ಚೈನೀಸ್, ರಷ್ಯನ್ ಭಾಷೆಯಲ್ಲಿ ಪರ್ವ ಕಾದಂಬರಿ

2019ರಲ್ಲಿ ಕಿರ್ಗೀಸ್ಥಾನದ ಬಿಶ್ಕೆಕ್​ನಲ್ಲಿ ನಡೆದ ಶಾಂಘೈ ಕೊ-ಆಪರೇಷನ್ ಆರ್ಗನೈಸೇಷನ್(ಎಸ್​ಸಿಒ) ಶೃಂಗಸಭೆಯಲ್ಲಿ ಮಾತನಾಡಿದ್ದ ಪ್ರಧಾನಿ ನರೇಂದ್ರ ಮೋದಿ, ಎಸ್​ಸಿಒ ದೇಶಗಳ ಅತ್ಯುತ್ತಮ ಮನಸ್ಸುಗಳನ್ನು ಹತ್ತಿರವಾಗಿಸಲು 10 ಮಹಾನ್ ಕೃತಿಗಳನ್ನು ಚೈನೀಸ್, ರಷ್ಯನ್ ಹಾಗೂ ಎಸ್​ಸಿಒ ಭಾಷೆಗಳಿಗೆ ಅನುವಾದ ಮಾಡಿಸಲಾಗುತ್ತದೆ ಎಂದು ಘೋಷಿಸಿದ್ದರು. ಈ ಯೋಜನೆಯ ಭಾಗವಾಗಿ 10 ಕೃತಿಗಳನ್ನು ಕೇಂದ್ರ ಸಾಹಿತ್ಯ ಅಕಾಡೆಮಿ ಆಯ್ಕೆ ಮಾಡಿತ್ತು. ಈ ಎಲ್ಲ ಕೃತಿಗಳ ಇಂಗ್ಲಿಷ್ ಅನುವಾದವನ್ನೂ ಮುದ್ರಣ ಮಾಡಲಾಗಿದೆ ಎಂದು ಕೇಂದ್ರ ಸಾಹಿತ್ಯ ಅಕಾಡೆಮಿ ಕಾರ್ಯದರ್ಶಿ ಡಾ. ಕೆ. ಶ್ರೀನಿವಾಸ ರಾವ್ ಹೇಳಿದ್ದಾರೆ.