ಪ್ರವೇಶ ಪತ್ರ ಬಿಡುಗಡೆ; ಸೆ.29ರಿಂದ ಎಸ್​ಎಸ್​ಬಿ ಪರೀಕ್ಷೆ ಶುರು

ನವದೆಹಲಿ: ಪ್ರಸಕ್ತ ವರ್ಷ ನಡೆಯಲಿರುವ ದೈಹಿಕ ಸಾಮರ್ಥ್ಯ ಹಾಗೂ ದೈಹಿಕ ಕ್ಷಮತೆ ಪರೀಕ್ಷೆಗಳಿಗೆ ಸಶಸ್ತ್ರ ಸೀಮಾ ಬಲ (ಎಸ್​ಎಸ್​ಬಿ)ವು ಪ್ರವೇಶ ಪತ್ರ ಬಿಡುಗಡೆಯಾಗಿದ್ದು, ಅಭ್ಯರ್ಥಿಗಳು ಸಶಸ್ತ್ರ ಸೀಮಾ ಬಲದ ವೆಬ್​ಸೈಟ್​ನಿಂದ ಪಡೆದುಕೊಳ್ಳಬಹುದು.

ನಾನ್​ ಜಿಡಿ ವಿಭಾಗದ 1956 ಎಸ್​ಐ, ಎಎಸ್​ಐ, ಹೆಡ್​ಕಾನ್​ಸ್ಟೇಬಲ್​ ಹಾಗೂ ಕಾನ್​ಸ್ಟೇಬಲ್​ ಹುದ್ದೆಗಳಿಗೆ ನೇಮಕಾತಿ ನಡೆಯಲಿದ್ದು. ಈ ಹಿನ್ನೆಲೆಯಲ್ಲಿ ಪರೀಕ್ಷೆ ನಡೆಯಲಿದೆ. ಅಭ್ಯರ್ಥಿಗಳು https://www.ssbrectt.gov.in./ ಗೆ ಲಾಗಿನ್​ ಮಾಡಿಕೊಳ್ಳಬೇಕಿದೆ. ಜತೆಗೆ ನೋಂದಣಿ ಸಂಖ್ಯೆ ಹಾಗೂ ಪಾಸ್​ವರ್ಡ್​ ನಮೂದಿಸಬೇಕಿದೆ. ಈ ವೇಳೆ ಪ್ರವೇಶ ಪತ್ರ ದೊರೆಯಲಿದ್ದು, ಅಭ್ಯರ್ಥಿಗಳು ಡೌನ್​ಲೋಡ್​ ಮಾಡಿಕೊಳ್ಳಬಹುದು.

ಕ್ರಮ ಸಂಖ್ಯೆ, ಪರೀಕ್ಷಾ ಕೊಠಡಿ ಹಾಗೂ ಪರೀಕ್ಷಾ ವಿವರಗಳ ಸಹಿತ ಪ್ರಮುಖ ಮಾಹಿತಿಗಳನ್ನು ಪ್ರವೇಶ ಪತ್ರ ಒಳಗೊಂಡಿದೆ. ಪರೀಕ್ಷೆ ವೇಳೆ ಮೂಲ ದಾಖಲೆಗಳನ್ನು ಹಾಜರುಪಡಿಸಬೇಕಿದ್ದು, ಪರೀಕ್ಷೆಯು ಸೆ.29ರಿಂದ ಆರಂಭವಾಗಲಿದೆ.