7.87 ಲಕ್ಷ ಗಣತಿ ನಮೂನೆ ವಿತರಣೆ

ಕಲಬುರಗಿ: ವಿಶೇಷ ಸಮಗ್ರ ಮತದಾರರ ಪಟ್ಟಿ ಪರಿಷ್ಕರಣೆ ಕಾರ್ಯ ಜಿಲ್ಲೆಯಲ್ಲಿ ಭರದಿಂದ ಸಾಗಿದ್ದು, ಕಳೆದ ಮೂರು ದಿನಗಳ ಅವಧಿಯಲ್ಲಿ ಜಿಲ್ಲೆಯಾದ್ಯಂತ ಒಟ್ಟು 7,87,920 (ಶೇ.33.22) ಮತದಾರರಿಗೆ ಗಣತಿ ನಮೂನೆ ವಿತರಣೆ ಮಾಡಲಾಗಿದೆ ಎಂದು ಜಿಲ್ಲಾ ಚುನಾವಣಾಧಿಕಾರಿ ಇಕ್ರಮ್​ ಶರೀಫ್​ ತಿಳಿಸಿದ್ದಾರೆ.

ಜೂನ್​ 16ರಂತೆ ಜಿಲ್ಲೆಯಾದ್ಯಂತ 23,71,542 ಮತದಾರರಿದ್ದು, ಈ ಪೈಕಿ ಜುಲೈ 2ರವರೆಗೆ ಶೇ. 33.22 ರಷ್ಟು ಮತದಾರರಿಗೆ ಬಿಎಲ್​ಓಗಳು ಮನೆ, ಮನೆಗೆ ತೆರಳಿ ಗಣತಿ ನಮೂನೆ ವಿತರಿಸಿದ್ದಾರೆ. ಈವರೆಗೆ 8,318 (ಶೇ.0.35) ಮತದಾರರಿಂದ ಭರ್ತಿ ಮಾಡಿದ ಗಣತಿ ನಮೂನೆ ಪಡೆದು ಮೊಬೈಲ್​ ತಂತ್ರಾಂಶದಲ್ಲಿ ಡಿಜಿಟೈಸ್​ ಮಾಡಿದ್ದಾರೆ. 1,152 (ಶೇ.0.05) ಮತದಾರರು ಸ್ವಯಂ ಪ್ರೇರಿತವಾಗಿ ಆನ್​ಲೈನ್​ ಮೂಲಕ ಗಣತಿ ನಮೂನೆ ಸಲ್ಲಿಸಿದ್ದಾರೆ. ಬಿಎಲ್​ಓಗಳು ಮನೆ&ಮನೆ ಭೇಟಿ ನೀಡಿದಾಗ ಈವರೆಗೆ 11 ಮತದಾರರು ಸ್ಥಳಾಂತರಗೊಂಡಿರುವುದು ಮತ್ತು 60 ಜನ ನಿಧನ ಹೊಂದಿರುವ ಬಗ್ಗೆ ವರದಿಯಾಗಿದೆ.

ಈ ಸಮಗ್ರ ಮತದಾರರ ಪಟ್ಟಿ ಪರಿಷ್ಕರಣೆ ಭಾಗವಾಗಿ ಬಿಎಲ್​ಓಗಳು ಮನೆ ಮನೆಗೆ ತೆರಳಿ ಮತದಾರರಿಗೆ ಗಣತಿ ಅರ್ಜಿ ನೀಡಿ ಅವರಿಂದ ಪುನ- ಪಡೆದು ಮೊಬೈಲ್​ ತಂತ್ರಾಂಶದಲ್ಲಿ ಡಿಜಿಟಲೈಸ್​ ಮೂಲಕ ಭರ್ತಿ ಮಾಡಲು ಜುಲೈ 29ರವರೆಗೆ ಅವಕಾಶ ಕಲ್ಪಿಸಲಾಗಿದೆ.