ಅಮೆರಿಕ ಆಗಸದಲ್ಲಿ ಕಂಡಿದ್ದು ಇಬ್ಬರು ಸೂರ್ಯರಾ...? ಸಾಮಾಜಿಕ ಜಾಲತಾಣದಲ್ಲಿ ಮನಸೂರೆಗೊಂಡ ದೃಶ್ಯ

ವಾಷಿಂಗ್ಟನ್​: ಬಾಹ್ಯಾಕಾಶ ಯಾನದಲ್ಲಿ ಎಲಾನ್​ ಮಸ್ಕ್​ ಒಡೆತನದ ಸ್ಪೇಸ್​ ಎಕ್ಸ್​ ಸಂಸ್ಥೆ ಭಾರಿ ಸಾಧನೆಗೈದಿದೆ. ಕಳೆದ ತಿಂಗಳಷ್ಟೇ ನಾಸಾದ ಇಬ್ಬರು ಗಗನಯಾನಿಗಳನ್ನು ಯಶಸ್ವಿಯಾಗಿ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕೆ ತಲುಪಿಸಿತ್ತು.

ಅಮೆರಿಕದ ನೆಲದಿಂದಲೇ ಗಗನಯಾನಿಗಳು ಬಾಹ್ಯಾಕಾಶ ನಡೆಸಿದ್ದು, ಇದೇ ಮೊದಲಾಗಿತ್ತು. ಜತೆಗೆ, ಗಗನಯಾನಿಗಳಿಗಾಗಿ ಫಾಲ್ಕನ್​ ನೌಕೆ ರೂಪಿಸಿದ ಮೊದಲ ಖಾಸಗಿ ಸಂಸ್ಥೆ ಎಂಬ ಹೆಗ್ಗಳಿಕೆಗೂ ಸ್ಪೇಸ್​ ಎಕ್ಸ್​ ಪಾತ್ರವಾಗಿತ್ತು.

ಇದನ್ನೂ ಓದಿ; ಈ ಸಿಡಿಲು ಬೆಂಗಳೂರಿನಿಂದ ಬೀದರ್​ವರೆಗಿನ ದೂರಕ್ಕೆ ಚಾಚಿಕೊಂಡಿತ್ತು…!

ಗಗನಯಾನಕ್ಕೆ ಬಳಸಿದ ರಾಕೆಟ್​ 24 ಟನ್​ ಸಾಮಗ್ರಿಯನ್ನು ಬಾಹ್ಯಾಕಾಶ ನಿಲ್ದಾಣಕ್ಕೆ ಸಾಗಿಸಿತ್ತು. ಸ್ಪೇಸ್​ ಎಕ್ಸ್​ ರಾಕೆಟ್​ ಉಡಾವಣೆ ಹಾಗೂ ಗಗಯಾನಿಗಳ ಫೋಟೋಗಳು ಸಾಮಾಜಿಕ ಜಾಲ ತಾಣದಲ್ಲಿ ಭಾರಿ ಮೆಚ್ಚುಗೆಗೆ ಪಾತ್ರವಾಗಿದ್ದವು. ಹಾರಾಟದ ಸಂಪೂರ್ಣ ದೃಶ್ಯಗಳನ್ನು ಕಾಸ್ಮಿಕ್​ ಪರ್​ಸ್ಪೇಕ್ಟಿವ್ಸ್​ ಎಂಬ ಸಂಸ್ಥೆ ನಿಭಾಯಿಸಿತ್ತು.

ಇದೀಗ ಈ ರಾಕೆಟ್​ ಉಡಾವಣೆಯ ಮತ್ತೊಂದು ಚಿತ್ರ ಭಾರಿ ಗಮನ ಸೆಳೆದಿದೆ. ರಾಕೆಟ್​ಅನ್ನು ಉಡಾಯಿಸಿದ ಬಳಿಕ ಅದಕ್ಕೆ ಬಳಸಲಾಗಿದ್ದ ಬೂಸ್ಟರ್​ಗಳು ಭೂಮಿಗೆ ಬೀಳುವ ದೃಶ್ಯ ಇದರಲ್ಲಿ ಸೆರೆಯಾಗಿದೆ. ಎರಡೂ ಹೆಚ್ಚು ಕಡಿಮೆ ಏಕಕಾಲಕ್ಕೆ ಭೂಮಿಗೆ ಮರಳಿವೆ. ಬೆಂಕಿಯ ಉಂಡೆಗಳಂತಿರುವ ಈ ಬೂಸ್ಟರ್​ಗಳ ಚಿತ್ರ ರಾತ್ರಿ ವೇಳೆ ಇನ್ನಷ್ಟು ಸುಂದರವಾಗಿ ಗೋಚರಿಸಿದೆ.

ಇದನ್ನೂ ಓದಿ; ಪಾಕಿಸ್ತಾನದ ವಿಮಾನ ದುರಂತಕ್ಕೆ ಕಾರಣವಾಗಿದ್ದು ಕರೊನಾ…!

ಇವುಗಳ ಪ್ರತಿಫಲನ ನೀರಿನಲ್ಲಿ ಸೆರೆಯಾಗಿರುವ ಚಿತ್ರವನ್ನು ನೋಡಿದರೆ, ಇಬ್ಬರು ಸೂರ್ಯರು ಮುಳುಗುತ್ತಿರುವಂತೆ ಭಾಸವಾಗುತ್ತದೆ. ಯಾವುದೋ ಸೈನ್ಸ್​ ಫಿಕ್ಷನ್​ ಚಿತ್ರವನ್ನು ನೋಡಿದಂತಾಗುತ್ತದೆ ಎಂದು ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

https://www.vijayavani.net/statin-drugs-help-reduce-mortality-covid-19-patients/