ನವದೆಹಲಿ: ಅಂತರಿಕ್ಷದಲ್ಲಿ ಎರಡು ಸ್ಪೇಡೆಕ್ಸ್ ಉಪಗ್ರಹಗಳನ್ನು ಯಶಸ್ವಿಯಾಗಿ ಬೇರ್ಪಡಿಸಿರುವುದಾಗಿ (ಡಿಡಾಕಿಂಗ್) ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಗುರುವಾರ ಪ್ರಕಟಿಸಿದೆ. ಚಂದ್ರ, ಮಾನವಸಹಿತ ಅಂತರಿಕ್ಷ ನೌಕೆ ಮತ್ತು ತನ್ನದೇ ಬಾಹ್ಯಾಕಾಶ ನಿಲ್ದಾಣ ಸ್ಥಾಪನೆ ಮುಂತಾದ ಭವಿಷ್ಯದ ಮಿಷನ್ಗಳಿಗೆ ಈ ಯಶಸ್ವಿ ಕಾರ್ಯಾಚರಣೆ ಹಾದಿ ಸುಗಮಗೊಳಿಸಿದೆ. ಕೇಂದ್ರ ಸಚಿವ ಜಿತೇಂದ್ರ ಪ್ರಸಾದ್ ಸಿಂಗ್ ಸ್ಪೇಡೆಕ್ಸ್ ಡಿ-ಡಾಕಿಂಗ್ ವಿಚಾರವನ್ನು ಎಕ್ಸ್ ಖಾತೆಯಲ್ಲಿ ತಿಳಿಸಿದ್ದಾರೆ. ‘ಸ್ಪೇಡೆಕ್ಸ್ ಉಪಗ್ರಹಗಳು ನಂಬಲಸಾಧ್ಯವಾದ ಡಿ-ಡಾಕಿಂಗ್ ಸಾಧಿಸಿವೆ. ಭಾರತೀಯ ಅಂತರಿಕ್ಷ ನಿಲ್ದಾಣ, ಚಂದ್ರಯಾನ 4 ಮತ್ತು ಗಗನಯಾನ ಸಹಿತ ಭವಿಷ್ಯದ ಮಹತ್ವಾಕಾಂಕ್ಷೆಯ ಮಿಷನ್ಗಳ ಹಾದಿ ಇದರಿಂದ ಸುಗಮಗೊಂಡಿದೆ’ ಎಂದು ಸಚಿವ ಸಿಂಗ್ ಹೇಳಿದ್ದಾರೆ.
