ಈಗೇನಾದರೂ ಶ್ರೀನಗರಕ್ಕೆ ಹೋದರೆ ಮರಗಟ್ಟಿ ಹೋಗುತ್ತೀರಿ!; ಈ ಸೀಸನ್​ನಲ್ಲೇ ಇದುವರೆಗಿನ ಅತಿ ಕಡಿಮೆ ಉಷ್ಣಾಂಶ ದಾಖಲು!

ಶ್ರೀನಗರ: ಈಗ ಎಲ್ಲೆಡೆ ಚಳಿ ಆರಂಭವಾಗಿದೆ. ದೇಶದ ದಕ್ಷಿಣ ಭಾಗದಲ್ಲೇ ನಡುಕ ಹುಟ್ಟಿಸುವಷ್ಟು ಚಳಿ ಇದೆ. ಹೀಗಿರುವಾಗ ಉತ್ತರ ಭಾರತದಲ್ಲಿ ಅದರಲ್ಲೂ ದೇಶದ ತುತ್ತತುದಿಯಲ್ಲಿರುವ ಶ್ರೀನಗರದಲ್ಲಿ ಹೇಗಿರಬಹುದು ಎಂದು ಕೇಳುವ ಹಾಗಿಲ್ಲ. ಏಕೆಂದರೆ ಈಗೇನಾದರೂ ನೀವು ಅಲ್ಲಿಗೆ ಹೋದರೆ ಮರಗಟ್ಟಿ ಹೋಗುತ್ತೀರಿ!.

ಹೌದು.. ಶ್ರೀನಗರದಲ್ಲಿ ಈ ಸೀಸನ್​ನಲ್ಲಿ ಇದುವರೆಗಿನ ಅತಿ ಕಡಿಮೆ ಎಂಬಷ್ಟು ಕನಿಷ್ಠ ತಾಪಮಾನ ಶನಿವಾರ ವರದಿಯಾಗಿದೆ. ಅಂದರೆ ಶನಿವಾರದ ವರದಿ ಪ್ರಕಾರ ಶ್ರೀನಗರದಲ್ಲಿ ಕನಿಷ್ಠ ಉಷ್ಣಾಂಶ ಮೈನಸ್​ 6.6 ಡಿಗ್ರಿ ಸೆಲ್ಸಿಯಸ್ ದಾಖಲಾಗಿದೆ. ಡಿ. 17ರಂದು ಮೈನಸ್​ 6.4 ಡಿ.ಸೆ. ಇದ್ದ ಕನಿಷ್ಠ ತಾಪಮಾನ ಡಿ. 18ರಂದು ಮೈನಸ್​ 6.6ಕ್ಕೆ ಇಳಿದಿದೆ. ಇನ್ನು 2019ರ ಡಿ. 30 ಮತ್ತು 2016ರ ಡಿ. 21ರಂದು ಮೈನಸ್ 6.5 ಡಿ. ಸೆ. ಕನಿಷ್ಠ ತಾಪಮಾನ ವರದಿಯಾಗಿತ್ತು.

ಇದನ್ನೂ ಓದಿ: ಮದುವೆಯಾಗಿ ಎರಡೇ ತಿಂಗಳಲ್ಲಿ ಗರ್ಭಿಣಿಯಾಗಿದ್ದು ಹೇಗೆ? ಹೊಟ್ಟೆ ಹಿಂದಿನ ಸತ್ಯ ಬಿಚ್ಚಿಟ್ಟ ಗಾಯಕಿ!

ಶ್ರೀನಗರದಲ್ಲಿ ಸಾಮಾನ್ಯವಾಗಿ ಡಿ. 21ರಿಂದ ಆರಂಭವಾಗಿ 40 ದಿನಗಳವರೆಗೆ ತೀವ್ರ ಚಳಿ ಇರುತ್ತದೆ. ಆದರೆ ಈಗಲೇ ಮೈನಸ್​ 6.6 ಡಿ.ಸೆ. ಕನಿಷ್ಠ ತಾಪಮಾನ ವರದಿ ಆಗಿರುವುದು, ಸದ್ಯದಲ್ಲೇ ಅದು ಇನ್ನೂ ಹೆಚ್ಚಿನ ಮಟ್ಟಕ್ಕೆ ಕುಸಿಯುವ ಸೂಚನೆ ನೀಡಿದೆ. (ಏಜೆನ್ಸೀಸ್​)

https://www.vijayavani.net/a-female-clinician-began-experiencing-probable-anaphylactic-symptoms-about-10-minutes-after-receiving-the-shot/

https://www.vijayavani.net/siddaramya-v-s-hd-kumaraswamy/

https://www.vijayavani.net/vizag-couple-ended-their-lives-after-families-reject-marriage-proposal/

https://www.vijayavani.net/elephants-uduturgam-forest-near-hosur/