ಗಣೇಶ ಹಬ್ಬದ ಸಂಭ್ರದಲ್ಲಿ ಸೋನಾಕ್ಷಿ ದಂಪತಿ; ವಿಡಿಯೋ ನೋಡಿ ನೆಟ್ಟಿಗರು ಹೀಗೆಳಿದ್ದೇಕೆ?

ಮುಂಬೈ: ನಟಿ ಸೋನಾಕ್ಷಿ ಸಿನ್ಹಾ ಜೂನ್ 23 ರಂದು ಜಹೀರ್ ಇಕ್ಬಾಲ್ ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿರುವ ವಿಚಾರ ಎಲ್ಲರಿಗೂ ಗೊತ್ತೆ ಇದೆ. ಇದು ಅಂತರ್ಜಾತಿ ವಿವಾಹವಾದ್ದರಿಂದ ಆರಂಭದಲ್ಲಿ ಸೋನಾಕ್ಷಿ ಸಿನ್ಹಾ ಮತ್ತು ಅವರ ಕುಟುಂಬವನ್ನು ಹಲವರು ಟೀಕಿಸಿದರು. ಮದುವೆಯ ನಂತರ ಇಬ್ಬರೂ ಸಂತೋಷದ ಜೀವನ ನಡೆಸುತ್ತಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಇಬ್ಬರೂ ಒಟ್ಟಿಗೆ ಮೋಜು ಮಾಡುತ್ತಿರುವ ಫೋಟೋ ಮತ್ತು ವಿಡಿಯೋಗಳನ್ನು ಹೆಚ್ಚಾಗಿ ಕಾಣಬಹುದು.

ಇದನ್ನು ಓದಿ: ನನ್ನ ಜೀವನದಲ್ಲಿ 2 ಬ್ರೇಕಪ್ ಆಗಿದ್ದು ಇದೇ ಕಾರಣಕ್ಕೆ; ಮಿಲ್ಕಿ ಬ್ಯೂಟಿ ಏನೇಳಿದ್ರು ಗೊತ್ತಾ?

ಸದ್ಯ ಸೋನಾಕ್ಷಿ ಸಿನ್ಹಾ ಮಾಡಿರುವ ಪೋಸ್ಟ್​ವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಪೋಸ್ಟ್​ನಲ್ಲಿ ಸೋನಾಕ್ಷಿ ಮತ್ತು ಜಹೀರ್ ಗಣೇಶನಿಗೆ ಆರತಿ ಮಾಡುತ್ತಿರುವುದನ್ನು ನೋಡಬಹುದು. ಇದರ ಮೂಲಕ ಧರ್ಮದ ಗೆರೆಯನ್ನು ಅಳಿಸಲು ಪ್ರಯತ್ನಿಸುತ್ತಿರುವುದು ಕಂಡುಬರುತ್ತದೆ.

ಗಣೇಶ ಹಬ್ಬದಂದು ನಟಿ ಸೋನಾಕ್ಷಿ ಸಿನ್ಹಾ ಅವರು ಜಹೀರ್ ಇಕ್ಬಾಲ್ ಅವರೊಂದಿಗೆ ತಲೆಯ ಮೇಲೆ ದುಪಟ್ಟಾ ಧರಿಸಿ ಗಣೇಶನಿಗೆ ಆರತಿ ಮಾಡಿದ್ದಾರೆ. ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಜತೆಗೆ ಪರಸ್ಪರರ ನಂಬಿಕೆಗಳನ್ನು ನಿಜವಾದ ಸಾಮರಸ್ಯದಿಂದ ಗೌರವಿಸಿದಾಗ, ಪ್ರೀತಿ ಗೌರವದಲ್ಲಿ ಅರಳುತ್ತದೆ. ಮದುವೆಯ ನಂತರ ನಮ್ಮ ಮೊದಲ ಗಣಪತಿ ಎಂದು ಬರೆದುಕೊಂಡಿದ್ದಾರೆ.

ಈ ಪೋಸ್ಟ್​ಗೆ ನೆಟ್ಟಿಗರು ಪ್ರತಿಕ್ರಿಯಿಸಿದ್ದಾರೆ. ನಾನು ಪರಸ್ಪರರ ಧರ್ಮ ಮತ್ತು ಪದ್ಧತಿಗಳನ್ನು ಒಪ್ಪಿಕೊಳ್ಳಲು ಇಷ್ಟಪಡುತ್ತೇನೆ ಮತ್ತು ಜಗತ್ತನ್ನು ನಿರ್ಲಕ್ಷಿಸಲು ಇಷ್ಟಪಡುತ್ತೇನೆ. ಒಳ್ಳೆಯ ವೀಡಿಯೋ, ದೊಡ್ಡ ಧರ್ಮವೆಂದರೆ ಮಾನವೀಯತೆ ಮತ್ತು ಹೃದಯವು ಸುರಕ್ಷಿತವಾಗಿರಬೇಕು, ಹಿಂದೂ ಮುಸ್ಲಿಂ ಎಲ್ಲರೂ ಒಂದೇ. ಈಗ ಅತ್ತಿಗೆಯೂ ಉಪವಾಸ ಇರಬೇಕಾಗುತ್ತದೆ. ಜಹೀರ್ ಆರತಿ ಮಾಡುತ್ತಿದ್ದರೆ ಸೋನಾಕ್ಷಿ ನಮಾಜ್ ಮಾಡುತ್ತಿದ್ದಾರಾ ಎಂದು ಕಾಮೆಂಟ್​ಗಳು ಬರುತ್ತಿವೆ. (ಏಜೆನ್ಸೀಸ್​​)

https://www.vijayavani.net/censor-cleared-kangana-ranauts-emergency-with-cuts