂದೆ ಬೆಳಗ್ಗೆ ಸುರಿದ ಮಳೆಗೆ ಜಮೀನುಗಳಲ್ಲಿ ಅಲ್ಪಸ್ವಲ್ಪ ತೇವಾಂಶವಾಗಿದ್ದ ಕಾರಣ ರೈತರು ಮುಂಗಾರು ಹಂಗಾಮಿನ ಬೆಳೆಗಳಾದ ಹೆಸರು, ಹತ್ತಿ, ತೊಗರಿ ಬಿತ್ತನೆಗೆ ಮುಂದಾಗಿದ್ದಾರೆ ಎಂದು ಖಾನಾಪುರ ಗ್ರಾಮದ ರೈತ ಭೀಮರಾಯ ಉಳ್ಳೆಸುಗೂರ ತಿಳಿಸಿದ್ದಾರೆ.

ಕಳೆದ ಒಂದು ವಾರದ ಹಿಂದೆ ರಂಟೆ ಕುಂಟೆ ಹೊಡೆದು ಜಮೀನು ಹಸನುಗೊಳಿಸಿ ಸಜ್ಜುಗೊಳಿಸುವಲ್ಲಿ ನಿರತರಾಗಿದ್ದರು. ಸಾಲ&ಸೋಲ ಮಾಡಿ ರೈತರು ಬೀಜ ರಸಗೊಬ್ಬರವನ್ನು ಸಂಗ್ರಹ ಮಾಡಿಕೊಂಡಿದ್ದರು. ಇದೀಗ ಮಳೆರಾಯ ಅಲ್ಪ ಪ್ರಮಾಣ ಕೃಪೆ ತೋರಿದ್ದರ ಹಿನ್ನೆಲೆಯಲ್ಲಿ ಕೃಷಿ ಚಟುವಟಿಕೆಗಳು ಗರಿಗೇದರಿವೆ.