ಟಿಕ್​ಟಾಕ್​ನಲ್ಲಿ ಕಣ್ಸನ್ನೆ ಸುಂದರಿಯ ಝಲಕ್​ ನೋಡಿ...

ತಿರುವನಂತಪುರ: ಕೆಲ ವರ್ಷಗಳ ಹಿಂದಷ್ಟೇ ಯಾರಿಗೂ ಪರಿಚಯವೇ ಇಲ್ಲದಿದ್ದ ಪ್ರಿಯಾ ಪ್ರಕಾಶ್​ ವಾರಿಯರ್​ ಕಳೆದ ವರ್ಷ ರಾತ್ರೋರಾತ್ರಿ ಮನೆಮನೆಗಳ ಮಾತಾಗಿಬಿಟ್ಟರು. ಒಂದೇ ಒಂದು ಕಣ್ಣು ಮಿಟಿಕಿಸುವ ಮೂಲಕ, ಖ್ಯಾತಿ ಪಡೆದ ಈ ನಟಿಯದ್ದೇ ಫೋಟೋ ವರ್ಷಗಟ್ಟಲೆ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿತು.

"ಕಣ್ಸನ್ನೆ ಹುಡುಗಿ" ಎಂದು ರಾತ್ರೋರಾತ್ರಿ ಸೋಷಿಯಲ್ ಮೀಡಿಯಾ ಮೂಲಕ ಪ್ರಸಿದ್ದರಾದಳು ಮಲಯಾಳದ ಈ ಬೆಡಗಿ. ಸ್ಯಾಂಡಲ್​ವುಡ್​ ಸೇರಿದಂತೆ ಅನೇಕ ಭಾಷೆಗಳಲ್ಲಿ ಕೂಡ ಭಾರಿ ಬೇಡಿಕೆ ಕುದುರಿಸಿಕೊಂಡಳು.

ಇದನ್ನೂ ಓದಿ: ಮದ್ಯಕ್ಕೆ ಇನ್ಮುಂದೆ ಆಧಾರ್​ ಕಡ್ಡಾಯ, ವಾರಕ್ಕೆರಡೇ ದಿನ ಖರೀದಿ- ಇದು ಹೈಕೋರ್ಟ್​ ತೀರ್ಪು

"ಒರು ಆಡಾರ್ ಲವ್" ಮಲಯಾಳ ಚಿತ್ರದಲ್ಲಿ ಈಕೆಯ ಅಭಿನಯಕ್ಕೆ ಮನಸೋತ ನಿರ್ದೇಶಕರು ತಮ್ಮ ಮುಂದಿನ ಚಿತ್ರಗಳಲ್ಲಿ ಪ್ರಿಯಾಳನ್ನೇ ನಾಯಕಿ ಮಾಡುವ ಆಸೆ ಪಟ್ಟಿದ್ದರು. ಮಾಣಿಕ್ಯ ಮಲರಾಯ ಪೂವಿ' ಹಾಡಿನಲ್ಲಿ ಕಣ್ಣುಮಿಟುಕಿಸಿ ಇಡೀ ಸಿನಿ ರಸಿಕರ ಹೃದಯ ಗೆದ್ದುಬಿಟ್ಟಳು ಈ ಬೆಡಗಿ.

ಯಾವಾಗ ಪ್ರಿಯಾಳ ಕಣ್ಸನ್ನೆ ಭಾರಿ ಪ್ರಚಾರ ಗಿಟ್ಟಿಸಿಕೊಂಡಿತೋ ಆ ನಂತರವಂತೂ ಪ್ರಿಯಾ ಬಹು ಬೇಡಿಕೆಯ ನಟಿಯಾಗಿಬಿಟ್ಟಳು. ಸ್ಯಾಂಡಲ್​ವುಡ್​ಗೆ ಪರಿಚಯಿಸಲು ಸಾಕಷ್ಟು ನಿರ್ದೇಶಕರು, ನಿರ್ಮಾಪಕರು ಪ್ರಯತ್ನಿಸಿದರೂ ಯಶಸ್ವಿಯಾಗಿರಲಿಲ್ಲ. ಅಷ್ಟು ಬೇಡಿಕೆ ಈಕೆಗೆ.

ಇದನ್ನೂ ಓದಿ:ಇದನ್ನೂ ಓದಿ: ತಾಯಿಯನ್ನು ಜೀವಂತ ಸಮಾಧಿ ಮಾಡಿದ ಮಗ, 3 ದಿನಗಳ ನಂತರ ಕಾದಿತ್ತೊಂದು ಅಚ್ಚರಿ!

ಮಲಯಾಳದ ಈ ನಟಿ ಇದೀಗ ಮತ್ತೊಮ್ಮೆ ಸುದ್ದಿಯಾಗಿದ್ದಾರೆ. ಅದೂ ಸಾಮಾಜಿಕ ಜಾಲತಾಣದ ಮೂಲಕವೇ. ಹೌದು. ಮೂರು ಭಾಷೆಗಳಲ್ಲಿ ಟಿಕ್​ಟಾಕ್​ ಮಾಡಿರುವ ಈ ಸುಂದರಿಯ ವೀಡಿಯೋ ಇದೀಗ ಸಕತ್​ ವೈರಲ್​ ಆಗಿದೆ.

ಇಂಗ್ಲಿಷ್​, ತಮಿಳು ಮತ್ತು ಮಲಯಾಳ ಭಾಷೆಗಳಲ್ಲಿ ಟಿಕ್​ಟಾಕ್​ ಮಾಡಲಾಗಿದೆ. ಈಕೆಯ ಫ್ಯಾನ್ಸ್​ಗಳೆಲ್ಲಾ ಈ ಟಿಕ್​ಟಾಕ್​ನಿಂದಾಗಿ ಅಭಿಮಾನ ಮತ್ತಷ್ಟು ಹೆಚ್ಚಿಸಿಕೊಂಡಿದ್ದು, ಪ್ರತಿಭೆಗೆ ಭಾಷೆಯ ಗಡಿ ಇಲ್ಲ ಎಂದಿದ್ದಾರೆ. ದಯವಿಟ್ಟು ಹಿಂದಿಯಲ್ಲಿ ಕೂಡ ಟಿಕ್​ಟಾಕ್​ ಅಭಿನಯ ಮಾಡಿ ಎಂದು ಕೆಲವರು ಮನವಿ ಮಾಡಿಕೊಂಡಿದ್ದಾರೆ. ಆದರೆ ಕೆಲವರು ಎಲ್ಲಾ ವೀಡಿಯೋದಲ್ಲಿಯೂ ನಟನೆ ಒಂದೇ ರೀತಿಯಿದ್ದು, ಸ್ವಲ್ಪ ಆ್ಯಕ್ಟಿಂಗ್​ ಬದಲಾಯಿಸಿಕೊಳ್ಳಿ ಎಂದೂ ಕಾಲೆಳೆದಿದ್ದಾರೆ.

ಇಲ್ಲಿದೆ ನೋಡಿ ಪ್ರಿಯಾಳ ಟಿಕ್​ಟಾಕ್​ ಮೋಡಿ: