ಮುಂದಕ್ಕೆ ಹೋಯ್ತು ಬ್ಯುಸಿ ಹೀರೋಯಿನ್​ ಶ್ರೀಲೀಲಾ ನಟನೆಯ ಸಿನಿಮಾ!

ಹೈದ್ರಾಬಾದ್​: ಸ್ಯಾಂಡಲ್​ವುಡ್​​ನ ಕಿಸ್​ ಬೆಡಗಿ, ನಟಿ ಶ್ರೀಲೀಲಾ ಇದೀಗ ಟಾಲಿವುಡ್​ ಅಂಗಳದಲ್ಲಿ ಮಿಂಚುತ್ತಿದ್ದು, ಹಲವು ಸ್ಟಾರ್​ ನಟರ ಸಿನಿಮಾಗೆ ನಾಯಕಿಯಾಗಿ ಅಭಿನಯಿಸುವ ಮುಖೇನ ಸಿಕ್ಕಾಪಟ್ಟೆ ಬ್ಯುಸಿಯಿರುವ ನಟಿ ಎಂಬ ಪಟ್ಟ ಪಡೆದುಕೊಂಡಿದ್ದಾರೆ.

ಇದನ್ನೂ ಓದಿ: ಕನ್ನಡ ಭಾಷೆಯ ಕುರಿತು ನಟ ಮಂಡ್ಯ ರಮೇಶ್​ ಮನದಾಳದ ಮಾತು

ಇತ್ತೀಚೆಗಷ್ಟೇ ರಾಮ್​ ಪೋತಿನೇನಿ ಜತೆಗೆ ನಟಿಸಿದ 'ಸ್ಕಂದ' ರಿಲೀಸ್​ ಆಗಿ ಪ್ರೇಕ್ಷಕರಿಂದ ಮಿಶ್ರ ಪ್ರತಿಕ್ರಿಯೆಗಳನ್ನು ಗಳಿಸಿತು. ಸದ್ಯ ಈಗ ಮತ್ತೊಂದು ವಿಚಾರ ಕುರಿತಂತೆ ಶ್ರೀಲೀಲಾ ಸುದ್ದಿಯಲ್ಲಿದ್ದಾರೆ.

ಸದಾ ಒಂದಲ್ಲ ಒಂದು ಪಾಸಿಟಿವ್​ ವಿಷಯವಾಗಿ ಸೋಷಿಯಲ್​ ಮೀಡಿಯಾದಲ್ಲಿ ಸದ್ದು ಮಾಡುವ ಶ್ರೀಲೀಲಾ, ಟಾಲಿವುಡ್​ ಸ್ಟಾರ್ ನಟರ​ ಸಿನಿಮಾಗಳಿಗೆ ಬಹು ಬೇಡಿಕೆಯ ನಾಯಕಿಯಾಗಿ ಆಯ್ಕೆಯಾಗುತ್ತಿದ್ದಾರೆ. ಇತ್ತೀಚೆಗಷ್ಟೇ ಲಿಪ್​ಲಾಕ್​ ಸೀನ್​ ಬಗ್ಗೆ ಬಹಿರಂಗವಾಗಿ ಮಾತನಾಡುವ ಮುಖೇನ ನೆಟ್ಟಿಗರ ವ್ಯಾಪಕ ಅಭಿಪ್ರಾಯಗಳಿಗೆ ಕಾರಣರಾಗಿದ್ದರು.

ಇದನ್ನೂ ಓದಿ: ಮರಾಠ ಮೀಸಲು ಪ್ರತಿಭಟನೆ ವೇಳೆ ರಾಜ್ಯದ ಬಸ್​ ಸುಟ್ಟವರಿಗೆ ಸಾರಿಗೆ ಸಚಿವರಿಂದ ಖಡಕ್​ ಎಚ್ಚರಿಕೆ!

ಶ್ರೀಕಾಂತ್ ಎನ್. ರೆಡ್ಡಿ ನಿರ್ದೇಶನದ 'ಆದಿಕೇಶವ' ಚಿತ್ರದಲ್ಲಿ ಮೆಗಾ ಹೀರೋ ಪಂಜಾ ವೈಷ್ಣವ್ ತೇಜ್ ಮತ್ತು ಶ್ರೀಲೀಲಾ ಮುಖ್ಯಭೂಮಿಕೆಯಲ್ಲಿ ನಟಿಸಿದ ಸಿನಿಮಾ ತೆರೆಗೆ ಬರಲು ಸಜ್ಜಾಗಿದ್ದು, ಚಿತ್ರ ಮತ್ತೆ ಸುದ್ದಿಯಲ್ಲಿದೆ. ಈ ಹಿಂದೆ ನಿರ್ಮಾಪಕ ನಾಗ ವಂಶಿ ಬಿಡುಗಡೆ ದಿನಾಂಕವನ್ನು ನವೆಂಬರ್ 10, 2023 ರಂದು ಘೋಷಿಸಿದ್ದರು. ಆದ್ರೆ ಇಂದು ಬದಲಾವಣೆ ತಂದಿದ್ದು, ನವೆಂಬರ್ 24 ರಂದು ರಿಲೀಸ್​ ಮಾಡಲಿದ್ದೇವೆ ಎಂದು ಅಧಿಕೃತವಾಗಿ ತಿಳಿಸಿದ್ದಾರೆ.

ಚಿತ್ರದಲ್ಲಿ ವೈಷ್ಣವ್ ತೇಜ್, ಶ್ರೀಲೀಲಾ, ಅಪರ್ಣಾ ದಾಸ್, ಜೋಜು ಜಾರ್ಜ್ ಸೇರಿದಂತೆ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಜಿವಿ ಪ್ರಕಾಶ್ ಕುಮಾರ್ ಸಂಗೀತ ನಿರ್ದೇಶನದ ಜವಾಬ್ದಾರಿಯನ್ನು ಹೊತ್ತಿದ್ದಾರೆ,(ಏಜೆನ್ಸೀಸ್).

https://www.vijayavani.net/bbks10-vinay-karthik-clash-in-the-house